सुयां मयोपिं बुढाबुढीत

 सुयां मयोपिं बुढाबुढीत

रमेश मान महर्जन

च्वमि रमेशमान महर्जन विसर्ग तइमखुम्ह नापं नेपालभाषा ब्वने अपुकेमा धका आख ह्वंका तइमखुम्ह । वयकलं गथे छ्वया हल अथे हे थन तयागु जुल

 थौं कन्हे मनूतयगुं खँ जक

आजु अजि धैपिं द्यः नांजक

न्ह्योने ठीक्क ल्यूने दिक्क

खलि लोक पत्या यायेथें जक

                                   सुथय दसेंनिसें बहनी मद्यंतले

                                   नये च्वने पुनेहे सुख मदु स्व

                                   न्हि छ्वयेत हे आमुजामु इमित

                                    सुइत छु धाये ज्यूगु मखु स्व

दान्छी दां गनं वैगु मदु

सुनानं न त्वं धाइगु मखु

थम्हं दयेका नये ज्यूगु मखु

प्वा सुखुसां न्ववाये ज्यूगु मखु

गनंं चाहिले फुगु मखु

बसय जुइत धेबा दुगु मखु

खलासी ड्राइभर तयसंला झन

बुढाबुढी धालकि सह याइमखु

 वजु थ्वजुहे दुगु मखु

वास यानां याये फुगु मखु

अस्पतालय वनेत सुना पुच्छे मया

काचाक दना जुइ फुगुहे मखु

भता वसां थत दुगु मखु

फलपूmलला नां कायेहे मागु मखु

दां दान्छी आम्पा कोलाछी

चिया छगूहे त्वने फुगु मखु

यसानं मयसा नयेम्वा धायथें

मिखा स्वया म्हुतु नये दुगु मखु

गुलिसियां अपो गुलीसिया सुपथें

ल्यंपोलं तकहे नये दुगु मखु

इलय बेलय् क्वागु छपे

ज जक नयदुसां भाग्यमानी

धासा इमित मजिल मधासा थत

मनय वःसां म्हुतु धाये मफयाच्वनी

 थ्व स्वार्थी समजय म्वाना च्वनेत

धको खर्च यायेफुसा जक गाक नयदै

थके सम्पत्ति दुसा जक सकसिनं धाई

मखुसाला झीत ध्व ला खिचाला थें याई

गुलिनं झीथाय ...संस्थात दु

चाकु केना भुजिंलाइपिं स्व

म्हुतु पिचु इमी नुग हाकु

दुने दुने कुस्त कमाय याइपिं स्व

 सेवाया नामं धेबा कमाय यायेगुली

मनूत पल्कय थुया वल स्व

सतह देग फल्चा तकहे इमिसं

बलं बिया पालं याये सया वल स्व

नयेद्योया नयद्योत तयसं जागु थ्व देशे

गबले जक थन ह्यूपा वैगु जुइ

व नेपाख्वात धाकसित वान्छ्वया

नेपादे दयके धाइपिं न्ह्योने वैगु जुइ

 लिज्ञां धैगुनं माहेमा खनि

इलयहे सम्पत्ति मुंका तयेमा

सुइगु हे भरे च्वने म्वाक झीसं

ब्याजं हे नयेत गाक धेबा बैंकय दयेमा

थके दुसा जक सकसिनं धाई

मदुसा सुनांहे धाइ मखु स्व

छय् छुइ धैपिंला छखेहे छ्व

थ कायपिन्सं हे विचा याइमखु स्व

स्वार्थी या स्वार्थीं जागु थ्व धर्ती

सुनानं सुइगु अर्ति न्यनी मखु स्व

थः भिंसा जक हे सकलें भिनिं

सुइगुं आस भरोसाय च्वनेमते स्व

थहे तसीं इपिं थहे लाखेलसीं

आजु अजिया सेवाहे याइमखुपिं

निग्ती खँयहे तमं तमं जुया

सम्पत्ति यो लही मयोपिं इपिं

थौंया मचात कन्हेया ल्यायम्ह

छन्हुला इपिंनं बुढाबुढी जुया वै

ऋले तिनि थम्हं न्हापा याना तैगु

दुःख सुख फु लुमना वै

गबले तक झीसं आजु अजिपिन्त

सेवा व धर्म भावं स्वै मखु

अबले तक थ्व झीगु समाज

गबले कथं हंका नये फैमखु

झी व पुर्खा तयसं केना वंगु लँपु

झीगु लावग ह्याउँगु निभा जः खः

भविष्य झीगु सुथां लाकेत

इमिसं दुःख सिया वंगु खः

 थ्व संसारे थनथें आजु अजिपिन्त

हेपय याइगु दे गननं दैमखु

सागालय् वान्छ्वया तगु फोहरथें

सुयां स्वयमयोपिं बुढा बुढीतहे थें च्वं

ज्वजलपा वाःपौ ४९८ ने.सं.११४५ सिल्लाथ्व एकादशी २०८१ मघ २७ गते आइतवार