नेपाल रेडक्रस सोसाइटी किपूया १० क्वःगु दँमुँज्या क्वचाल
नेपाल रेडक्रस सोसाइटी किपू उपशाखाया झिक्वःगु दँमूज्या म्हिगः शनिवार कृष्ण क्याटरिंग हल किपुली जुल ।
उपशाखाया सभापति राजेन्द्र बानियाँया नायोसुइ जूगु उगु ज्याझ्वःया उलेज्या सोसाइटीया सल्लाहकार नापं समाजसेवी ई.दुर्कमान महर्जनं त्वारवालय् मत च्याकाः यानादिल ।
वार्षिक प्रतिवेदन छ्याञ्जे सजिव वस्नेत देशं पिने वनाच्वंगुलिं ल्यूछ्याञ्जे दिलिप महर्जनं वार्षिक प्रतिवेदन न्ह्यब्वया दिल । वय्कःया प्रतिवेदन कथं उपशाखाय् यशस्कर जः १, आजीवन जः २६६, साधारण जः १०३ व जुनियर रेडक्रस सर्कल १० झिगु, युवा रेडक्रस सर्कल १ छगू दुगु खँ कनादिल । अथेहे थीथी समिति व समितिया संयोजकपिनिगु नां धलः नं न्ह्यब्वया दिल । १.विपद व्यवस्थापन समिति —अनिल महर्जन २.जुनियर तथा युवा रेडक्रस सर्कल समिति — सन्तोष महर्जन, ३.आर्थिक तथा स्रोत परिचालन समिति— जनकलाल महर्जन ४. सामुदायिक महिला विकास समिति— रिना शाही ५. स्वास्थ्य तथा सेवा समिति— दिलिप कुमार महर्जन ६. कार्यालय व्यवस्थापन समिति— रिडी भन्सारी, ८. प्रशिक्षण तथा विकास समिति — रुपेन्द्र महर्जनयात जिम्म बिउगु खः । अथेहे आ.व. २०७२÷०७३ य् १० झिगू ज्याझ्वः पूवंकागु खँ नं कनादिल । कोषाध्यक्ष जनकलाल महर्जनं आर्थिक प्रतिवेदन न्ह्यब्वयादिल । वय्कःया कथं आ.व. २०७२÷०७३ य् जःल्हापं व धेबा ग्वाहालि याना मुक्क आम्दानी रु.८४,१९० दुत वःगु खःसा खर्च रु. ८२,४०५ जूगु खँ कनादिल । वय्कलं वइगु दँय् यायेगु थीथी न्यागू ५ ज्याया निंति रु.२४,००,०००÷ धेबाया बजेट न्ह्यब्वया दिल ।
भिन्तुना मन्तव्य तयादीपिं पाहाँपिं मध्य बरिष्ठ सल्लाहकार आकर्षण प्रधानं २४ लखया बजेट ला तयादिल तर दाँ गनं वइगु स्रोतया न्ह्यथना मतःगु खँ कुला दिल । आः कीर्तिपुर व दक्षिणकाली नगरपालिका छगू हे जुइगु खँ दु अथेजुल धाःसा छु यायेगु धइगु नं न्ह्यसः थनांदिल । छाय्धाःसा छगू नगरपालिका दुने निगु उपशाखा तइमखु ।
एन.आर एन क्यालिफोर्नियाया अध्यक्ष पूर्ण चन्द्र बानियाँ थगुने नेपालय् तःभुखाय ब्वःगु इलय् रेडक्रस किपू शाखायात ग्वाहालिया निंतिं ५ न्यागु लख धेबा छ्वया हयागु खँ कँसे लिपा लिपा नं रेडक्रसं याइगु बांलागु ज्यायात ग्वाहालि यायेत एनआरएन क्यालिफोर्निया तयार दुगु खँ कनादिल ।
नेपाल रेडक्रस सोसाइटी काठमाडौं जिल्ला शाखाया मन्त्री नविन मानन्धरं रेडक्रस कीर्तिपुर उपशाखाया भवन दु तर संचालनय् वयाच्वंगु मदु । उगु भवन संचालन यायेगु निंति जिल्ला शाखापाखें रु. १ लाखतक ग्वाहालि यायेगु खँ नं कनादिल ।
मूपाहाँ ई.दुर्कमान महर्जनं रेडक्रस किपू उपशाखां निगू ज्या यायेमाःगु खँय् बःबियादिल ।रक्त संचार व्यवस्थापन कोष व दमकल दुहाँ मवंगु थासय् मिंन्वइबलय् मिस्यायेगु उपकरण तयेमाः । रक्त संचार व्यवस्थापन कोष नीस्वनेगु निंतिं थःगु पाखें १० झिद्वः तका ग्वाहालि यायेगु बचं बियादिल । वय्कःया व प्रस्तावया समर्थनय् पूर्ण चन्द्र बानियाँ, व नविन मानन्धरं नं म्हतिं झिद्वः तका ग्वाहालि यायेगु बचं बियादिल ।
सभानायो राजेन्द्र बानियाँ नं कोषय् थःगु पाखें नं झिद्वः तका ग्वाहालि यायेगु बर्च बियादिल । नापं वय्कलं ल्याःचा पारदर्शि जुइगु खँकंसें किपूमितसें छ्यंक्वछुके मालीगु छुं नं कथंया ज्या मयायेगु बचं नं बियादिल ।
नेपाल रेडक्रस सोसाइटी किपू उपशाखाया झिक्वःगु दँमूज्या म्हिगः शनिवार कृष्ण क्याटरिंग हल किपुली जुल ।
उपशाखाया सभापति राजेन्द्र बानियाँया नायोसुइ जूगु उगु ज्याझ्वःया उलेज्या सोसाइटीया सल्लाहकार नापं समाजसेवी ई.दुर्कमान महर्जनं त्वारवालय् मत च्याकाः यानादिल ।
वार्षिक प्रतिवेदन छ्याञ्जे सजिव वस्नेत देशं पिने वनाच्वंगुलिं ल्यूछ्याञ्जे दिलिप महर्जनं वार्षिक प्रतिवेदन न्ह्यब्वया दिल । वय्कःया प्रतिवेदन कथं उपशाखाय् यशस्कर जः १, आजीवन जः २६६, साधारण जः १०३ व जुनियर रेडक्रस सर्कल १० झिगु, युवा रेडक्रस सर्कल १ छगू दुगु खँ कनादिल । अथेहे थीथी समिति व समितिया संयोजकपिनिगु नां धलः नं न्ह्यब्वया दिल । १.विपद व्यवस्थापन समिति —अनिल महर्जन २.जुनियर तथा युवा रेडक्रस सर्कल समिति — सन्तोष महर्जन, ३.आर्थिक तथा स्रोत परिचालन समिति— जनकलाल महर्जन ४. सामुदायिक महिला विकास समिति— रिना शाही ५. स्वास्थ्य तथा सेवा समिति— दिलिप कुमार महर्जन ६. कार्यालय व्यवस्थापन समिति— रिडी भन्सारी, ८. प्रशिक्षण तथा विकास समिति — रुपेन्द्र महर्जनयात जिम्म बिउगु खः । अथेहे आ.व. २०७२÷०७३ य् १० झिगू ज्याझ्वः पूवंकागु खँ नं कनादिल । कोषाध्यक्ष जनकलाल महर्जनं आर्थिक प्रतिवेदन न्ह्यब्वयादिल । वय्कःया कथं आ.व. २०७२÷०७३ य् जःल्हापं व धेबा ग्वाहालि याना मुक्क आम्दानी रु.८४,१९० दुत वःगु खःसा खर्च रु. ८२,४०५ जूगु खँ कनादिल । वय्कलं वइगु दँय् यायेगु थीथी न्यागू ५ ज्याया निंति रु.२४,००,०००÷ धेबाया बजेट न्ह्यब्वया दिल ।
भिन्तुना मन्तव्य तयादीपिं पाहाँपिं मध्य बरिष्ठ सल्लाहकार आकर्षण प्रधानं २४ लखया बजेट ला तयादिल तर दाँ गनं वइगु स्रोतया न्ह्यथना मतःगु खँ कुला दिल । आः कीर्तिपुर व दक्षिणकाली नगरपालिका छगू हे जुइगु खँ दु अथेजुल धाःसा छु यायेगु धइगु नं न्ह्यसः थनांदिल । छाय्धाःसा छगू नगरपालिका दुने निगु उपशाखा तइमखु ।
एन.आर एन क्यालिफोर्नियाया अध्यक्ष पूर्ण चन्द्र बानियाँ थगुने नेपालय् तःभुखाय ब्वःगु इलय् रेडक्रस किपू शाखायात ग्वाहालिया निंतिं ५ न्यागु लख धेबा छ्वया हयागु खँ कँसे लिपा लिपा नं रेडक्रसं याइगु बांलागु ज्यायात ग्वाहालि यायेत एनआरएन क्यालिफोर्निया तयार दुगु खँ कनादिल ।
नेपाल रेडक्रस सोसाइटी काठमाडौं जिल्ला शाखाया मन्त्री नविन मानन्धरं रेडक्रस कीर्तिपुर उपशाखाया भवन दु तर संचालनय् वयाच्वंगु मदु । उगु भवन संचालन यायेगु निंति जिल्ला शाखापाखें रु. १ लाखतक ग्वाहालि यायेगु खँ नं कनादिल ।
मूपाहाँ ई.दुर्कमान महर्जनं रेडक्रस किपू उपशाखां निगू ज्या यायेमाःगु खँय् बःबियादिल ।रक्त संचार व्यवस्थापन कोष व दमकल दुहाँ मवंगु थासय् मिंन्वइबलय् मिस्यायेगु उपकरण तयेमाः । रक्त संचार व्यवस्थापन कोष नीस्वनेगु निंतिं थःगु पाखें १० झिद्वः तका ग्वाहालि यायेगु बचं बियादिल । वय्कःया व प्रस्तावया समर्थनय् पूर्ण चन्द्र बानियाँ, व नविन मानन्धरं नं म्हतिं झिद्वः तका ग्वाहालि यायेगु बचं बियादिल ।
सभानायो राजेन्द्र बानियाँ नं कोषय् थःगु पाखें नं झिद्वः तका ग्वाहालि यायेगु बर्च बियादिल । नापं वय्कलं ल्याःचा पारदर्शि जुइगु खँकंसें किपूमितसें छ्यंक्वछुके मालीगु छुं नं कथंया ज्या मयायेगु बचं नं बियादिल ।
No comments:
Post a Comment