स्व.नवीन महर्जनयात संगीत श्रद्धाञ्जली देछात
ज्वजलपा वाःपौ /
स्व.नवीन महर्जन मदुगु लत्याया पुण्यतिथी थौं आइतवाः वय्कःया लत्याःया पुण्यतिथी म्हिगः शनिवाः सुगम संगीत पुचः, किपू नं गुतपौ त्वालय् सांगीतिक श्रद्धाञ्जली देछात ।
पुचःया नायः न्हुच्छे दर्शनया सभानायोसुइ जूगु उगु ज्याझ्वलय् नवीननाप तसकं सतिक स्वापु दुपिं प्रदिप महर्जन, राजेन्द्र कुमार पुता व वीरप्रसाद भन्सारीपिं पाहांकथं झायादीगु खः ।
ललेन्द्र शाक्यं न्ह्याकादीगु उगु ज्याझ्वलय् पुचःया छ्याञ्जे ध्रुब कुमार महर्जनं लसकुस यानादीगु खः ।
सुगम संगीत पुचःया दुजःपिन्सं सांगीतीय श्रद्धाञ्जली देछाय् धुंकाः वय्कःया तस्वीरय् अन उपस्थित सकसिनं नं स्वां देछानां छगू मिनेट मौन धारण याना श्रद्धाञ्जली देछाःगु खः ।
स्व.नवीन महर्जनयात लुमंकेगु झ्वलय् वय्कःया तसकं मिलय्जूम्ह मचांनिसेंया पासा राजेन्द्र कुमार पुतां वय्कःया मचाबलय्निसें मदइगु इलय् तकया वय्कःया बानी व्यवहारया बारे खँ कनांदिल ।
अथेहे कीर्तिपुर खेलकुद विकास समितिया नायो प्रदीप महर्जनं नवीनया खेलकुदप्रति दुगु आस्था व विचाःया बारे पूवंक खँ कनांदिल । किपुली खेलकुदया विकासया निंति छगू संस्था नीस्वनेमाःगु विचाः याना नवीनया पहलं हे कीर्तिपुर खेलकुद विकास समिति नीस्वंगु खँ कनादिसें थःत अध्यक्ष याना नवीनं महासचिवया जिम्मा कयादिल । वय्कःया सक्रियता व कुतलं हे नयाँबजारय् खेलकुद मैदान दय्केफत । वास्केटवल कोर्ट नापं मिनि फुटवल ग्राउण्ड नापं दय्के फत । अथे हे वय्कलं न्हूदँया लसताय् किपुली दँय्दँसं क्रस कन्ट्री प्रतियोगिता याना वयाच्वंगु खँ नं कनांदिल । अले नवीनया कुतलं हे दँय्दसं क्यालेन्डर पिकाय्गु याना वयाच्वंगु खँ नं कनांदिल ।
इन्द्रेणी सांस्कृति समाजया नायो वीरप्रसाद भन्सारीं स्व.नवीन महर्जनया संगीतप्रति लगावया बारे खँ कनादिल । नवीन झिदँति दतजुइ २०३५ सालय् तसकं बांलाक मादल थाय्सय् धुंकल । उकिं इन्द्रेणी सांस्कृतिक समाजया न्ह्याग्गु ज्याझ्वलय् नं नवीनयात ब्वनां यंकेगु खँ कनांदिल । वं तबला, कंगो न्ह्याग्गु बाजं नं थाय्सःगु खँ कनांदिल । नवीनं च्वया संगीत तयातःगु म्येत मुंकाः म्येचाः पिकाय्गु हे वय्कःयात श्रद्धाञ्जली बिइगु जुइ धयादिल ।
सभानायो नापं सुगम संगीत पुचःया नायो न्हुच्छे दर्शनं सुगम संगीत पुचः गथेजुया पलिस्था जुल, थुगु पुचः पलिस्था यायेत स्व.नवीन महर्जनया गुलि योगदान दु धइगु खँ बांलाक कुलाःदिल ।
वय्कःया २०६८ सालया स्वांपुन्हि खुन्हु सुगम संगीत पुचः नीस्वंगु खः । स्व.नवीन महर्जन सुगम संगीत पुचःया संस्थापक नापं संरक्षक नं खः । वय्कःया निधनं पुचःयात तःधंगु क्षति जूगु खँ कनादिसें पुचःयात मदिक्क न्ह्याका यंकेगु हे नवीनयात श्रद्धाञ्जली बिइगु जुइ ।
ज्वजलपा वाःपौ /
स्व.नवीन महर्जन मदुगु लत्याया पुण्यतिथी थौं आइतवाः वय्कःया लत्याःया पुण्यतिथी म्हिगः शनिवाः सुगम संगीत पुचः, किपू नं गुतपौ त्वालय् सांगीतिक श्रद्धाञ्जली देछात ।
पुचःया नायः न्हुच्छे दर्शनया सभानायोसुइ जूगु उगु ज्याझ्वलय् नवीननाप तसकं सतिक स्वापु दुपिं प्रदिप महर्जन, राजेन्द्र कुमार पुता व वीरप्रसाद भन्सारीपिं पाहांकथं झायादीगु खः ।
ललेन्द्र शाक्यं न्ह्याकादीगु उगु ज्याझ्वलय् पुचःया छ्याञ्जे ध्रुब कुमार महर्जनं लसकुस यानादीगु खः ।
सुगम संगीत पुचःया दुजःपिन्सं सांगीतीय श्रद्धाञ्जली देछाय् धुंकाः वय्कःया तस्वीरय् अन उपस्थित सकसिनं नं स्वां देछानां छगू मिनेट मौन धारण याना श्रद्धाञ्जली देछाःगु खः ।
स्व.नवीन महर्जनयात लुमंकेगु झ्वलय् वय्कःया तसकं मिलय्जूम्ह मचांनिसेंया पासा राजेन्द्र कुमार पुतां वय्कःया मचाबलय्निसें मदइगु इलय् तकया वय्कःया बानी व्यवहारया बारे खँ कनांदिल ।
अथेहे कीर्तिपुर खेलकुद विकास समितिया नायो प्रदीप महर्जनं नवीनया खेलकुदप्रति दुगु आस्था व विचाःया बारे पूवंक खँ कनांदिल । किपुली खेलकुदया विकासया निंति छगू संस्था नीस्वनेमाःगु विचाः याना नवीनया पहलं हे कीर्तिपुर खेलकुद विकास समिति नीस्वंगु खँ कनादिसें थःत अध्यक्ष याना नवीनं महासचिवया जिम्मा कयादिल । वय्कःया सक्रियता व कुतलं हे नयाँबजारय् खेलकुद मैदान दय्केफत । वास्केटवल कोर्ट नापं मिनि फुटवल ग्राउण्ड नापं दय्के फत । अथे हे वय्कलं न्हूदँया लसताय् किपुली दँय्दँसं क्रस कन्ट्री प्रतियोगिता याना वयाच्वंगु खँ नं कनांदिल । अले नवीनया कुतलं हे दँय्दसं क्यालेन्डर पिकाय्गु याना वयाच्वंगु खँ नं कनांदिल ।
सभानायो नापं सुगम संगीत पुचःया नायो न्हुच्छे दर्शनं सुगम संगीत पुचः गथेजुया पलिस्था जुल, थुगु पुचः पलिस्था यायेत स्व.नवीन महर्जनया गुलि योगदान दु धइगु खँ बांलाक कुलाःदिल ।
वय्कःया २०६८ सालया स्वांपुन्हि खुन्हु सुगम संगीत पुचः नीस्वंगु खः । स्व.नवीन महर्जन सुगम संगीत पुचःया संस्थापक नापं संरक्षक नं खः । वय्कःया निधनं पुचःयात तःधंगु क्षति जूगु खँ कनादिसें पुचःयात मदिक्क न्ह्याका यंकेगु हे नवीनयात श्रद्धाञ्जली बिइगु जुइ ।
No comments:
Post a Comment