ज्वजलपा वाःपौ ल्याः १०६ ने.सं.११३६ गुंलाथ्व एकादशि आइतवाः
किपुली सार्वजनिक सुनवाई नापं सहलह मुँज्या
ज्वजलपा वाः पौ÷
समुदाय व प्रहरीया दथुइ समन्वय यायेत किपुली पलिस्था जूगु सामुदायिक सेवा केन्द्र व महानगरीय प्रहरी वृत्त किपूया मंकाः ग्वसालय् म्हिगः सनिवाः कृष्ण क्याटरिंगया हलय् सार्वजनिक सुनुवाई ज्याझ्वः याःगु दु ।
सामुदायिक सेवा केन्द्रया नायो रविन्द्रवहादुर प्रधानया नायोसुइ जूगु उगु ज्याझ्वःया मूपाहाँ किपू नगरपालिकाया कार्यकारी अधिकृत उद्धव प्रसाद रिजाल व विशेष पाहाँ डिएसपि डा.मेखबहादुर खत्री
खः ।
धर्मेन्द्रा शाहनं न्ह्याकूगु उगु ज्याझ्वलय् लसकुस न्वचू प्रहरी निरिक्षक राजेन्द्र अधिकारीं बियादीगु खः । लसकुस न्वचू बिइगु झ्वलय् वय्कलं महानगरीय प्रहरी वृत्त किपूनं थ्व दच्छिया दुने याःगु ज्याया बारे जानकारी बियादिल ।
अनंलिपा फ्लोरय् माईक बिया दर्शकदिर्घां खँ कायेगु यात । यक्वसे ब्वति काःगु उगु सार्वजनिक सुनुवाईलय् अप्वसें महानगरीय कीर्तिपुर प्रहरी वृत्तया प्रमुख डिएसपि डा. मेखबहादुर खत्रीया ज्यायात च्वछायेगु यात । नापं किपूया त्वनेगु लःया समस्या बारे न्ह्यसः थन ।
डिएसपि मेख बहादुर खत्री किपुली सरुवा जुया वयेवं नयाँबजार लागायात वान वे यानाः बिउबलय् गाडी जाम मजूगु, लँय् जुइ हे ज्यामछिंक तरकारी पसः, पानी पुरी पसः, फलपूmल पसः तयातःपिन्त चीकूगुलिं बजार सफा जूगु, लँजुवाःतय्त अःपूगु बारे सकसेंनं प्रशंसा यात । अथेहे थौंकन्हे प्रहरीया सक्रियतां यानाः बहनि लिबाक तक लँय् जुइत ग्यानापु मजूगु धकाः नं न्ह्याबलें प्रहरी थथे हे सक्रिय जुयाच्वनेमाःगु खँ न्ह्यब्वया दिल ।
अन ब्वति कयाःच्वंपिन्सं बजारय् तरकारी बजाः मतय्कुसेंलि तरकारी यक्व थिकय् जूगु व स्थानीय कृषकतसें थःगु बुँई उत्पादन जूगु सिसबुसा व तरकारी तकं मिइ मखंगु गुनासो नं यात । उकिं छुं ई तोकय् यानाः छघौ या निघौया निंति जूसां तरकारी मिइगु व्यवस्था याना बिइत नं इनाप याःगु खने दत सा सतकय् तरकारी मिइके हे बिइमज्यू धइगु सः नं पसः कवः कयाः तरकारी व फलपूmल पसः तयाच्वंपिन्सं सः तःगु खने दत ।
अथे हे नगरपालिकां दिशामुक्त क्षेत्र घोषणा याःसां खिचा लहीपिन्सं लँय् खिचयात खिफाके हइगु । थुकी नगरपालिकाया छु धारणा दु ? अथे हे फोहर न्ह्यलाथाय् वांछ्वया तइगु थुकी नगरपालिकां वास्ता मयाःगु, भूकम्प पिडितया बारे नं यक्व न्ह्यसः तःगु दु ।
ऐतिहासिक व सांस्कृति देय् किपूया नामं नांजायाच्वंगु थौं अय्ला थ्वँ त्वनेगु देय्या रुपय् म्हसिया वयाच्वंगु खँय् सकसिनं चिन्ता प्वंकूगु दु ।
ट्राफिक प्रहरी नयाँबजारय् लँया जवय्पाखे जक मोटर साईकल तयेगु नियम दयेका बिउगुलिं जवय्पाखे जक मोटरसाइकल दिके हइबलय् अन पसः तयाच्वंपिं व्यापारीतय्त समस्या जूगु खँ नं अन न्ह्यब्वयेगु यात ।
अथे हे ज्वजलापा वाःपौया सहसम्पादक नजरराम महर्जनं किपूया लोकतान्त्रिक चुकय् थहाँवयेगु लँय् गाःगाः जुयाच्वंगु दु । थ्व लँ दयेकेगु निंतिं थःम्हंं लच्छि न्ह्यःहे जानकारी बिया नं थौंतक छुं हे मयाःगु, किपू
नगरपालिकाया थीथी गाडीत वेवारिसे अवस्थाय् उखेंथुखें तयातःगु दु । व गाडीतय्गु सुरक्षा यायेमाःला कि म्वाः ? नगरपालिकाया छु योजना दु धकाः न्ह्यसः तयादिल ।
अन ब्वलंगु न्ह्यसःया लिसः बिइगु झ्वलय् डिएसपि डा. मेख वहादुर खत्रीं धयादिल, “जि वसांनिसें शान्ति सुरक्षाय् यक्व सुधार वःगु दु । आः मनूत छुं नं समस्या ज्वनाः प्रहरीयाथाय् वयेत मग्याय् धुंकल ।
उकिं न्हापास्वया आः उजुरी नं अप्वः दर्ता जूगु दु । छेँय् अय्ला कयाः मिइपिनिगु ८७० लिटर अय्ला जफ्त यानाः प्वंका बिइधुन । अथे हे सार्वजनिक थासय् चुरोट त्वनीपि ६०१ म्हसित ज्वनाः कारवाही यानाः ६०,१०० धेबा मुंके धुनागु दु ।”
अथे हे वय्कलं बहनी लिबाक होटल रेष्टुरेण्ट चायेका अयलाः थ्वँ, वियर मियाः शान्ति सुरक्षाय् लिच्वःलाकीपिन्त थःम्हं कारवाही यायेगु वचं नं बियादिल । थातुथासय् गजिमां फडानी यायेगु ज्या नं याना वयाच्वनागु खँ कँसें जनताया सहयोग दत धाःसा सफल जुइगु खँ कनादिल । तरकारी पसः तयेकेगु खँय् बिचाः जुयाच्वंगु खँ कनाःदिल ।
किपू नगरपालिकाया कार्यकारी अधिकृतं लिसः बिइगु झ्वलय् भुखाचं पिडितपिन्त ग्वाहालि यायेगु खँ नेपाः सरकारया निर्णय कथं जुइगु, नगरपालिकां राजस्व अप्वयेकूगु मखुसे नेपाः सरकारं हे अप्वयेका हःगु, सिसिटिभी तयेगु निंति नगरपालिकां आर्थिक ग्वाहालि यायेगु, लोकतान्त्रिक चोकया लँ दयेकेत प्राविधिक ज्या जुयाच्वंगु खँ कनादिल । वयकलं किपू नगरपालिकाया गाडीया बारे धाःसा छुं हे लिसः बियामदी ।
किपुली सार्वजनिक सुनवाई नापं सहलह मुँज्या
ज्वजलपा वाः पौ÷
समुदाय व प्रहरीया दथुइ समन्वय यायेत किपुली पलिस्था जूगु सामुदायिक सेवा केन्द्र व महानगरीय प्रहरी वृत्त किपूया मंकाः ग्वसालय् म्हिगः सनिवाः कृष्ण क्याटरिंगया हलय् सार्वजनिक सुनुवाई ज्याझ्वः याःगु दु ।
सामुदायिक सेवा केन्द्रया नायो रविन्द्रवहादुर प्रधानया नायोसुइ जूगु उगु ज्याझ्वःया मूपाहाँ किपू नगरपालिकाया कार्यकारी अधिकृत उद्धव प्रसाद रिजाल व विशेष पाहाँ डिएसपि डा.मेखबहादुर खत्री
खः ।
धर्मेन्द्रा शाहनं न्ह्याकूगु उगु ज्याझ्वलय् लसकुस न्वचू प्रहरी निरिक्षक राजेन्द्र अधिकारीं बियादीगु खः । लसकुस न्वचू बिइगु झ्वलय् वय्कलं महानगरीय प्रहरी वृत्त किपूनं थ्व दच्छिया दुने याःगु ज्याया बारे जानकारी बियादिल ।
अनंलिपा फ्लोरय् माईक बिया दर्शकदिर्घां खँ कायेगु यात । यक्वसे ब्वति काःगु उगु सार्वजनिक सुनुवाईलय् अप्वसें महानगरीय कीर्तिपुर प्रहरी वृत्तया प्रमुख डिएसपि डा. मेखबहादुर खत्रीया ज्यायात च्वछायेगु यात । नापं किपूया त्वनेगु लःया समस्या बारे न्ह्यसः थन ।
डिएसपि मेख बहादुर खत्री किपुली सरुवा जुया वयेवं नयाँबजार लागायात वान वे यानाः बिउबलय् गाडी जाम मजूगु, लँय् जुइ हे ज्यामछिंक तरकारी पसः, पानी पुरी पसः, फलपूmल पसः तयातःपिन्त चीकूगुलिं बजार सफा जूगु, लँजुवाःतय्त अःपूगु बारे सकसेंनं प्रशंसा यात । अथेहे थौंकन्हे प्रहरीया सक्रियतां यानाः बहनि लिबाक तक लँय् जुइत ग्यानापु मजूगु धकाः नं न्ह्याबलें प्रहरी थथे हे सक्रिय जुयाच्वनेमाःगु खँ न्ह्यब्वया दिल ।
अन ब्वति कयाःच्वंपिन्सं बजारय् तरकारी बजाः मतय्कुसेंलि तरकारी यक्व थिकय् जूगु व स्थानीय कृषकतसें थःगु बुँई उत्पादन जूगु सिसबुसा व तरकारी तकं मिइ मखंगु गुनासो नं यात । उकिं छुं ई तोकय् यानाः छघौ या निघौया निंति जूसां तरकारी मिइगु व्यवस्था याना बिइत नं इनाप याःगु खने दत सा सतकय् तरकारी मिइके हे बिइमज्यू धइगु सः नं पसः कवः कयाः तरकारी व फलपूmल पसः तयाच्वंपिन्सं सः तःगु खने दत ।
अथे हे नगरपालिकां दिशामुक्त क्षेत्र घोषणा याःसां खिचा लहीपिन्सं लँय् खिचयात खिफाके हइगु । थुकी नगरपालिकाया छु धारणा दु ? अथे हे फोहर न्ह्यलाथाय् वांछ्वया तइगु थुकी नगरपालिकां वास्ता मयाःगु, भूकम्प पिडितया बारे नं यक्व न्ह्यसः तःगु दु ।
ऐतिहासिक व सांस्कृति देय् किपूया नामं नांजायाच्वंगु थौं अय्ला थ्वँ त्वनेगु देय्या रुपय् म्हसिया वयाच्वंगु खँय् सकसिनं चिन्ता प्वंकूगु दु ।
ट्राफिक प्रहरी नयाँबजारय् लँया जवय्पाखे जक मोटर साईकल तयेगु नियम दयेका बिउगुलिं जवय्पाखे जक मोटरसाइकल दिके हइबलय् अन पसः तयाच्वंपिं व्यापारीतय्त समस्या जूगु खँ नं अन न्ह्यब्वयेगु यात ।
अथे हे ज्वजलापा वाःपौया सहसम्पादक नजरराम महर्जनं किपूया लोकतान्त्रिक चुकय् थहाँवयेगु लँय् गाःगाः जुयाच्वंगु दु । थ्व लँ दयेकेगु निंतिं थःम्हंं लच्छि न्ह्यःहे जानकारी बिया नं थौंतक छुं हे मयाःगु, किपू
नगरपालिकाया थीथी गाडीत वेवारिसे अवस्थाय् उखेंथुखें तयातःगु दु । व गाडीतय्गु सुरक्षा यायेमाःला कि म्वाः ? नगरपालिकाया छु योजना दु धकाः न्ह्यसः तयादिल ।
अन ब्वलंगु न्ह्यसःया लिसः बिइगु झ्वलय् डिएसपि डा. मेख वहादुर खत्रीं धयादिल, “जि वसांनिसें शान्ति सुरक्षाय् यक्व सुधार वःगु दु । आः मनूत छुं नं समस्या ज्वनाः प्रहरीयाथाय् वयेत मग्याय् धुंकल ।
उकिं न्हापास्वया आः उजुरी नं अप्वः दर्ता जूगु दु । छेँय् अय्ला कयाः मिइपिनिगु ८७० लिटर अय्ला जफ्त यानाः प्वंका बिइधुन । अथे हे सार्वजनिक थासय् चुरोट त्वनीपि ६०१ म्हसित ज्वनाः कारवाही यानाः ६०,१०० धेबा मुंके धुनागु दु ।”
अथे हे वय्कलं बहनी लिबाक होटल रेष्टुरेण्ट चायेका अयलाः थ्वँ, वियर मियाः शान्ति सुरक्षाय् लिच्वःलाकीपिन्त थःम्हं कारवाही यायेगु वचं नं बियादिल । थातुथासय् गजिमां फडानी यायेगु ज्या नं याना वयाच्वनागु खँ कँसें जनताया सहयोग दत धाःसा सफल जुइगु खँ कनादिल । तरकारी पसः तयेकेगु खँय् बिचाः जुयाच्वंगु खँ कनाःदिल ।
किपू नगरपालिकाया कार्यकारी अधिकृतं लिसः बिइगु झ्वलय् भुखाचं पिडितपिन्त ग्वाहालि यायेगु खँ नेपाः सरकारया निर्णय कथं जुइगु, नगरपालिकां राजस्व अप्वयेकूगु मखुसे नेपाः सरकारं हे अप्वयेका हःगु, सिसिटिभी तयेगु निंति नगरपालिकां आर्थिक ग्वाहालि यायेगु, लोकतान्त्रिक चोकया लँ दयेकेत प्राविधिक ज्या जुयाच्वंगु खँ कनादिल । वयकलं किपू नगरपालिकाया गाडीया बारे धाःसा छुं हे लिसः बियामदी ।
No comments:
Post a Comment