हिलटाउन स्कुलया बिदाई व अभिनन्दन ज्याझ्वः
ज्वजलपा वाःपौ÷
किपू नगरपालिका वडा नं.१ बाघभैरवस्थानय् च्वंगु हिलटाउन मा.विं थुगुसी एसईई पासजूपिं थः विद्यार्थीपिन्त बिदाई व किपू नगरपालिकाया नवनिर्वाचित मेयर रमेश महर्जन, उपमेयर सरस्वती खड्का, वडा नं.१ या वडाध्यक्ष हर्ष महर्जन, वडा नं.२या वडाध्यक्ष रमेशमान डंगोल, वडा नं.३ या वडाध्यक्ष राजेन्द्र महर्जन, वडा नं.७या वडाध्यक्ष राजकुमार माली व वडा नं.१० या वडाध्यक्ष अमन महर्जनपिन्त अभिनन्दन याःगु खः ।
स्कूलया व्यवस्थापन समितिया नायः हिराकाजी महर्जनया सभानायःसुइ न्ह्याःगु उगु ज्याझ्वलय् मूपाहाँ स्कुलया संस्थापक प्रिन्सिपल प्रा.डा. हिरावहादुर महर्जनं त्वारवालय् मतच्याकाः उलेज्या यानादीगु खः । प्रिन्सिपल राजन तण्डुकारं स्कुलया छकूचा म्हसिइका बिसें लसकुस न्वचू बियादीगु खः । विशेष पाहाँ किपू नगरपालिकाया प्रमुख रमेश महर्जनं थःगु नुगःखँ तयेगु झ्वलय् एसईई परीक्षाय् ताःलाःपिं विद्यार्थीपिन्त प्लस टु ब्वनेबलय् थःत यःगु विषय ब्वनेत इनाप यानादिसें सुयागु करकाप, दबाब व लहलहैलय् वनाः छुं बिषय ल्ययाः ब्वनेगु यायेमते । थःत छु विषय यःगु खः, वहे विषय जक ब्वं, उकी हे छिमिगु भविष्य सुलाच्वंगु दइ धयादिल ।
उगु ज्याझ्वलय् सभाः नायः हिराकाजी महर्जनं २०७३ सालया एसईई परीक्षाय् ताःलाःपिं विद्यार्थीपिन्त खादा न्ययेकाः व एसईई परीक्षा ताःलाःपिं विद्यार्थीपिनिगु पुचः दुथ्याःगु किपाः लःल्हानाः सम्मान यासें बिदाई ज्याझ्वः याःगु खःसा हिलटाउन स्कूलपाखें एसईई परीक्षा २०७३ य् उत्कृष्ट निम्ह विद्यार्थी सलिना महर्जन व प्रशंसा खड्कायात मूपाहाँ प्रा.डा. हिराबहादुर महर्जनं दसिपौ व नगद सिरपाः लःल्हानादीगु खः ।
अथेहे, सभानायः हिराकाजी महर्जनं किपू नगरया नवनिर्वाचित मेयर रमेश महर्जन व उपमेयर सरस्वती खड्काया लिसें वडाध्यक्षपिं १ वडाया हर्ष महर्जन, २ वडाया रमेशमान डंगोल, ३ वडाया राजेन्द्र महर्जन, ७ वडाया राजकुमार माली व १० वडाया अमन महर्जनयात खादा क्वखायेकाः दसिपौ लःल्हानाः अभिनन्दन व सम्मान यानादीगु खः ।
ज्याझ्वलय् हिलटाउन स्कूलया एसईई टपर सलिना महर्जनं थःगु स्कूल जीवनलिसे स्वापू दूगु चिनाखँ न्यंकादीगु खःसा एसईई परीक्षाय् ‘ए’ ग्रेडं पास जुइत ताःलाःम्ह लसता शाक्य व मेम्ह एसईई टपर प्रशंसा खड्कां थःथःगु नुगःखँ तयादीगु खः । ज्याझ्वलय् किपूया डिएसपी टेकबहादुर कार्की, ज्याझ्वःया मूपाहाँ प्रा.डा. हिराबहादुर महर्जन, शिक्षाविद् प्रा.डा. रामकृष्ण महर्जनपिन्सं थःथःगु नुगःखँ तयादीगु खः ।
सहप्रधानाध्यापक दिनेश महर्जनं सुभाय् न्वचू बियाः सभानायः हिराकाजी महर्जनं छत्वाःचा नुगः खँ तयाः सभा क्वचाय्का दीगु खः ।
ज्वजलपा वाःपौ÷
किपू नगरपालिका वडा नं.१ बाघभैरवस्थानय् च्वंगु हिलटाउन मा.विं थुगुसी एसईई पासजूपिं थः विद्यार्थीपिन्त बिदाई व किपू नगरपालिकाया नवनिर्वाचित मेयर रमेश महर्जन, उपमेयर सरस्वती खड्का, वडा नं.१ या वडाध्यक्ष हर्ष महर्जन, वडा नं.२या वडाध्यक्ष रमेशमान डंगोल, वडा नं.३ या वडाध्यक्ष राजेन्द्र महर्जन, वडा नं.७या वडाध्यक्ष राजकुमार माली व वडा नं.१० या वडाध्यक्ष अमन महर्जनपिन्त अभिनन्दन याःगु खः ।
स्कूलया व्यवस्थापन समितिया नायः हिराकाजी महर्जनया सभानायःसुइ न्ह्याःगु उगु ज्याझ्वलय् मूपाहाँ स्कुलया संस्थापक प्रिन्सिपल प्रा.डा. हिरावहादुर महर्जनं त्वारवालय् मतच्याकाः उलेज्या यानादीगु खः । प्रिन्सिपल राजन तण्डुकारं स्कुलया छकूचा म्हसिइका बिसें लसकुस न्वचू बियादीगु खः । विशेष पाहाँ किपू नगरपालिकाया प्रमुख रमेश महर्जनं थःगु नुगःखँ तयेगु झ्वलय् एसईई परीक्षाय् ताःलाःपिं विद्यार्थीपिन्त प्लस टु ब्वनेबलय् थःत यःगु विषय ब्वनेत इनाप यानादिसें सुयागु करकाप, दबाब व लहलहैलय् वनाः छुं बिषय ल्ययाः ब्वनेगु यायेमते । थःत छु विषय यःगु खः, वहे विषय जक ब्वं, उकी हे छिमिगु भविष्य सुलाच्वंगु दइ धयादिल ।
उगु ज्याझ्वलय् सभाः नायः हिराकाजी महर्जनं २०७३ सालया एसईई परीक्षाय् ताःलाःपिं विद्यार्थीपिन्त खादा न्ययेकाः व एसईई परीक्षा ताःलाःपिं विद्यार्थीपिनिगु पुचः दुथ्याःगु किपाः लःल्हानाः सम्मान यासें बिदाई ज्याझ्वः याःगु खःसा हिलटाउन स्कूलपाखें एसईई परीक्षा २०७३ य् उत्कृष्ट निम्ह विद्यार्थी सलिना महर्जन व प्रशंसा खड्कायात मूपाहाँ प्रा.डा. हिराबहादुर महर्जनं दसिपौ व नगद सिरपाः लःल्हानादीगु खः ।
अथेहे, सभानायः हिराकाजी महर्जनं किपू नगरया नवनिर्वाचित मेयर रमेश महर्जन व उपमेयर सरस्वती खड्काया लिसें वडाध्यक्षपिं १ वडाया हर्ष महर्जन, २ वडाया रमेशमान डंगोल, ३ वडाया राजेन्द्र महर्जन, ७ वडाया राजकुमार माली व १० वडाया अमन महर्जनयात खादा क्वखायेकाः दसिपौ लःल्हानाः अभिनन्दन व सम्मान यानादीगु खः ।
ज्याझ्वलय् हिलटाउन स्कूलया एसईई टपर सलिना महर्जनं थःगु स्कूल जीवनलिसे स्वापू दूगु चिनाखँ न्यंकादीगु खःसा एसईई परीक्षाय् ‘ए’ ग्रेडं पास जुइत ताःलाःम्ह लसता शाक्य व मेम्ह एसईई टपर प्रशंसा खड्कां थःथःगु नुगःखँ तयादीगु खः । ज्याझ्वलय् किपूया डिएसपी टेकबहादुर कार्की, ज्याझ्वःया मूपाहाँ प्रा.डा. हिराबहादुर महर्जन, शिक्षाविद् प्रा.डा. रामकृष्ण महर्जनपिन्सं थःथःगु नुगःखँ तयादीगु खः ।
सहप्रधानाध्यापक दिनेश महर्जनं सुभाय् न्वचू बियाः सभानायः हिराकाजी महर्जनं छत्वाःचा नुगः खँ तयाः सभा क्वचाय्का दीगु खः ।
No comments:
Post a Comment