मङ्गल मा.वि. बधाई व दिक्षान्त समारोह
ज्वजलपा वाःपौ÷
किपूया मङ्गल मा.विं एसईई पास जूपिं थः विद्यार्थीपिन्त छगू ज्याझ्वःयासें दिक्षीत यासें भिन्तुना देछाल ।
वंगु असार १५ गते विहिवाः कक्षा १०य् ब्वनाच्वंम्ह अपर्णा उपाध्यायया सभानायोसुइ जूगु उगु ज्याझ्वःया मूपाहाँ किपू न.पा.या मेयर रमेश महर्जनं त्वारवालय् मत च्याकाः उलेज्या यानादिल । मेपिं पाहाँपिं खः विद्यालय निरीक्षक मोती राज खनाल, श्रोत व्यक्ति बासुदेव रेग्मी, मङ्गल बहुमुखी क्याम्पस प्रमुख प्रदीप महर्जन, वि.व्य.स. नायो अमन महर्जन व सिरपाः दातापिं, विद्यालय व्यवस्थापन समितिया दुजःपिं दुगु खः ।
एसईई पासजूपिं विद्यार्थीत मार्चपास यानाः थःथःगु थासय् फेतुई धुंकाः राष्ट्रिय गान, लसकुस म्ये हायकाल । सहप्रधानाध्यापक नीलकण्ठ महर्जनं लसकुस न्वचू बियादिल।
मूपाहाँ मेयर रमेश महर्जनं विद्यालय उत्कृष्ट ल्याः हयाः पासजूपिन्त सिरपाः लःल्हानादिसें थःगु न्वचूतय्गु झ्वलय् धयादिल “उच्च शिक्षाया लागि विषय ल्यय्बलय् मेपिनिगु लहलहैलय् मवंसें थःत यःगु विषय ब्वनाः विशेषज्ञता प्राप्त यायेगु सल्लाह बियादिल ।
अथेहे विद्यालयया कोअर्डिनेटर सिद्धिवहादुर महर्जनं मङ्गल स्कुलया थुगु सफलताया निंति विद्यार्थी, अभिभावक, शिक्षक व व्यवस्थापन समितिया तःधंगु ल्हाः दु । थुगु एकता व सफलता न्ह्याबलें दयाच्वनेमा धयादिल ।
उगु ज्याझ्वलय् दकलय् अप्वः ल्याः हयाः पासजूपिं विद्यार्थीपिं नन्दन सिंह व रुस्तम काफ्लेयात थीथी नगद सिरपाः नापं दसिपौ लःल्हाःगु खः । अष्टमाया गणित सिरपाः भरत वहादुर महर्जन, नीलकण्ठ सिरपाः नीलकण्ठ अमात्य, रत्न साईन्स सिरपाः रत्नवहादुर महर्जन, लोक विज्ञान सिरपाः लोकलाल महर्जन, कृष्ण हिरा सिरपाः पूर्णवहादुर महर्जन, पंचुलाल सिरपाः धौमई महर्जन, दिल चन्द्र निरन्तर सिरपाः अशोक महर्जन, रोनेट डट कम सिरपाः रोनेट महर्जन, ज्यानमाया स्मृति सिरपाः भावना महर्जन, ओम पदक कोअर्डिनेटर सिद्धिवहादुर महर्जनं सिरपाः बियादीगु खः ।
मङ्गल नगद सिरपाः नन्दन सिंह जीपिए ३.६५, रुस्तम काफ्ले ३.६५, मनिसा रावत जीपिए ३.६ व ओम कुमार पाल जीपिए ३.६ पिन्त ब्यूगु खः । निमित प्रधानाध्यापक लोकलाल महर्जनं सुभाय् न्वचु बियादीगु खः । उगु ज्याझ्वः लिपा विद्यार्थीतसें थीथी सांस्कृतिक ज्याझ्वः न्ह्यब्वःगु खः ।
ज्वजलपा वाःपौ÷
किपूया मङ्गल मा.विं एसईई पास जूपिं थः विद्यार्थीपिन्त छगू ज्याझ्वःयासें दिक्षीत यासें भिन्तुना देछाल ।
वंगु असार १५ गते विहिवाः कक्षा १०य् ब्वनाच्वंम्ह अपर्णा उपाध्यायया सभानायोसुइ जूगु उगु ज्याझ्वःया मूपाहाँ किपू न.पा.या मेयर रमेश महर्जनं त्वारवालय् मत च्याकाः उलेज्या यानादिल । मेपिं पाहाँपिं खः विद्यालय निरीक्षक मोती राज खनाल, श्रोत व्यक्ति बासुदेव रेग्मी, मङ्गल बहुमुखी क्याम्पस प्रमुख प्रदीप महर्जन, वि.व्य.स. नायो अमन महर्जन व सिरपाः दातापिं, विद्यालय व्यवस्थापन समितिया दुजःपिं दुगु खः ।
एसईई पासजूपिं विद्यार्थीत मार्चपास यानाः थःथःगु थासय् फेतुई धुंकाः राष्ट्रिय गान, लसकुस म्ये हायकाल । सहप्रधानाध्यापक नीलकण्ठ महर्जनं लसकुस न्वचू बियादिल।
मूपाहाँ मेयर रमेश महर्जनं विद्यालय उत्कृष्ट ल्याः हयाः पासजूपिन्त सिरपाः लःल्हानादिसें थःगु न्वचूतय्गु झ्वलय् धयादिल “उच्च शिक्षाया लागि विषय ल्यय्बलय् मेपिनिगु लहलहैलय् मवंसें थःत यःगु विषय ब्वनाः विशेषज्ञता प्राप्त यायेगु सल्लाह बियादिल ।
अथेहे विद्यालयया कोअर्डिनेटर सिद्धिवहादुर महर्जनं मङ्गल स्कुलया थुगु सफलताया निंति विद्यार्थी, अभिभावक, शिक्षक व व्यवस्थापन समितिया तःधंगु ल्हाः दु । थुगु एकता व सफलता न्ह्याबलें दयाच्वनेमा धयादिल ।
उगु ज्याझ्वलय् दकलय् अप्वः ल्याः हयाः पासजूपिं विद्यार्थीपिं नन्दन सिंह व रुस्तम काफ्लेयात थीथी नगद सिरपाः नापं दसिपौ लःल्हाःगु खः । अष्टमाया गणित सिरपाः भरत वहादुर महर्जन, नीलकण्ठ सिरपाः नीलकण्ठ अमात्य, रत्न साईन्स सिरपाः रत्नवहादुर महर्जन, लोक विज्ञान सिरपाः लोकलाल महर्जन, कृष्ण हिरा सिरपाः पूर्णवहादुर महर्जन, पंचुलाल सिरपाः धौमई महर्जन, दिल चन्द्र निरन्तर सिरपाः अशोक महर्जन, रोनेट डट कम सिरपाः रोनेट महर्जन, ज्यानमाया स्मृति सिरपाः भावना महर्जन, ओम पदक कोअर्डिनेटर सिद्धिवहादुर महर्जनं सिरपाः बियादीगु खः ।
मङ्गल नगद सिरपाः नन्दन सिंह जीपिए ३.६५, रुस्तम काफ्ले ३.६५, मनिसा रावत जीपिए ३.६ व ओम कुमार पाल जीपिए ३.६ पिन्त ब्यूगु खः । निमित प्रधानाध्यापक लोकलाल महर्जनं सुभाय् न्वचु बियादीगु खः । उगु ज्याझ्वः लिपा विद्यार्थीतसें थीथी सांस्कृतिक ज्याझ्वः न्ह्यब्वःगु खः ।
No comments:
Post a Comment