ज्यापु महागुथि किपू नगरसमितिया भिन्तुना ज्याझ्वलय् दीपा महर्जनया सपूm विमोचन
ने.सं.११३७ न्हूदँ व न्हय्गां जात्राया लसताय ज्यापु महागुथि किपू नगरसमितिं म्हिग थिंलाथ्व चौथि सनिवाः भिन्तुना कालविल ज्याझ्वः यात । उगु ज्याझ्वलय् मय्जु दीपा महर्जनं च्वयादीगु “पांगाया विष्णुदेवी–बालकुमारी जात्रा” सपूmया चिखिफ्यने ज्या नं जुल ।
ज्यापु महागुथि किपू नगरसमितिया नायो नजरराम महर्जनया नायोसुइ जूगु उगु ज्याझ्वलय् पाहाँकथं पाँगाया सांस्कृतिक बाजं गुरु गोविन्द महर्जन, ज्यापु महागुथि केन्द्रीय नायो लोककवि राजभाइ जकःमि व त्रिभुवन विश्वविद्यालय नेपालभाषा केन्द्रीय विभागया प्रमुख प्रा.डा. चन्द्रमान बज्राचार्य नं सपूmया चिखीफ्यने ज्या यानादीगु खः । व धुंकाः ज्यापु महागुथि किपू नगरसमितिया जीवंकाःछि जः जुयादीपिन्त दसी पौ नं लःल्हाय्गु ज्या जूगु खः । ज्यापु महागुथि किपू नगरसमितिया ल्यूछ्यान्जे रामभोला महर्जनं न्ह्याकादीगु ज्याझ्वलय् लसकुस न्वचु न्वकू रमेश कुमार महर्जनं बियादीगु खः ।
नुगः खँ तय्गु झ्वलय् लोककवि राजभाइ जकःमिं थ्व सपूm नं न्हय्गां जात्राया धलखय् दुथ्याःगु पांगाया विष्णुदेवी बालकुमारी जात्राया छगू लिखित दस्तावेजया रुपय् न्ह्यब्वःगु तसकं लसताया खँ खः धयादिल ।
अथे हे प्रा.डा. चन्द्रमान बज्राचार्यं त्रिभुवन विश्वविद्यालयया दराजय थाना च्वनीगु थेसिसयात सपूmया रुपय पिथना ज्यापु महागुथिं बांलाःगु ज्या याःगु न्ह्यथनादिसें थुगु सपूm च्वयेगु निंतिं मयजु दीपा महर्जनं तसकं मेहेनत याःगु व थ्व महज सपूmया रुपय जक मखुसे थुकी धार्मिक, आर्थिक, सांस्कृतिक पक्ष व सामाजिक पक्षयात नं बांलाक दुवाला तःगु दु । सुझाव नं बियातःगुलिं थ्व सपूmया महत्व दुगु खँ कनांदिल ।
च्वमि मय्जु दीपा महर्जनं थःगु नुगः खँ तय्गु झ्वलय् थःगु थेसिसयात सपूmया पिथने दयाः तसकं लय्ताःगु व थथे हे हौसला बियादिल धाःसा हानं हानं मेमेगु विषयलय् नं दुग्यंक अनुसन्धान यायेत तिबः बिइगु खँ कनादिल ।
सभा नायो नजरराम महर्जनं गन गन नेवाःत दु अन अन जात्रा पर्व दयाच्वनी । तर व जात्रा पर्वया बारे छुं हे लिखित दस्तावेजत मदु । थ्व सपूm पाँगाया जात्राया बारे जक मखु न्हय्गां जात्राया बारे नं न्ह्यथना तःगु, नापं पुजा यायेगु विधि व गुथितय्गु बारे नं दुग्यंक वाला च्वयातःगु च्वछाये बहःजू । थ्व छगू दस्तावेजया रुपय् पिदंगु दु । कअथे हे थ्व छगू लिखित दस्तावेजया रुपय् हयेदयाः ज्यापु महागुथि किपू नगरसमिति तसकं लय्ताःगु व थथे हे मेमेगु सपूmत नं पिकया वनेगु ज्यापु महागुथिया आज्जु दुगु नं कनादिल ।
ने.सं.११३७ न्हूदँ व न्हय्गां जात्राया लसताय ज्यापु महागुथि किपू नगरसमितिं म्हिग थिंलाथ्व चौथि सनिवाः भिन्तुना कालविल ज्याझ्वः यात । उगु ज्याझ्वलय् मय्जु दीपा महर्जनं च्वयादीगु “पांगाया विष्णुदेवी–बालकुमारी जात्रा” सपूmया चिखिफ्यने ज्या नं जुल ।
ज्यापु महागुथि किपू नगरसमितिया नायो नजरराम महर्जनया नायोसुइ जूगु उगु ज्याझ्वलय् पाहाँकथं पाँगाया सांस्कृतिक बाजं गुरु गोविन्द महर्जन, ज्यापु महागुथि केन्द्रीय नायो लोककवि राजभाइ जकःमि व त्रिभुवन विश्वविद्यालय नेपालभाषा केन्द्रीय विभागया प्रमुख प्रा.डा. चन्द्रमान बज्राचार्य नं सपूmया चिखीफ्यने ज्या यानादीगु खः । व धुंकाः ज्यापु महागुथि किपू नगरसमितिया जीवंकाःछि जः जुयादीपिन्त दसी पौ नं लःल्हाय्गु ज्या जूगु खः । ज्यापु महागुथि किपू नगरसमितिया ल्यूछ्यान्जे रामभोला महर्जनं न्ह्याकादीगु ज्याझ्वलय् लसकुस न्वचु न्वकू रमेश कुमार महर्जनं बियादीगु खः ।
नुगः खँ तय्गु झ्वलय् लोककवि राजभाइ जकःमिं थ्व सपूm नं न्हय्गां जात्राया धलखय् दुथ्याःगु पांगाया विष्णुदेवी बालकुमारी जात्राया छगू लिखित दस्तावेजया रुपय् न्ह्यब्वःगु तसकं लसताया खँ खः धयादिल ।
अथे हे प्रा.डा. चन्द्रमान बज्राचार्यं त्रिभुवन विश्वविद्यालयया दराजय थाना च्वनीगु थेसिसयात सपूmया रुपय पिथना ज्यापु महागुथिं बांलाःगु ज्या याःगु न्ह्यथनादिसें थुगु सपूm च्वयेगु निंतिं मयजु दीपा महर्जनं तसकं मेहेनत याःगु व थ्व महज सपूmया रुपय जक मखुसे थुकी धार्मिक, आर्थिक, सांस्कृतिक पक्ष व सामाजिक पक्षयात नं बांलाक दुवाला तःगु दु । सुझाव नं बियातःगुलिं थ्व सपूmया महत्व दुगु खँ कनांदिल ।
च्वमि मय्जु दीपा महर्जनं थःगु नुगः खँ तय्गु झ्वलय् थःगु थेसिसयात सपूmया पिथने दयाः तसकं लय्ताःगु व थथे हे हौसला बियादिल धाःसा हानं हानं मेमेगु विषयलय् नं दुग्यंक अनुसन्धान यायेत तिबः बिइगु खँ कनादिल ।
सभा नायो नजरराम महर्जनं गन गन नेवाःत दु अन अन जात्रा पर्व दयाच्वनी । तर व जात्रा पर्वया बारे छुं हे लिखित दस्तावेजत मदु । थ्व सपूm पाँगाया जात्राया बारे जक मखु न्हय्गां जात्राया बारे नं न्ह्यथना तःगु, नापं पुजा यायेगु विधि व गुथितय्गु बारे नं दुग्यंक वाला च्वयातःगु च्वछाये बहःजू । थ्व छगू दस्तावेजया रुपय् पिदंगु दु । कअथे हे थ्व छगू लिखित दस्तावेजया रुपय् हयेदयाः ज्यापु महागुथि किपू नगरसमिति तसकं लय्ताःगु व थथे हे मेमेगु सपूmत नं पिकया वनेगु ज्यापु महागुथिया आज्जु दुगु नं कनादिल ।
No comments:
Post a Comment