संविधान संशोधनय् नेवाः सरोकार छु धार नाप लिक्क लानाच्वन नेवाःत ?
ज्वजलपा वाःपौ /
संविधान संशोधनया नितिं सरकारं संसदय् प्रस्ताव दर्ता यायेवं नेपाःया राजनीतिइ तरंगित जुयाच्वंगु दु । संविधान संशोधनया पक्ष, विपक्षय् नापं उलि संशोधन याना मगाः धइगु कथंया स्वंगू धारय् राजनीतिक शक्ति केन्द्रीत जुया वनाच्वंगु दु । सरकारपक्ष दलत आःया संशोधन प्रस्तावं निकास बिइगु दावी याना स्थानीय चुनावया तयारी तकं याःगु दुसा विपक्षी दल एमाले लगायतपाखें संविधान संशोधन याये दयइमुख धकाः आन्दोलन यानाच्वंगु दु । अथे हे पहिचानया नितिं आन्दोलन याना वयाच्वंगु संघीय गठबन्धनं संशोधन प्रस्तावय् वःगु जक संशोधनं मगा पहिचानया आधारय् प्रदेशत निर्मण यायेमाः धकाः माग याना वयाच्वंगु दु । थुगु कथंया स्वंगू धार मध्ये संशोधन प्रस्तावं थःपिनिगु माग पुरा मजुइगु जुया पहिचानया आधारय् नेवाःतय्गु प्रदेश सुनिश्चितया माग लिबाक्क जूसां यानाहःगु दु । थ्व हे झ्वलय् नेवाः स्वायत्त राज्य मंकाः संघर्ष समितिं मंगलवाः नेवाःतय्गु प्रदर्शन याइगु जूगु दु । नेवाः स्वायत्त प्रदेशया माग याना प्रदर्शन यायेगु धकाः धाःगु दु ।
थ्व हे झ्वलय् नेवाः जागरण मञ्चं संविधान संशोधन विधेयकय् नेवाः सरोकार क्यनेत शनिवाः येँया खुसिबुइँ च्वंगु नेपाः ब्यांक्वेटय् विशेष ज्याझ्वः याःगु दु ।
उगु ज्याझ्वलय् नेवाः न्ह्यलुवाः मल्ल के. सुन्दरं संविधान संशोधन सिद्धान्त कथं संघीयताया दुने जनतायात अधिकार बिइगु नितिं मयाःगु द्वपं बियादीगु दु । वय्कलं नेपालय् संघीयता छाय् माल ? थ्व खँ राजनीतिक पार्टीत स्पष्ट जूसां नं ब्यवहारय् उकथंया संघीयता दुने जनताया अधिकार बिइत मस्वयाच्वंगु द्वपं नं बियादीगु दु । मल्लं नेवाः अधिकार राजनीतिक रुपं सुनिश्चित यायेगु नितिं दकले न्हापां व्यक्तिवादी चिन्तनयात परित्याग यानाः नेवाःतय्गु मागयात संस्थागत यायेमाःगु विचाः नं प्वंकादिल । आः हःगु संविधान संशोधन प्रस्तावं देय्या समस्या समाधान मजुइगु थ्व प्रस्तावं बरु देय्या राजनीतियात अझ गम्भीर समस्याय् लाकीगु विचाः प्वंकादिसें नेवाःतय्गु अधिकार सुनिश्चित यायेगु नितिं फुक्क पार्टी दुने दुपिं नेवाःत इमान्दार जुइमाःगु व नेवाः अधिकारया नितिं नेवाः नेतापिनिगु ककस निर्माण यानाः न्ह्यायेमाःगु विचाः नं वय्कलं प्वंकादीगु खः ।
नेवाः न्ह्यलुवाः डा. महेशमान श्रेष्ठं फुक्क नेवाः संगठनत थ्व इलय् कोमाय् वनेधुंकूगु विचाः प्वंकादिसें नेवाः राजनीतिइ सक्रिय व्यक्तिपिं व इमान्दारपिं जानाः नेवाः केन्द्र निर्माण यानाः नेवाःतय्गु अधिकार कायेगु नितिं संघर्ष यायेमाःगु खँय् बः बियादिल । श्रेष्ठं संविधान संशोधनया विषययात कयाः ५ ल्याः प्रदेशय् अतिवादी ब्रम्हुत थःथःगु पार्टीया विचाःयात त्वःताः छप्पं जुयाच्वंगु खँयात उलादिसें वय्कलं नेवाःतय्गु अधिकारया नितिं नं नेवाः नेतात नं उकथं हे पार्टी धकाः मच्वंसे न्ह्यःने वयेमाःगु विचाः प्वंकादिल ।
उगु विशेष ज्याझ्वलय् संघीय समाजवादी फोरम नेपालया सह–अध्यक्ष राजेन्द्र श्रेष्ठं संविधान संशोधन फुक्क आदिवासी जनजाति, मधेसीपिनिगु अधिकार सुनिश्चित यायेगु नितिं जुइमाःगु धासें १० गू प्रदेशसहित दूगु खाका ज्वनाः संविधान संशोधन जुइमाःगु विचाः प्वंकादीगु खः ।
ज्याझ्वलय् नेपाः राष्ट्रिय पार्टीया सांसद लक्ष्मण राजवंशीं नेवाः जनताया भावना छु खः, उकियात थुइकाः थःपिन्सं संविधान संशोधनया खँय् विचाः न्ह्यब्वयेगु खँ तयादिसें फुक्क नेवाःतय्त छवाः गुकथं यायेगु धैगु खँय् च्यूताः कायेमाःगु विचाः प्वंकादिल ।
माओवादी केन्द्रया नेता नेवाः न्ह्यलुवाः दिलीप महर्जनं आःया संविधान संशोधनया प्रस्ताव माओवादी केन्द्रया प्रचण्डयात नं चित्त बुझे मजू जुइ, वय्कलं फुक्कसित अधिकार बिइ धकाः धाःसां आःया स्थितिइ थथे यायेमफूगुलिं गुलिफु उलि अधिकार बिइत संविधान संशोधनया प्रस्ताव हःगु विचाः प्वंकादिसें नेवाःतय्गु अधिकारया नितिं, नेवाः प्रदेश सुनिश्चितता या नितिं नेवाःत फुक्क छथाय् च्वनाः निरन्तर संघर्षय् न्ह्यायेमाःगु विचाः प्वंकादीगु खः ।
नयाँ शक्ति नेपाल पार्टीया नेतृ हिसिला यमिं नयाँ शक्ति पार्टी पहिचान व सामथ्र्यया आधारय् संघीयता जुइमाः धैगु विचाः दूगु खँ कनादिसें फुक्कसित संविधान संशोधन यानाः अधिकार बिइमाःगु व थ्व अधिकार कायेगु नितिं आन्दोलन न्ह्याकेमाःगु विचाः प्वंकादीगु खः ।
ज्वजलपा वाःपौ /
संविधान संशोधनया नितिं सरकारं संसदय् प्रस्ताव दर्ता यायेवं नेपाःया राजनीतिइ तरंगित जुयाच्वंगु दु । संविधान संशोधनया पक्ष, विपक्षय् नापं उलि संशोधन याना मगाः धइगु कथंया स्वंगू धारय् राजनीतिक शक्ति केन्द्रीत जुया वनाच्वंगु दु । सरकारपक्ष दलत आःया संशोधन प्रस्तावं निकास बिइगु दावी याना स्थानीय चुनावया तयारी तकं याःगु दुसा विपक्षी दल एमाले लगायतपाखें संविधान संशोधन याये दयइमुख धकाः आन्दोलन यानाच्वंगु दु । अथे हे पहिचानया नितिं आन्दोलन याना वयाच्वंगु संघीय गठबन्धनं संशोधन प्रस्तावय् वःगु जक संशोधनं मगा पहिचानया आधारय् प्रदेशत निर्मण यायेमाः धकाः माग याना वयाच्वंगु दु । थुगु कथंया स्वंगू धार मध्ये संशोधन प्रस्तावं थःपिनिगु माग पुरा मजुइगु जुया पहिचानया आधारय् नेवाःतय्गु प्रदेश सुनिश्चितया माग लिबाक्क जूसां यानाहःगु दु । थ्व हे झ्वलय् नेवाः स्वायत्त राज्य मंकाः संघर्ष समितिं मंगलवाः नेवाःतय्गु प्रदर्शन याइगु जूगु दु । नेवाः स्वायत्त प्रदेशया माग याना प्रदर्शन यायेगु धकाः धाःगु दु ।
थ्व हे झ्वलय् नेवाः जागरण मञ्चं संविधान संशोधन विधेयकय् नेवाः सरोकार क्यनेत शनिवाः येँया खुसिबुइँ च्वंगु नेपाः ब्यांक्वेटय् विशेष ज्याझ्वः याःगु दु ।
उगु ज्याझ्वलय् नेवाः न्ह्यलुवाः मल्ल के. सुन्दरं संविधान संशोधन सिद्धान्त कथं संघीयताया दुने जनतायात अधिकार बिइगु नितिं मयाःगु द्वपं बियादीगु दु । वय्कलं नेपालय् संघीयता छाय् माल ? थ्व खँ राजनीतिक पार्टीत स्पष्ट जूसां नं ब्यवहारय् उकथंया संघीयता दुने जनताया अधिकार बिइत मस्वयाच्वंगु द्वपं नं बियादीगु दु । मल्लं नेवाः अधिकार राजनीतिक रुपं सुनिश्चित यायेगु नितिं दकले न्हापां व्यक्तिवादी चिन्तनयात परित्याग यानाः नेवाःतय्गु मागयात संस्थागत यायेमाःगु विचाः नं प्वंकादिल । आः हःगु संविधान संशोधन प्रस्तावं देय्या समस्या समाधान मजुइगु थ्व प्रस्तावं बरु देय्या राजनीतियात अझ गम्भीर समस्याय् लाकीगु विचाः प्वंकादिसें नेवाःतय्गु अधिकार सुनिश्चित यायेगु नितिं फुक्क पार्टी दुने दुपिं नेवाःत इमान्दार जुइमाःगु व नेवाः अधिकारया नितिं नेवाः नेतापिनिगु ककस निर्माण यानाः न्ह्यायेमाःगु विचाः नं वय्कलं प्वंकादीगु खः ।
नेवाः न्ह्यलुवाः डा. महेशमान श्रेष्ठं फुक्क नेवाः संगठनत थ्व इलय् कोमाय् वनेधुंकूगु विचाः प्वंकादिसें नेवाः राजनीतिइ सक्रिय व्यक्तिपिं व इमान्दारपिं जानाः नेवाः केन्द्र निर्माण यानाः नेवाःतय्गु अधिकार कायेगु नितिं संघर्ष यायेमाःगु खँय् बः बियादिल । श्रेष्ठं संविधान संशोधनया विषययात कयाः ५ ल्याः प्रदेशय् अतिवादी ब्रम्हुत थःथःगु पार्टीया विचाःयात त्वःताः छप्पं जुयाच्वंगु खँयात उलादिसें वय्कलं नेवाःतय्गु अधिकारया नितिं नं नेवाः नेतात नं उकथं हे पार्टी धकाः मच्वंसे न्ह्यःने वयेमाःगु विचाः प्वंकादिल ।
उगु विशेष ज्याझ्वलय् संघीय समाजवादी फोरम नेपालया सह–अध्यक्ष राजेन्द्र श्रेष्ठं संविधान संशोधन फुक्क आदिवासी जनजाति, मधेसीपिनिगु अधिकार सुनिश्चित यायेगु नितिं जुइमाःगु धासें १० गू प्रदेशसहित दूगु खाका ज्वनाः संविधान संशोधन जुइमाःगु विचाः प्वंकादीगु खः ।
ज्याझ्वलय् नेपाः राष्ट्रिय पार्टीया सांसद लक्ष्मण राजवंशीं नेवाः जनताया भावना छु खः, उकियात थुइकाः थःपिन्सं संविधान संशोधनया खँय् विचाः न्ह्यब्वयेगु खँ तयादिसें फुक्क नेवाःतय्त छवाः गुकथं यायेगु धैगु खँय् च्यूताः कायेमाःगु विचाः प्वंकादिल ।
माओवादी केन्द्रया नेता नेवाः न्ह्यलुवाः दिलीप महर्जनं आःया संविधान संशोधनया प्रस्ताव माओवादी केन्द्रया प्रचण्डयात नं चित्त बुझे मजू जुइ, वय्कलं फुक्कसित अधिकार बिइ धकाः धाःसां आःया स्थितिइ थथे यायेमफूगुलिं गुलिफु उलि अधिकार बिइत संविधान संशोधनया प्रस्ताव हःगु विचाः प्वंकादिसें नेवाःतय्गु अधिकारया नितिं, नेवाः प्रदेश सुनिश्चितता या नितिं नेवाःत फुक्क छथाय् च्वनाः निरन्तर संघर्षय् न्ह्यायेमाःगु विचाः प्वंकादीगु खः ।
नयाँ शक्ति नेपाल पार्टीया नेतृ हिसिला यमिं नयाँ शक्ति पार्टी पहिचान व सामथ्र्यया आधारय् संघीयता जुइमाः धैगु विचाः दूगु खँ कनादिसें फुक्कसित संविधान संशोधन यानाः अधिकार बिइमाःगु व थ्व अधिकार कायेगु नितिं आन्दोलन न्ह्याकेमाःगु विचाः प्वंकादीगु खः ।
No comments:
Post a Comment