‘नेवाः मतदाता व नेवाः आन्दोलन प्रति गद्दारी’
लछि न्ह्यव हे सांसद राजवंशीया ब्यागलं पार्टी
नेपाः राष्ट्रिय पार्टीया सांसद लक्ष्मण राजवंशीं गोप्य रुपं थःगु हे अलग्ग पार्टी दर्ता यानातःगु खँ सार्वजनिक जूगु दुरु । पहिचान विरोधी आन्दोलनय् लगे जुल धकाः पार्टीपाखें कारवाही जुइगु सम्भावना खंकाः वय्कलं वंगु पुस ४ गते हे ‘बौद्धिक जनतान्त्रिक परिषद्’ नामं निर्वाचन आयोगय् न्हूगु पार्टी दर्ता यानातःगु खः । न्हूगु पार्टी गठनया बारे वय्कलं पार्टी लगायत सुयातं नं जानकारी धाःसा बियातःगु मदु ।
एमाले नेतृत्वया गठबन्धनय् वंगु द्वपं बिसें नेपाः पार्टीपाखें वय्कःयात म्हीग तिनि पार्टीं निष्काशन याःगु खः । तर राजवंशीं न्हूगु पार्टी दर्ताया ज्या धाःसा लछि न्ह्यः हे याना तयेधुंकूगु जुयाच्वन । सूत्रतय्सं बिउगु जानकारी कथं न्हूगु पार्टी दर्ताया लागिं वय्कः थः हे निर्वाचन आयोग झाःगु खः । गोप्य रुपं दर्ता यानातःगु उगु पार्टीइ सु सु दु धइगु खँ सी मदुनि । सूत्रं धाः कथं थ्व नेपाः पार्टी थें नेवाः पहिचानलिसे सम्बन्धित पार्टी धाःसा मखु । थुकी नेवाः लगायत खय्, ब्रम्हू व मेमेगु जातियापिं मनूत नं दुजःया रुपय् दुथ्याकातःगु दु । निर्वाचन आयोगय् दर्ता जूगु वय्कःया पार्टीयात कयाः आयोगं संसद सचिवालयय् नं पत्राचार यायेधुंकूगु दु । संविधान कथं पार्टीया संसदीय दल टुक्रा यानाः नं न्हूगु पार्टी गठन याये जिउ ।
नेपाः पार्टीपाखें संसदीय दलया अध्यक्ष नं राजवंशीयात हे दयेका तःगु व वय्कः याकःचा हे जक पार्टीया सांसद जूगु कारणं वय्कः धइम्ह संसदीय दलया शतप्रतिशत संख्या खः । वय्कलं थ्वहे प्रावधानया लबः कयाः थःगु हे अध्यक्षताय् न्हूगु पार्टी गठन यानादीगु खः । वय्कलं न्हूगु पार्टी दर्ता याःगु ज्यायात नेपाः पार्टीया महासचिव डा. विजय सैंजुं धाःसा नेवाः मतदातातय्त याःगु गद्दारी खः धयादीगु दु । ‘सदनय् नेवाःतय् सः तये फयेकेमा धकाः नेपाः पार्टीयात नेवाःतय्सं मत बिउगु खः, तर वय्कलं व फुक्क मतदातातय्त गद्दारी यानादिल’ महासचिव सैंजुं कनादिल ।
लछि न्ह्यव हे सांसद राजवंशीया ब्यागलं पार्टी
नेपाः राष्ट्रिय पार्टीया सांसद लक्ष्मण राजवंशीं गोप्य रुपं थःगु हे अलग्ग पार्टी दर्ता यानातःगु खँ सार्वजनिक जूगु दुरु । पहिचान विरोधी आन्दोलनय् लगे जुल धकाः पार्टीपाखें कारवाही जुइगु सम्भावना खंकाः वय्कलं वंगु पुस ४ गते हे ‘बौद्धिक जनतान्त्रिक परिषद्’ नामं निर्वाचन आयोगय् न्हूगु पार्टी दर्ता यानातःगु खः । न्हूगु पार्टी गठनया बारे वय्कलं पार्टी लगायत सुयातं नं जानकारी धाःसा बियातःगु मदु ।
एमाले नेतृत्वया गठबन्धनय् वंगु द्वपं बिसें नेपाः पार्टीपाखें वय्कःयात म्हीग तिनि पार्टीं निष्काशन याःगु खः । तर राजवंशीं न्हूगु पार्टी दर्ताया ज्या धाःसा लछि न्ह्यः हे याना तयेधुंकूगु जुयाच्वन । सूत्रतय्सं बिउगु जानकारी कथं न्हूगु पार्टी दर्ताया लागिं वय्कः थः हे निर्वाचन आयोग झाःगु खः । गोप्य रुपं दर्ता यानातःगु उगु पार्टीइ सु सु दु धइगु खँ सी मदुनि । सूत्रं धाः कथं थ्व नेपाः पार्टी थें नेवाः पहिचानलिसे सम्बन्धित पार्टी धाःसा मखु । थुकी नेवाः लगायत खय्, ब्रम्हू व मेमेगु जातियापिं मनूत नं दुजःया रुपय् दुथ्याकातःगु दु । निर्वाचन आयोगय् दर्ता जूगु वय्कःया पार्टीयात कयाः आयोगं संसद सचिवालयय् नं पत्राचार यायेधुंकूगु दु । संविधान कथं पार्टीया संसदीय दल टुक्रा यानाः नं न्हूगु पार्टी गठन याये जिउ ।
नेपाः पार्टीपाखें संसदीय दलया अध्यक्ष नं राजवंशीयात हे दयेका तःगु व वय्कः याकःचा हे जक पार्टीया सांसद जूगु कारणं वय्कः धइम्ह संसदीय दलया शतप्रतिशत संख्या खः । वय्कलं थ्वहे प्रावधानया लबः कयाः थःगु हे अध्यक्षताय् न्हूगु पार्टी गठन यानादीगु खः । वय्कलं न्हूगु पार्टी दर्ता याःगु ज्यायात नेपाः पार्टीया महासचिव डा. विजय सैंजुं धाःसा नेवाः मतदातातय्त याःगु गद्दारी खः धयादीगु दु । ‘सदनय् नेवाःतय् सः तये फयेकेमा धकाः नेपाः पार्टीयात नेवाःतय्सं मत बिउगु खः, तर वय्कलं व फुक्क मतदातातय्त गद्दारी यानादिल’ महासचिव सैंजुं कनादिल ।
No comments:
Post a Comment