किपू नगरपालिकाया बारे संसदय् सः थ्वल
किपुली दक्षिणकाली स्वाके हःगुलिं सांसदय् विरोध
ज्वजलपा वाःपौ÷
बालानन्द शर्माया स्थानीय तह पुनःसंरचना आयोगं काठमाडौं जिल्लाया दक्षिण लागाया दक्षिणकाली नगरपालिकायात किपू नगरपालिकाय् स्वायेहःगु दु ।
उगु आयोगं बिउगु प्रतिवेदन कथं निगु नगरपालिका स्वायेहःसां नां किपू नगरपालिका हे जुइ । नगरपालिकाया केन्द्रीय ज्याकू किपुली च्वनी धयातःगु दु ।
उगु प्रतिवेदन कथं किपू नगरपालिका आः १० गू वडाय् ब्वथलातःगु दुसा, दक्षिणकाली नगरपालिकापाखे ६ गू जक वडाय् ब्वथलातःगु दु ।
थुगु प्रतिवेदनया विरोधय स्थानीयवासीतसें विरोध यानाच्वंगु दु । दक्षिणकाली नगरपालिकाया फुक्क धइथें पार्टीया स्थानीय नेता व कार्यकर्तापिं विरोधय कुहाँ वयाच्वंगु दु ।
पौष ७ गते शुक्रवाःया संसदया विशेष वैठकय् काठमाडौं जिल्ला क्षेत्र नं.१० या सांसद राजेन्द्र कुमार के.सीं नं आयोगया थुगु निर्णयया कडा रुपं विरोध यानादीगु दु ।
“भौगोलिक रुपं तापागु टुल्कु, डुडेचौर व छैमलेथें जाःगु गा.वि.स. यात नगरपालिका दयेका किपू केन्द्र यायेगु तसकं मल्वःगु व अनया जनतायात न्याय मयाःगु, थुकिया बिरुद्ध फुक्क दलया नेता कार्यकर्तातसें विरोध यानाच्वंगु दु । उकिं थुकीयात हानं छक सुधार यायेत इनाप यानाच्वना ।” सांसद राजेन्द्र कुमार के.सीं. न्ववानादिल । संघीयताय् राज्य पुनःसंरचना यायेगु धइगु जनतायात सुविधा बिइगु कथं ज्याछिंकेगु खः । तर आः वयाः स्थानीय तह पुनःसंरचना आयोगं जनताया सेवा सुविधा स्वया थःपिनि यत्थे यानाच्वंगु दु ।
दक्षिणकालीया टुल्कु डुडेचौरया मनूत किपुली वया छुं ज्या याकेमाःसा न्हिच्छि बिइगु, वये वनेत तकं थाकुइगु जूगु दु ।
किपुली दक्षिणकाली स्वाके हःगुलिं सांसदय् विरोध
ज्वजलपा वाःपौ÷
बालानन्द शर्माया स्थानीय तह पुनःसंरचना आयोगं काठमाडौं जिल्लाया दक्षिण लागाया दक्षिणकाली नगरपालिकायात किपू नगरपालिकाय् स्वायेहःगु दु ।
उगु आयोगं बिउगु प्रतिवेदन कथं निगु नगरपालिका स्वायेहःसां नां किपू नगरपालिका हे जुइ । नगरपालिकाया केन्द्रीय ज्याकू किपुली च्वनी धयातःगु दु ।
उगु प्रतिवेदन कथं किपू नगरपालिका आः १० गू वडाय् ब्वथलातःगु दुसा, दक्षिणकाली नगरपालिकापाखे ६ गू जक वडाय् ब्वथलातःगु दु ।
थुगु प्रतिवेदनया विरोधय स्थानीयवासीतसें विरोध यानाच्वंगु दु । दक्षिणकाली नगरपालिकाया फुक्क धइथें पार्टीया स्थानीय नेता व कार्यकर्तापिं विरोधय कुहाँ वयाच्वंगु दु ।
पौष ७ गते शुक्रवाःया संसदया विशेष वैठकय् काठमाडौं जिल्ला क्षेत्र नं.१० या सांसद राजेन्द्र कुमार के.सीं नं आयोगया थुगु निर्णयया कडा रुपं विरोध यानादीगु दु ।
“भौगोलिक रुपं तापागु टुल्कु, डुडेचौर व छैमलेथें जाःगु गा.वि.स. यात नगरपालिका दयेका किपू केन्द्र यायेगु तसकं मल्वःगु व अनया जनतायात न्याय मयाःगु, थुकिया बिरुद्ध फुक्क दलया नेता कार्यकर्तातसें विरोध यानाच्वंगु दु । उकिं थुकीयात हानं छक सुधार यायेत इनाप यानाच्वना ।” सांसद राजेन्द्र कुमार के.सीं. न्ववानादिल । संघीयताय् राज्य पुनःसंरचना यायेगु धइगु जनतायात सुविधा बिइगु कथं ज्याछिंकेगु खः । तर आः वयाः स्थानीय तह पुनःसंरचना आयोगं जनताया सेवा सुविधा स्वया थःपिनि यत्थे यानाच्वंगु दु ।
दक्षिणकालीया टुल्कु डुडेचौरया मनूत किपुली वया छुं ज्या याकेमाःसा न्हिच्छि बिइगु, वये वनेत तकं थाकुइगु जूगु दु ।
No comments:
Post a Comment