नश्लीय राष्ट्रवादया वकालत याइम्ह ओली सि.के.राउटया हे मेगु अवतार खः राजेन्द्र श्रेष्ठ
समाजवादी युवा फोरम नेपालया वंगु शनिवाः यल जिल्लाया ल्वहँलँय् जूगु छगू भेलां युवापिं दथुइ ज्या यानाच्वंगु स्वंगू युवा संगठनत मधेसी युवा फोरम, संघीय युवा संघ व खस समावेशी युवा संघया समायोजन याःगु दु । युवा फोरमया केन्द्रीय दुजः कर्म महर्जनया नायःसुइ जूगु उगु ज्याझ्वलय् शेखर महर्जनया अध्यक्षताय् २१ म्ह दुजःया जिल्ला तदर्थ समितिया घोषणा याःगु खः ।
उगु ज्याझ्वलय् मूपाहाँ संघीय समाजवादी फोरम नेपालया सहअध्यक्ष राजेन्द्र प्रसाद श्रेष्ठं पार्टीं न्ह्यःने यंकूगु नेपाली समाज ह्यूपाःया सिद्धान्त संघीय समाजवादी देसय् लोकप्रिय जुजुं वनाच्वंगु धासें थीथी राजनीतिक शक्तित थुगु सिद्धान्तप्रति आकर्षित जूगु व निकट भविष्यय् संघवाद व समाजवादयात स्वीकार याइगु दलत ससफो, नेपालय् एकीकृत व समाहित जुजुं वनीगु धयादिल ।
नेता श्रेष्ठं आःया संविधानया निगूगु संशोधन सम्बन्धी विधेयक व्यवस्थापिका संसदय् दर्ता जुइधुंकाः एमालें उत्पीडित समुदाययात अधिकार बिइ मज्यू धकाः विरोध याःगु उकिया प्रतिगामी व नश्लवादी चरित्र जूगु धासे वय्कलं एमाले नायः केपी शर्मा ओलीं थःम्हं हे ल्हाःचिं तयाः निगूगु संविधान सभाया संवैधानिक व राजनीतिक संवाद व सहमति समितिइ निदँ न्ह्यः लःल्हाःगु प्रस्तावयात वर्तमान प्रधानमन्त्री पुष्पकमल दाहाल प्रचण्डं हूबहु पाय्छि जुइकथं न्ह्यःने हःबलय् उकिया विरोध यायेगु राजनीतिक रुपं अनैतिक व दोहोरो चरित्र जूगु धयादिल । एमालेया आदिवासी जनजाति, मधेसी, थारु, खस, शिल्पी लगायतया उत्पीडित समुदायया पहिचान व अधिकार विरोधी प्रतिगामी चरित्रं देस विखण्डनया दिशाय् वनाच्वंगु धासें नश्लीय राष्ट्रवादया वकालत याइम्ह एमाले नायः केपी शर्मा ओली सिके राउतया हे मेगु अवतार जूगु धयादिल ।
नेता श्रेष्ठं राउत व ओलीं निगू ब्यागलं ब्यागलं कोणं राष्ट्रिय एकतायात कमजोर याःगु धासें थुपिं निम्हेसिगु लँपु ब्यागलं ब्यागलं जूसां नं लिच्वः परिणाम छगू हे जुइगु धयादिल ।
ज्याझ्वलय् नेता श्रेष्ठं आः प्रस्तावित संविधान संशोधन पूमवंगु जूगुलिं यथास्थितिइ पारित याये मफइगु धासें थुकियात पूर्णता बिइत संघीय संरचना, प्रदेशतय्गु ल्याः, सीमांकन, अधिकार क्षेत्र संघीय न्याय पालिकाथें जाःगु विषयस थप प्रस्ताव व भाषा, राष्ट्रिय सभाया निर्वाचन मण्डल लिसेंया विषयस परिमार्जन यायेमाःगु धयादिल । ज्याझ्वलय् युवा फोरम छ्याञ्जे धनबहादुर तामाङं नं भिंतुना न्वचू बियादीगु खः । अथेहे, मंसीर २५ गते शनिवाः हे चक्रमान महर्जनया अध्यक्षताय् ३५ म्ह दुजःया संघीय समाजवादी फोरम नेपालया यल उपमहानगर समिति नं नीस्वंगु दु ।
जिल्ला नायः कृष्णभक्त महर्जनया अध्यक्षताय् जूगु उगु ज्याझ्वःया मूपाहाँ पार्टीया सहअध्यक्ष राजेन्द्र प्रसाद श्रेष्ठ व पाहाँपिं ससफो नेपालया केन्द्रीय दुजः व नेवाः प्रदेश इञ्चार्ज कृष्णबहादुर घःजु, सह–इञ्चार्ज लालबहादुर तामाङ, नायः न्हुच्छेलाल महर्जन, केन्द्रीय दुजःपिं पुष्पराज राजकर्णिकार, लिला सिटौला, केन्द्रीय परिषद दुजः सिंहबहादुर तामाङ, युवा फोरमया केन्द्रीय नायः सुनिल चौधरी, मूछ्याञ्जे अजय यादव, ल्यू मूछ्याञ्जे दुर्गा सुवेदी लिसेंया नेतापिनिगु नं उपस्थिति दूगु खः ।
समाजवादी युवा फोरम नेपालया वंगु शनिवाः यल जिल्लाया ल्वहँलँय् जूगु छगू भेलां युवापिं दथुइ ज्या यानाच्वंगु स्वंगू युवा संगठनत मधेसी युवा फोरम, संघीय युवा संघ व खस समावेशी युवा संघया समायोजन याःगु दु । युवा फोरमया केन्द्रीय दुजः कर्म महर्जनया नायःसुइ जूगु उगु ज्याझ्वलय् शेखर महर्जनया अध्यक्षताय् २१ म्ह दुजःया जिल्ला तदर्थ समितिया घोषणा याःगु खः ।
उगु ज्याझ्वलय् मूपाहाँ संघीय समाजवादी फोरम नेपालया सहअध्यक्ष राजेन्द्र प्रसाद श्रेष्ठं पार्टीं न्ह्यःने यंकूगु नेपाली समाज ह्यूपाःया सिद्धान्त संघीय समाजवादी देसय् लोकप्रिय जुजुं वनाच्वंगु धासें थीथी राजनीतिक शक्तित थुगु सिद्धान्तप्रति आकर्षित जूगु व निकट भविष्यय् संघवाद व समाजवादयात स्वीकार याइगु दलत ससफो, नेपालय् एकीकृत व समाहित जुजुं वनीगु धयादिल ।
नेता श्रेष्ठं आःया संविधानया निगूगु संशोधन सम्बन्धी विधेयक व्यवस्थापिका संसदय् दर्ता जुइधुंकाः एमालें उत्पीडित समुदाययात अधिकार बिइ मज्यू धकाः विरोध याःगु उकिया प्रतिगामी व नश्लवादी चरित्र जूगु धासे वय्कलं एमाले नायः केपी शर्मा ओलीं थःम्हं हे ल्हाःचिं तयाः निगूगु संविधान सभाया संवैधानिक व राजनीतिक संवाद व सहमति समितिइ निदँ न्ह्यः लःल्हाःगु प्रस्तावयात वर्तमान प्रधानमन्त्री पुष्पकमल दाहाल प्रचण्डं हूबहु पाय्छि जुइकथं न्ह्यःने हःबलय् उकिया विरोध यायेगु राजनीतिक रुपं अनैतिक व दोहोरो चरित्र जूगु धयादिल । एमालेया आदिवासी जनजाति, मधेसी, थारु, खस, शिल्पी लगायतया उत्पीडित समुदायया पहिचान व अधिकार विरोधी प्रतिगामी चरित्रं देस विखण्डनया दिशाय् वनाच्वंगु धासें नश्लीय राष्ट्रवादया वकालत याइम्ह एमाले नायः केपी शर्मा ओली सिके राउतया हे मेगु अवतार जूगु धयादिल ।
नेता श्रेष्ठं राउत व ओलीं निगू ब्यागलं ब्यागलं कोणं राष्ट्रिय एकतायात कमजोर याःगु धासें थुपिं निम्हेसिगु लँपु ब्यागलं ब्यागलं जूसां नं लिच्वः परिणाम छगू हे जुइगु धयादिल ।
ज्याझ्वलय् नेता श्रेष्ठं आः प्रस्तावित संविधान संशोधन पूमवंगु जूगुलिं यथास्थितिइ पारित याये मफइगु धासें थुकियात पूर्णता बिइत संघीय संरचना, प्रदेशतय्गु ल्याः, सीमांकन, अधिकार क्षेत्र संघीय न्याय पालिकाथें जाःगु विषयस थप प्रस्ताव व भाषा, राष्ट्रिय सभाया निर्वाचन मण्डल लिसेंया विषयस परिमार्जन यायेमाःगु धयादिल । ज्याझ्वलय् युवा फोरम छ्याञ्जे धनबहादुर तामाङं नं भिंतुना न्वचू बियादीगु खः । अथेहे, मंसीर २५ गते शनिवाः हे चक्रमान महर्जनया अध्यक्षताय् ३५ म्ह दुजःया संघीय समाजवादी फोरम नेपालया यल उपमहानगर समिति नं नीस्वंगु दु ।
जिल्ला नायः कृष्णभक्त महर्जनया अध्यक्षताय् जूगु उगु ज्याझ्वःया मूपाहाँ पार्टीया सहअध्यक्ष राजेन्द्र प्रसाद श्रेष्ठ व पाहाँपिं ससफो नेपालया केन्द्रीय दुजः व नेवाः प्रदेश इञ्चार्ज कृष्णबहादुर घःजु, सह–इञ्चार्ज लालबहादुर तामाङ, नायः न्हुच्छेलाल महर्जन, केन्द्रीय दुजःपिं पुष्पराज राजकर्णिकार, लिला सिटौला, केन्द्रीय परिषद दुजः सिंहबहादुर तामाङ, युवा फोरमया केन्द्रीय नायः सुनिल चौधरी, मूछ्याञ्जे अजय यादव, ल्यू मूछ्याञ्जे दुर्गा सुवेदी लिसेंया नेतापिनिगु नं उपस्थिति दूगु खः ।
No comments:
Post a Comment