पुस २० गतेया स्वनिगः बन्द किपुली पूर्णरुपं सफल
ज्वजलपा वाःपौ÷
काठमाडौं उपत्यका सडक विस्तार पिडित संघर्ष समितिं वंगु पौष २० गते बुधवाः स्वःनिगः बन्दया आव्हान याःगु खः । उगु दिनय् गनं लँ दथुइ टायर च्याकूगु खने मदु । गनं मोटर तोडफोड याःगु बुखँ मवः । मोटरसाईकल च्याकूगु नं खँ मवः । अय्सां सार्वजनिक सवारी साधन चलय् मजू । गनं पसः चाःगु खनेमदु ।
उगु दिनय् प्रशासनं थातुं थासय् व्यापक रुपं प्रहरी परिचालन याःगु खनेदु । सतकय् निम्ह प्यम्ह मनू मुंके मब्यू । गनं मुनांच्वंगु खनकि जवर्जस्तिं ज्वना यंकाः च्वंगु खनेदु । स्वनिगः न्यंक यानाः सच्छिम्हं मयाक मनूत ज्वनां यंकूगु दु ।
आन्दोलनकारीतसें छुं हे प्रतिकार मयाःसें थःपिन्सं गिरफ्तारी बिल । गुलि गुलि आन्दोलनकारीत ज्वना यंकल जनता स्वतःस्फुर्त रुपं सतकय् कुहाँ वया नाराबाजी यात । न्हिनसिया निताः इलय् तक नं प्रहरीं गिरफ्तार यायेगु मत्वःतू । उखुन्हु येँया कालिमाटी, न्यूरोड, डल्लु, सितापाईला, ग्वंगःबुँ, तोखा, सन्दरी जल, सक्व, बौद्ध, सामाखुसी, असं, किपू थक्वाः नापं थाय् थासय् प्रदर्शन याःगु खः । अथे हे यलया थसि, जल, थेच्व, बादेगां, थैव, लगंख्यः, सातदोवाटो, ख्वना, बुंग लगायतया थासय् प्रदर्शन याःगु खः । उगु हे कथं थिमि, ख्वप नापं थाय् थासय् तकं प्रदर्शन याःगु खः । पौष २० गते बुधबाः किपूली नं ज्यापु महागुथि किपू नगर समितिया ग्वसालय स्वनिगः बन्दया झ्वलय् लँ पनाः जुलुस पिकायेगु तयारी यानाच्वंगु खः । किराना पसः, तरकारी पसः फाट्टफुट्ट चायेकेगु सुरु जुल ।
ज्यापु महागुथि किपूया नायो नजरराम महर्जनं वयकःपिन्त पसः मचायेकेत इनाप यात । छुकिया निंति बन्द जिमिसं मसिउ धाल । राज्यं गैरन्यायीक रुपं स्वनिगःया आदिवासी नेवाःतयत सुनियोजित ढंगं हे विस्थापित यायेगु योजना कथं हे सतक विस्तारया नामय् जनताया जग्गा कब्जा यायेगु ज्या यानाच्वंगु दु । उकिया विरोधय सतक पिडितपिन्सं स्वनिगः बन्दया आव्हान याःगु खः धकाः थुइकाः च्वन ।
उगु हे इलय् निगः स्वंगः मोटर साईकल वल । इमिसं नं वहे न्ह्यसः थन ।
अले नजरराम महर्जनं स्वनिगः बन्द छाय् ? धकाः च्वयातःगु पोस्तर थःगु छाती तिकाः का ब्वनादिसँ धकाः ब्वंकाच्वंगु इलय् अन पुलिसत वया नजरराम महर्जनयात ज्वन । पर्चा छाय् पिकयागु ? थ्व पर्चा पिकाय दइमखु धाल । छाय् मदइ धकाः अन तचकं कच कच जुल । नजरराम महर्जनयात पुलिसं ज्वनां यंकल । अन मनूत भुंवल । चाले धुंकूगु पसःत नं धमाधम तिनां यंकल ।
नजरराम महर्जनं धाःकथं न्हापां प्रहरी बृत किपुली यंकल । अन छुं ई तया महेन्द्र पुलिस क्लबय् यंकल । थुखे किपुली स्वतःस्फुर्त रुपं जुलुस पिदन । प्रहरी बृत घेराउ यात ।
गुगु दवावं यानाः महेन्द्र पुलिस क्लब यंकूगु निघौ जाःबलय् वयकःयात छेँ छ्वयेगु आदेश वःगु दु धकाः छेँय छ्वयाहल । अथे थीथी थासं ज्वःपिनत बहनी त्वःताहःगु खः ।
ज्वजलपा वाःपौ÷
काठमाडौं उपत्यका सडक विस्तार पिडित संघर्ष समितिं वंगु पौष २० गते बुधवाः स्वःनिगः बन्दया आव्हान याःगु खः । उगु दिनय् गनं लँ दथुइ टायर च्याकूगु खने मदु । गनं मोटर तोडफोड याःगु बुखँ मवः । मोटरसाईकल च्याकूगु नं खँ मवः । अय्सां सार्वजनिक सवारी साधन चलय् मजू । गनं पसः चाःगु खनेमदु ।
उगु दिनय् प्रशासनं थातुं थासय् व्यापक रुपं प्रहरी परिचालन याःगु खनेदु । सतकय् निम्ह प्यम्ह मनू मुंके मब्यू । गनं मुनांच्वंगु खनकि जवर्जस्तिं ज्वना यंकाः च्वंगु खनेदु । स्वनिगः न्यंक यानाः सच्छिम्हं मयाक मनूत ज्वनां यंकूगु दु ।
आन्दोलनकारीतसें छुं हे प्रतिकार मयाःसें थःपिन्सं गिरफ्तारी बिल । गुलि गुलि आन्दोलनकारीत ज्वना यंकल जनता स्वतःस्फुर्त रुपं सतकय् कुहाँ वया नाराबाजी यात । न्हिनसिया निताः इलय् तक नं प्रहरीं गिरफ्तार यायेगु मत्वःतू । उखुन्हु येँया कालिमाटी, न्यूरोड, डल्लु, सितापाईला, ग्वंगःबुँ, तोखा, सन्दरी जल, सक्व, बौद्ध, सामाखुसी, असं, किपू थक्वाः नापं थाय् थासय् प्रदर्शन याःगु खः । अथे हे यलया थसि, जल, थेच्व, बादेगां, थैव, लगंख्यः, सातदोवाटो, ख्वना, बुंग लगायतया थासय् प्रदर्शन याःगु खः । उगु हे कथं थिमि, ख्वप नापं थाय् थासय् तकं प्रदर्शन याःगु खः । पौष २० गते बुधबाः किपूली नं ज्यापु महागुथि किपू नगर समितिया ग्वसालय स्वनिगः बन्दया झ्वलय् लँ पनाः जुलुस पिकायेगु तयारी यानाच्वंगु खः । किराना पसः, तरकारी पसः फाट्टफुट्ट चायेकेगु सुरु जुल ।
ज्यापु महागुथि किपूया नायो नजरराम महर्जनं वयकःपिन्त पसः मचायेकेत इनाप यात । छुकिया निंति बन्द जिमिसं मसिउ धाल । राज्यं गैरन्यायीक रुपं स्वनिगःया आदिवासी नेवाःतयत सुनियोजित ढंगं हे विस्थापित यायेगु योजना कथं हे सतक विस्तारया नामय् जनताया जग्गा कब्जा यायेगु ज्या यानाच्वंगु दु । उकिया विरोधय सतक पिडितपिन्सं स्वनिगः बन्दया आव्हान याःगु खः धकाः थुइकाः च्वन ।
उगु हे इलय् निगः स्वंगः मोटर साईकल वल । इमिसं नं वहे न्ह्यसः थन ।
अले नजरराम महर्जनं स्वनिगः बन्द छाय् ? धकाः च्वयातःगु पोस्तर थःगु छाती तिकाः का ब्वनादिसँ धकाः ब्वंकाच्वंगु इलय् अन पुलिसत वया नजरराम महर्जनयात ज्वन । पर्चा छाय् पिकयागु ? थ्व पर्चा पिकाय दइमखु धाल । छाय् मदइ धकाः अन तचकं कच कच जुल । नजरराम महर्जनयात पुलिसं ज्वनां यंकल । अन मनूत भुंवल । चाले धुंकूगु पसःत नं धमाधम तिनां यंकल ।
नजरराम महर्जनं धाःकथं न्हापां प्रहरी बृत किपुली यंकल । अन छुं ई तया महेन्द्र पुलिस क्लबय् यंकल । थुखे किपुली स्वतःस्फुर्त रुपं जुलुस पिदन । प्रहरी बृत घेराउ यात ।
गुगु दवावं यानाः महेन्द्र पुलिस क्लब यंकूगु निघौ जाःबलय् वयकःयात छेँ छ्वयेगु आदेश वःगु दु धकाः छेँय छ्वयाहल । अथे थीथी थासं ज्वःपिनत बहनी त्वःताहःगु खः ।
No comments:
Post a Comment