त्रि.वि.वि.पाखें नक्शा पास यायेम्वाःगु हे खःला ?
त्रि.वि.यात किपू नगरपालिकापाखें हाकनं ताकेता पौ
ज्वजलपा वाःपौ ÷
ता ई न्ह्यःनिसें त्रिभुवन विश्व विद्यालयपाखें थःगु भवन दयेकेत नक्सा पास यायेमाः कि म्वाः अले करया दायराय् वये माःकि म्वाः धइगु विवाद जुयाच्वंगु खः । त्रिभुन विश्व विद्यालयपाखें थःपिं स्थानीय निकाय अन्तर्गत मखुगुलिं नक्सा पास यायेमाःगु अवाश्यकता मदु धया वयाच्वंगु खः । अले किपू नगरपालिकां धाःसा स्थानीय स्वायत्त शासन ऐन कथं फुक्कसिनं हे नक्सा पास यायेमाः धकाः सः तया वयाच्वंगु दु ।
थ्व विवाद आःया जक धाःसा अवश्य नं मखु । किपू नगरपालिका जुया जनप्रतिनिधि ल्ययेगु ज्या जुसांनिसें हे विवाद जुयाच्वंगु खः । अबलेनिसें आः तक गुलि नं त्रिविपाखें भवन दयेकेगु ज्या यात व भवनया छुं नं नक्सा पास याःगु मदुनि । अले किपू नगरपालिकापाखें नं लगातार रुपं हे त्रिवियात पौ च्वयेगु नापं प्रत्यक्ष व अप्रत्यक्ष रुपं सहलह ब्याकेगु याना वयाच्वंगु दु । तर थुगु विवादयात ज्यंके फयाच्वंगु मदुनि । थ्व हे झ्वलय् आः किपू नगरपालिकां त्रिविवियात ताकेता पौ छ्वयेगु तयारी याःगु सूत्रं धाःगु दु । अथे ताकेता पौ छ्लयेत्यंगु धाःसा थ्व निक्वःखुसि खः । किपू नगरपालिकाया छम्ह कर्मचारीं ज्वजलपा वाःपौलिसे खँ ल्हासें स्थानीय स्वायत्त शासन ऐन २०५५ कथं सरकारया फुक्क निकायपाखें तकं नक्सा पास याना जक भवन निर्माण यायेमाःगु नियम दु धयादिल । अथे हे वय्कलं स्वयं सुरक्षा निकायया भवन जूसां नं इमिगु दुनेया संरचनायात त्वःताः ख्वाः नापं पिने खने दइगु संरचना जक जूसां पास यायेमाःगु प्रावधान दुगु अवस्थाय् त्रिभुवन विश्वविद्यालयपाखें नक्सा पास यायेम्वाः धकाः धयाच्वंगुया अर्थ मदु धयादिल । थ्व हे दथुइ न्हापा छकः ला त्रिविवि, दलिय प्रतिनिधि नापं नगरपालिकाया प्रतिनिधि च्वना तकं सहलह ब्याका त्रिविविपाखें नक्सा पास यायेगु धकाः धाःगु खः तर आः तक नं याःगु मदुनि । लिपांगु इलय् वया हाकनं त्रिविवि व किपू नगरपालिकाया दथुइ नक्सा पास सम्वन्धि बहस तिब्र जुया वःगु दु । छुं दिं न्ह्यः जक किपू नगरपालिकाया प्रमुख व त्रिविविया भिसीया दथुइ उगु खँय् सहलह ब्याकेगु कुतः याःगु जूसां नं विशेष कारणं मजूगु खः । सूत्रं धाः कथं आः किपू नगरपालिकाय् न्हूम्ह प्रमुख नापं कार्यकारी वये धुंकूगु अवस्थाय् त्रिविविया भिसी व नगरपालिकाया कार्यकारी दथुइ खँ ल्हायेगु धकाः खँ जुइ धुंकूगु दु ।
त्रिविविपाखें हे नक्सा पास मयासे भवन निर्माण यायेगु ज्या यानाच्वंगु अले लिपांगु इलय् वया ला झन त्रिविविया गेट तकं नक्सा पास मयासे दयेकेगु ज्या गुगु कथं यानाच्वन उकिं याना किपू नगरपालिकाया कर्मचारीतय्सं तसकं चासो तयाच्वंगु खँ सीदुगु दु ।
त्रिविविया भवनया नक्सा पास याकेगु सवालय् किपुलिइ क्रियाशिल जुयाच्वंगु अझ विशेष याना किपू नगरपालिकाय् प्रतिनिधित्व यानाच्वंगु राजनीतिक दलया स्थानीय नेतातय्सं गुगु कथं चासो बिइमाःगु खः उलि बियाच्वंगु मदु धकाः किपू नगरपालिकाया कर्मचारीतय्सं धायेगु याना वयाच्वंगु
दु ।
त्रि.वि.यात किपू नगरपालिकापाखें हाकनं ताकेता पौ
ज्वजलपा वाःपौ ÷
ता ई न्ह्यःनिसें त्रिभुवन विश्व विद्यालयपाखें थःगु भवन दयेकेत नक्सा पास यायेमाः कि म्वाः अले करया दायराय् वये माःकि म्वाः धइगु विवाद जुयाच्वंगु खः । त्रिभुन विश्व विद्यालयपाखें थःपिं स्थानीय निकाय अन्तर्गत मखुगुलिं नक्सा पास यायेमाःगु अवाश्यकता मदु धया वयाच्वंगु खः । अले किपू नगरपालिकां धाःसा स्थानीय स्वायत्त शासन ऐन कथं फुक्कसिनं हे नक्सा पास यायेमाः धकाः सः तया वयाच्वंगु दु ।
थ्व विवाद आःया जक धाःसा अवश्य नं मखु । किपू नगरपालिका जुया जनप्रतिनिधि ल्ययेगु ज्या जुसांनिसें हे विवाद जुयाच्वंगु खः । अबलेनिसें आः तक गुलि नं त्रिविपाखें भवन दयेकेगु ज्या यात व भवनया छुं नं नक्सा पास याःगु मदुनि । अले किपू नगरपालिकापाखें नं लगातार रुपं हे त्रिवियात पौ च्वयेगु नापं प्रत्यक्ष व अप्रत्यक्ष रुपं सहलह ब्याकेगु याना वयाच्वंगु दु । तर थुगु विवादयात ज्यंके फयाच्वंगु मदुनि । थ्व हे झ्वलय् आः किपू नगरपालिकां त्रिविवियात ताकेता पौ छ्वयेगु तयारी याःगु सूत्रं धाःगु दु । अथे ताकेता पौ छ्लयेत्यंगु धाःसा थ्व निक्वःखुसि खः । किपू नगरपालिकाया छम्ह कर्मचारीं ज्वजलपा वाःपौलिसे खँ ल्हासें स्थानीय स्वायत्त शासन ऐन २०५५ कथं सरकारया फुक्क निकायपाखें तकं नक्सा पास याना जक भवन निर्माण यायेमाःगु नियम दु धयादिल । अथे हे वय्कलं स्वयं सुरक्षा निकायया भवन जूसां नं इमिगु दुनेया संरचनायात त्वःताः ख्वाः नापं पिने खने दइगु संरचना जक जूसां पास यायेमाःगु प्रावधान दुगु अवस्थाय् त्रिभुवन विश्वविद्यालयपाखें नक्सा पास यायेम्वाः धकाः धयाच्वंगुया अर्थ मदु धयादिल । थ्व हे दथुइ न्हापा छकः ला त्रिविवि, दलिय प्रतिनिधि नापं नगरपालिकाया प्रतिनिधि च्वना तकं सहलह ब्याका त्रिविविपाखें नक्सा पास यायेगु धकाः धाःगु खः तर आः तक नं याःगु मदुनि । लिपांगु इलय् वया हाकनं त्रिविवि व किपू नगरपालिकाया दथुइ नक्सा पास सम्वन्धि बहस तिब्र जुया वःगु दु । छुं दिं न्ह्यः जक किपू नगरपालिकाया प्रमुख व त्रिविविया भिसीया दथुइ उगु खँय् सहलह ब्याकेगु कुतः याःगु जूसां नं विशेष कारणं मजूगु खः । सूत्रं धाः कथं आः किपू नगरपालिकाय् न्हूम्ह प्रमुख नापं कार्यकारी वये धुंकूगु अवस्थाय् त्रिविविया भिसी व नगरपालिकाया कार्यकारी दथुइ खँ ल्हायेगु धकाः खँ जुइ धुंकूगु दु ।
त्रिविविपाखें हे नक्सा पास मयासे भवन निर्माण यायेगु ज्या यानाच्वंगु अले लिपांगु इलय् वया ला झन त्रिविविया गेट तकं नक्सा पास मयासे दयेकेगु ज्या गुगु कथं यानाच्वन उकिं याना किपू नगरपालिकाया कर्मचारीतय्सं तसकं चासो तयाच्वंगु खँ सीदुगु दु ।
त्रिविविया भवनया नक्सा पास याकेगु सवालय् किपुलिइ क्रियाशिल जुयाच्वंगु अझ विशेष याना किपू नगरपालिकाय् प्रतिनिधित्व यानाच्वंगु राजनीतिक दलया स्थानीय नेतातय्सं गुगु कथं चासो बिइमाःगु खः उलि बियाच्वंगु मदु धकाः किपू नगरपालिकाया कर्मचारीतय्सं धायेगु याना वयाच्वंगु
दु ।
No comments:
Post a Comment