साहित्य —चिनाखँ “जित तुं मालाच्वन”

साहित्य —चिनाखँ
 “जित तुं मालाच्वन”

—राम महर्जन

 मिखा पिने मन दुने
जित तुं मालाच्वन
जि के दुने च्वंगु मनं
जित तुं स्वीकार मया ।।

जि गन वने तेनामखः
गन या लंस्वया वना च्वना
स्पष्ट मजु वनेगु लँपु
अथे जुसाँ पला न्ह्यानाहेच्वन ।।

जिके दुने च्वम मनं
जित तुं स्विकार मया
मिखा पिने मन दुने
जित तुं मालाच्वन ।।

जि सुखः जींहे मस्यू
छु यानाच्वना वनं मस्यू
छुकिया लागि ब्वाय् वनाच्वना
वनं जिं छुं हे मस्यू ।।

खिउंसे च्वंथाय् तुयु जः मालाच्वना
गनं जी लुइके मफु
जीवन जीगु अथेंहे फुइन
मिखा पिनें मन दुने  जीत तुं मालाच्वन ।।

जीके दुने च्वम मनं
जीत तुं स्विकार मया
मिखा पिने मन दुने
जीत तुं मालाच्वन ।।