जापानय् ने.सं.११३७ न्हूदँ तःजिक हन
वर्ल्ड नेवाः अर्गनाईजेशन जापानं नेपाल संवत् ११३७ न्हूदँया लसताय् नोभेम्बर ५। २०१६ या दिं “भिंतुना कालबिल” व थीथी सांस्कृतीक ज्याझ्वः यासें नागानो केनया तातेसिना रिजोर्ट होटलया सभाहलय् क्वचायेकूगु दु ।
थःगु कला(संस्कृति, भेषभूषा व मौलिक म्हसीकायात जगेर्ना यानाः यंकेगु आज्जुं संस्थां न्हापांगुखुसि जापानय् न्हूदँ न्यायेकूगु खः । नागानो केन तातेसिनाया न्ह्याइपुगु थासय् पारिवारिक लकसय् नेपाल संवत् ११३७ न्हूदँ व थीथी ज्याझ्वलय् तापाक्कंनिसें झाया ब्वति कयादीपिन्त वर्लड नेवाः अर्गनाईजेशन जापानया सह–संयोजक इन्दिरा सुजुकी राजभण्डारीं संस्थाया पाखें व थःगु पाखें न्हूदँया भिंतुना बिसें लसकुस यानादीगु खः । ‘छम्ह नेपाःमि छम्ह ग्वाहालिमि’ नारा लिसें न्हूदँ ११३७ या भिंतुना कालबिया लिसें भ्वय् व सांगितिक ज्याझ्वः तःजिक जूगु खः ।
एनआरएन जापानया संस्थापक नायः राजन प्रधानाङ्गया मूपाहाँसुइ नेपाःया मौलिक न्हूदँ ११३७ या भिंतुना कालबिल व सांस्कृतिक ज्याझ्वः यासें क्वचायेकूगु खः । उगु ज्याझ्वलय् नेपाःपाखें झायादीम्ह कलाकार रुमि शाक्य व स्थानीय कलाकारपिं सकुल प्रजापति, रिया जोशी व जापानी नागरिक युको ओकामोतो (ज्यापुनीं) विशेष सांस्कृतिक ब्वज्यालिसें युको ओकामोतों चर्याप्याखं व चर्याप्याखंया महत्व व म्हसीका बियादीगु खः । अथेहे, रुकेश गोसाइँ नं धिमे व रोहित शिल्पकारं भूस्याः थानाः सांगितिक माहोल झःझः धायेकादीगु खःसा युको ओकामोतों धिमेया तालय् धिमेप्याखं हुलादीगु खः ।
उगु ज्याझ्वलय् सिटी एक्सप्रेस एण्ड ट्राभल्सया प्रबन्धक महेश श्रेष्ठ, नेपालभाषा प्रष्ट न्वःवायेफुम्ह जापनीज ब्याँचा दाई, रामेछाप जापान समाजया मू सल्लाहकार सुरेन्द्रलाल श्रेष्ठ, ओकिनावा प्रतिनिधि नारायण जोशी, कास्की पोखरा समाजया बरिष्ठ सल्लाहकार प्रकाशलाल श्रेष्ठ, रामेछाप समाज जापानया नायः उत्तम श्रेष्ठ, पर्वत समाज जापानया नायः ईश्वर जोशी, नेवाः जागरण मञ्च जापानया नायः जकनराज शाक्य, नेवाः गुथि जापानया संस्थापक नायः सकुल प्रजापति, वर्ल्ड नेवाः अर्गनाईजेशन जापानया सल्लाहकार अनिलकुमार शाक्य, एनआरएन जापानया दुजः सविता श्रेष्ठपिन्सं नेपाल संवत् ११३७ या लसताय् सकल नेपाःमिपिनिगु उत्तरोत्तर प्रगतिया भिंतुना ब्यूगु खः ।
चिचाधिकःपिं मचातनिसें कयाः ६२ दँया उमेरया ज्याथः–जिथिपिन्सं तकं ब्वति कयाः न्ह्याइपुकूगु उगु ज्याझ्वः तःजिक क्वचाःगु खः । विदेशय् च्वनीपिं नेपाःमिपिन्सं थःगु देसया कला–संस्कृति, भेषभूषा व मौलिक म्हसीकायात जगेर्ना व प्रबद्र्धनया लिसेलिसें नेपालय् छुं आर्थिक ग्वाहालि यायेमाःगु व ‘छम्ह नेपाःमि छम्ह ग्वाहालिमि’या नारायात व्यापक यायेफत धाःसा नेपाःया उन्नति याकनं जुइगु धारणा तसें संस्थाया संयोजक सुनिलकुमार शाक्यं ज्याझ्वः क्वचायेकादीगु खः । उगु ज्याझ्वलय् सांस्कृतिक व भिंतुना कालबिल ज्याझ्वःया संचालन रुमि शाक्य, रोजी शाक्य, सम्रिता बज्राचार्य, अस्मिता कार्की श्रेष्ठ व क्रिस्मा श्रेष्ठं ताःलाक्क न्ह्याकादीगु खः ।
वर्ल्ड नेवाः अर्गनाईजेशन जापानं नेपाल संवत् ११३७ न्हूदँया लसताय् नोभेम्बर ५। २०१६ या दिं “भिंतुना कालबिल” व थीथी सांस्कृतीक ज्याझ्वः यासें नागानो केनया तातेसिना रिजोर्ट होटलया सभाहलय् क्वचायेकूगु दु ।
थःगु कला(संस्कृति, भेषभूषा व मौलिक म्हसीकायात जगेर्ना यानाः यंकेगु आज्जुं संस्थां न्हापांगुखुसि जापानय् न्हूदँ न्यायेकूगु खः । नागानो केन तातेसिनाया न्ह्याइपुगु थासय् पारिवारिक लकसय् नेपाल संवत् ११३७ न्हूदँ व थीथी ज्याझ्वलय् तापाक्कंनिसें झाया ब्वति कयादीपिन्त वर्लड नेवाः अर्गनाईजेशन जापानया सह–संयोजक इन्दिरा सुजुकी राजभण्डारीं संस्थाया पाखें व थःगु पाखें न्हूदँया भिंतुना बिसें लसकुस यानादीगु खः । ‘छम्ह नेपाःमि छम्ह ग्वाहालिमि’ नारा लिसें न्हूदँ ११३७ या भिंतुना कालबिया लिसें भ्वय् व सांगितिक ज्याझ्वः तःजिक जूगु खः ।
एनआरएन जापानया संस्थापक नायः राजन प्रधानाङ्गया मूपाहाँसुइ नेपाःया मौलिक न्हूदँ ११३७ या भिंतुना कालबिल व सांस्कृतिक ज्याझ्वः यासें क्वचायेकूगु खः । उगु ज्याझ्वलय् नेपाःपाखें झायादीम्ह कलाकार रुमि शाक्य व स्थानीय कलाकारपिं सकुल प्रजापति, रिया जोशी व जापानी नागरिक युको ओकामोतो (ज्यापुनीं) विशेष सांस्कृतिक ब्वज्यालिसें युको ओकामोतों चर्याप्याखं व चर्याप्याखंया महत्व व म्हसीका बियादीगु खः । अथेहे, रुकेश गोसाइँ नं धिमे व रोहित शिल्पकारं भूस्याः थानाः सांगितिक माहोल झःझः धायेकादीगु खःसा युको ओकामोतों धिमेया तालय् धिमेप्याखं हुलादीगु खः ।
उगु ज्याझ्वलय् सिटी एक्सप्रेस एण्ड ट्राभल्सया प्रबन्धक महेश श्रेष्ठ, नेपालभाषा प्रष्ट न्वःवायेफुम्ह जापनीज ब्याँचा दाई, रामेछाप जापान समाजया मू सल्लाहकार सुरेन्द्रलाल श्रेष्ठ, ओकिनावा प्रतिनिधि नारायण जोशी, कास्की पोखरा समाजया बरिष्ठ सल्लाहकार प्रकाशलाल श्रेष्ठ, रामेछाप समाज जापानया नायः उत्तम श्रेष्ठ, पर्वत समाज जापानया नायः ईश्वर जोशी, नेवाः जागरण मञ्च जापानया नायः जकनराज शाक्य, नेवाः गुथि जापानया संस्थापक नायः सकुल प्रजापति, वर्ल्ड नेवाः अर्गनाईजेशन जापानया सल्लाहकार अनिलकुमार शाक्य, एनआरएन जापानया दुजः सविता श्रेष्ठपिन्सं नेपाल संवत् ११३७ या लसताय् सकल नेपाःमिपिनिगु उत्तरोत्तर प्रगतिया भिंतुना ब्यूगु खः ।
चिचाधिकःपिं मचातनिसें कयाः ६२ दँया उमेरया ज्याथः–जिथिपिन्सं तकं ब्वति कयाः न्ह्याइपुकूगु उगु ज्याझ्वः तःजिक क्वचाःगु खः । विदेशय् च्वनीपिं नेपाःमिपिन्सं थःगु देसया कला–संस्कृति, भेषभूषा व मौलिक म्हसीकायात जगेर्ना व प्रबद्र्धनया लिसेलिसें नेपालय् छुं आर्थिक ग्वाहालि यायेमाःगु व ‘छम्ह नेपाःमि छम्ह ग्वाहालिमि’या नारायात व्यापक यायेफत धाःसा नेपाःया उन्नति याकनं जुइगु धारणा तसें संस्थाया संयोजक सुनिलकुमार शाक्यं ज्याझ्वः क्वचायेकादीगु खः । उगु ज्याझ्वलय् सांस्कृतिक व भिंतुना कालबिल ज्याझ्वःया संचालन रुमि शाक्य, रोजी शाक्य, सम्रिता बज्राचार्य, अस्मिता कार्की श्रेष्ठ व क्रिस्मा श्रेष्ठं ताःलाक्क न्ह्याकादीगु खः ।
No comments:
Post a Comment