मोतिलानि सिरपाः लःल्हात
ज्वजलपा वाःपौ/
एस.एल.सीं.निसें एम.ए तगिंतक नेपालभाषा कयाः दकलय् अप्वः ल्याः हयाः छक्वलं उत्तीर्ण जूपिं ब्वँमिपिंत बीगु मोतिलानी सिरपा थौं छगू ज्याझ्वःया दथुइ लःल्हाःगु दु ।
एस.एल.सी, प्लसटु, बि.ए व एम.ए तगिमय् उत्कृष्ट जूपिंत बीगु थुगु सिरपाया दाता दिवंगत मय्जु मोतिलानी ताम्राकार खः । ने.संं. ११३५ सालय् एस.एल.सी तगिमय् कन्या मन्दिर न्ह्योखाया ब्वँमि सरिना महर्जन, एम.एम तगिमय् नेपालभाषा केन्द्रीय विभागया ब्वँमि दीपा महर्जन, ने.सं. ११३६ सालय् एस.एल.सी तगिमय् आदर्श मा.वि. थिमिया ब्वँमि अनिता प्रजापति, प्लसटु तगिमय् मंगलोदय उ.मा.विया निशा प्रधान, बि.ए. तगिमय् पाटन संयुक्त क्याम्पसया बसन्तराज शाक्य व एम.ए तगिमय् नेपालभाषा केन्द्रीय विभागया ब्वँमि भरत महर्जनपिंत मोतिलानि सिरपा लःल्हाःगु खः । ११३५या दँय् प्लसटु व बीए तगिमय् धाःसा दकलय् अप्वः ल्याः हयाः छक्वलं उत्तीर्ण जूपिं मदुगु खः । दँयदसं उत्कृष्ट ब्वँमिपिंत बीगु थुगु सिरपा निदँय् छकः छगू ज्याझ्वः दथुइ लःल्हाइगु खः ।
मूपाहां नेवाः बस्ती नेवाः स्कुलया कजि लिसें मोर्डन नेवाः इंगलिस स्कुलया प्रोप्राइटर दिपक तुलाधरं दसिपौ लःल्हानादीगु खःसा दातामय्जु मोतिलानी ताम्राकारया म्ह्याय् एवं सिरपाया संरक्षक ज्ञानीशोभा तुलाधरं सिरपाया रकम लःल्हानादीगु खः ।
नुगःखँ तयेगु झ्वलय् भाजु तुलाधरं भाषा म्वाकातयेया निंतिं नेपालभाषा ब्वंकाच्वंगु स्कुलय् थः मस्तय्त ब्वंकेत इनाप यानादिसें नेपालभाषा ब्वंकामच्वंगु स्कुलय् नं ब्वंकेया निंतिं अभिभावकपिंसं स्कुलयात इनाप यायेमाःगु बिचाः प्वंकादिल ।
अथेहे, नुगःखँ तयेगु झ्वलय् सिरपाया संरक्षक ज्ञानीशोभा तुलाधरं थुगुसीनिसें सिरपाया ध्यबा अप्वयेकाः एस.एल.सी तगिंयात खुद्वः, प्लसटु तगिंयात न्हय्द्वः, बिए तगिंयात च्याद्वः व एम.ए तगिंयात झिद्वःतका बियागु जानकारी बियादिल ।
मोतिलानी सिरपाया नायः मय्जु प्रेमशान्ति तुलाधरया मुँज्या–नायः जुयादीगु खःसा वयकलं सिरपा बीगु निंतिं गुकथं उत्कृष्ट विद्यार्थी ल्ययागु धकाः जानकारी बियादिल । थः मस्तय्त नेवाः भाय् स्यनेवं उपिं त्याइ, द्याइगु मखु धयादिसें वयकलं आः सरकारं त्रिभाषा नीति लागू यायेमाः धयादिल ।
ज्याझ्वलय् सिरपा त्याकादीपिंसं नं थःथःगु नुगःखँ तयादीगु खःसा उमित माणिक उराय् भाजुं थःगु सफू ‘दोहलपा’ नं दोहलपा बियादीगु खः ।
मोतिलानी सिरपाया दुजः दिव्या ताम्राकार लसकुस यानादीगु, दुजः सानुरत्न स्थापितं सुभाय् देछानादीगु ज्याझ्वःयात छ्यान्जे योगेन्द्र श्रेष्ठं न्ह्याकादीगु खः ।
ज्वजलपा वाःपौ/
एस.एल.सीं.निसें एम.ए तगिंतक नेपालभाषा कयाः दकलय् अप्वः ल्याः हयाः छक्वलं उत्तीर्ण जूपिं ब्वँमिपिंत बीगु मोतिलानी सिरपा थौं छगू ज्याझ्वःया दथुइ लःल्हाःगु दु ।
एस.एल.सी, प्लसटु, बि.ए व एम.ए तगिमय् उत्कृष्ट जूपिंत बीगु थुगु सिरपाया दाता दिवंगत मय्जु मोतिलानी ताम्राकार खः । ने.संं. ११३५ सालय् एस.एल.सी तगिमय् कन्या मन्दिर न्ह्योखाया ब्वँमि सरिना महर्जन, एम.एम तगिमय् नेपालभाषा केन्द्रीय विभागया ब्वँमि दीपा महर्जन, ने.सं. ११३६ सालय् एस.एल.सी तगिमय् आदर्श मा.वि. थिमिया ब्वँमि अनिता प्रजापति, प्लसटु तगिमय् मंगलोदय उ.मा.विया निशा प्रधान, बि.ए. तगिमय् पाटन संयुक्त क्याम्पसया बसन्तराज शाक्य व एम.ए तगिमय् नेपालभाषा केन्द्रीय विभागया ब्वँमि भरत महर्जनपिंत मोतिलानि सिरपा लःल्हाःगु खः । ११३५या दँय् प्लसटु व बीए तगिमय् धाःसा दकलय् अप्वः ल्याः हयाः छक्वलं उत्तीर्ण जूपिं मदुगु खः । दँयदसं उत्कृष्ट ब्वँमिपिंत बीगु थुगु सिरपा निदँय् छकः छगू ज्याझ्वः दथुइ लःल्हाइगु खः ।
मूपाहां नेवाः बस्ती नेवाः स्कुलया कजि लिसें मोर्डन नेवाः इंगलिस स्कुलया प्रोप्राइटर दिपक तुलाधरं दसिपौ लःल्हानादीगु खःसा दातामय्जु मोतिलानी ताम्राकारया म्ह्याय् एवं सिरपाया संरक्षक ज्ञानीशोभा तुलाधरं सिरपाया रकम लःल्हानादीगु खः ।
नुगःखँ तयेगु झ्वलय् भाजु तुलाधरं भाषा म्वाकातयेया निंतिं नेपालभाषा ब्वंकाच्वंगु स्कुलय् थः मस्तय्त ब्वंकेत इनाप यानादिसें नेपालभाषा ब्वंकामच्वंगु स्कुलय् नं ब्वंकेया निंतिं अभिभावकपिंसं स्कुलयात इनाप यायेमाःगु बिचाः प्वंकादिल ।
अथेहे, नुगःखँ तयेगु झ्वलय् सिरपाया संरक्षक ज्ञानीशोभा तुलाधरं थुगुसीनिसें सिरपाया ध्यबा अप्वयेकाः एस.एल.सी तगिंयात खुद्वः, प्लसटु तगिंयात न्हय्द्वः, बिए तगिंयात च्याद्वः व एम.ए तगिंयात झिद्वःतका बियागु जानकारी बियादिल ।
मोतिलानी सिरपाया नायः मय्जु प्रेमशान्ति तुलाधरया मुँज्या–नायः जुयादीगु खःसा वयकलं सिरपा बीगु निंतिं गुकथं उत्कृष्ट विद्यार्थी ल्ययागु धकाः जानकारी बियादिल । थः मस्तय्त नेवाः भाय् स्यनेवं उपिं त्याइ, द्याइगु मखु धयादिसें वयकलं आः सरकारं त्रिभाषा नीति लागू यायेमाः धयादिल ।
ज्याझ्वलय् सिरपा त्याकादीपिंसं नं थःथःगु नुगःखँ तयादीगु खःसा उमित माणिक उराय् भाजुं थःगु सफू ‘दोहलपा’ नं दोहलपा बियादीगु खः ।
मोतिलानी सिरपाया दुजः दिव्या ताम्राकार लसकुस यानादीगु, दुजः सानुरत्न स्थापितं सुभाय् देछानादीगु ज्याझ्वःयात छ्यान्जे योगेन्द्र श्रेष्ठं न्ह्याकादीगु खः ।
No comments:
Post a Comment