पुष्पकमलया परीक्षा
-सानुराजा शाक्य
प्रधानमन्त्री सफल जुइत प्रधानमन्त्री छम्ह जक ब्वाँय् वनाः ताःलाइगु मखु । उकिया नितिं मन्त्रीपरिषदय् सहयोगी टीम व प्रधानमन्त्रीया सचिवालयय् नं चुष्ट व ड्राइभ याये फुपिं सहयोगी सल्लाहकारत दुगु टीम माः । वर्तमान प्रधानमन्त्री पुष्पकमल दाहालयाके छुं यायेगु हुतिहुति दु धकाः न्ववानाजूसां हानं छक प्रधानमन्त्री जुइफुगु सफलता बाहेक मेगु छुं याये मफइगु खनेदत धकाः प्रधानमन्त्री पुष्पकमलया सच्छिन्हुया कार्यकालं क्यने हे धुंकल ।
प्रधानमन्त्री जूगु इलय् संविधान कार्यान्वयनया नितिं असन्तुष्ट मधेसी, आदिवासी जनजातिया माग सम्बोधन जुइकथं संविधान संशोधन, भूकम्प पिडिततय्त बिइमाःगु राहतय् तदारुकता व पुननिर्माणय् गती बिइगु अले छिमेकी देय् नापया सम्बन्धय् खनेदुगु असन्तुलनयात सन्तुलनय् हयेगु धकाः एमालेया ओलीयात चिइकाः थः प्रधानमन्त्री जूगु खः ।
तर थ्व सच्छिन्हुया दथुइ थःम्हं याये धयागु ज्याय् प्रगति जुइकथं छुं नं यानाः क्यनेफुगु मदु । संविधान संशोधनया प्रस्ताव मोहनी न्ह्य, भारत भ्रमण न्ह्यः, छठ न्ह्यः, कार्तिक मसान्त दुने व्यवस्थापिका संसदय् हये धकाः सार्वजनिक रुपं न्ववाना फताः खँ ल्हाःगु थें जक खनेदुगु जक मखुकि प्रधानमन्त्री नं संविधान संशोधनया नितिं खनेदयेक पहल व सक्रियता क्यन धकाः तकं धाये फइगु अवस्था मदु ।
लोकमान प्रकरण
लोकमानयात तत्काल हे महाभियोग तयाः वर्खास्त यायेगु पक्षय् थः मदुगु धकाः प्रधानमन्त्री पुष्पकमल दाहालं छगू टेलिभिजन अन्तर्वाताय् वंगु न्ववाःगु खनेदत । तयारी हे मगायेक लोकमानयात महाभियोग हल धइगु खँय् प्रधानमन्त्रीया बिचाः खनेदु । एमालेया पहलय् वःगु थ्व महाभियोग पारित यायेत दुई तिहाइ माःगु व महाभियोगया सवालय् कांग्रेसं स्पष्ट थःगु औपचारिक मत महनीगु अवस्थाय् संविधान संशोधनयात नं दुई तिहाई माःगु संयोग जक मखुकि थ्व अन्ततः छगू मेगुलिं अन्तर्निहीत जुइगु अवस्थाय् थ्यनीगु खनेदत ।
लोकमान प्रकरणय् एमालें आदिवासी जनजाति व मधेसी जनताया माग कथं भतिचा सां संविधान संशोधन यानाः लोकमानयात हटे यायेगुलिइ नायु व्यवहार याइ वा मखु लोकमानया महाभियोग बरु पास मजूसा मजू तर संविधान संशोधनय याये हे मखु धकाः थःगु दक्षिणपन्थी चरित्र कथं अडान हे च्वनीला परिक्षण जुइगु अवस्थाय् दु । उकिं हे लोकमानया थ्व प्रकरणया कारणं प्रधानमन्त्री पुष्पकमल दाहालं एमालेयात संविधान संशोधनय् सहमति मवसे च्वने हे फइमखु धकाः दावी याःगु हे लिउनेया रहस्य खः ।
सुजाता प्रकरण
सुजाता कोइराला स्वय्म छम्ह सम्पन्न राजनीतिज्ञ खः । धमिजा प्रकरणं निसें सुजाता छम्ह विवादास्पद व आर्थिक मामिलाय् शंकास्पद नेपाःया राजनीतिज्ञ कथं म्हस्यू । सुजाता बारबार मन्त्री उपप्रधानमन्त्री जुइधुंकूम्ह नेतृ खः । थः उपप्रधानमन्त्री जूबलय् पेश याःगु सम्पत्ति विवरण स्वयेगु खःसा नेपाःया अरवपतिया धलखय् दुथ्याय्बहःम्ह नेता खः ।
रोग नेतायात जक मखु नेपाःया गरीब स्वयां गरीब सर्वहारा जनतायात नं जुयाच्वंगु हे दु । आर्थिक अवस्थाया कारणं वासः याये मखनाः सिना वनाच्वंपिं गरीव जनता जक मखुकि मध्यम वर्गया जनता नं उतिकं दु । कम्युनिष्ट कांग्रेसं नेपालय् थुज्वःगु राजनीतिक व्यवस्थाया प्रयोग यानाच्वन कि गन राज्य व्यवस्थाय् पहुँच दुपिं राजनीतिज्ञतय्त वासः यायेगु नामय् करौडौं तका राज्यं बिइगु तर गरीव व मध्यम वर्गया जनता थिकेगु ल्वय् जुइबलय् वासः याये मफया सिइमाःगु ।
जनताया करं मुनाच्वंगु राज्यकोष थःगु खल्टीया ध्यबा थें च्वंक राजनीतिक पहुँचवालातय्त वासः यायेगु नामय् इनेगु तर पहुँचविहीन जनताया विचल्ली जुइगु राजनीतिक व्यवस्था हे कांग्रेस कम्युनिष्टया अभिष्ट कथं प्रयोग जुयाच्वंगु दु । थुकथं राज्य कोष ब्रम्हलूट यायेगु मामिलाय् माओवादीया पुष्पकमल दाहाल जक मखु कांग्रेसया सिइ धुंकूपिं नेतात अले म्वानाच्वंपिं शेरबहादुर, रामचन्द्र एमालेया केपी ओली, माधव नेपाल, झलनाथ फुक्क हे दोषी खः । एमालेया केपी ओलीं गुगल ब्वाइ लगायत राजनीतिक पहुँच दुपिन्त
करोडौं दां बिल । थौं पुष्पकमल दाहालं सुजाता लगायत राजनीतिक पहुँच वालातय्त ध्यबा इना जुल । छखे थुज्वःगु प्रवृत्तिया पक्षय् मदु धकाः न्ववाइम्ह प्रधानमन्त्री पुष्पकमल दाहालं उज्वःगु प्रवृत्तिया धात्थें विरोधी हे खःसा सुजातायात थुकथं ध्यबा बिइफइमखु धकाः अडान काये फयेमाःगु खःनि तर थः हे उज्वःगु प्रवृत्तिया पृष्ठपोठक जूसेंलिं सुजाताया ध्यबा बिइगु खँय् आलोचना जुल धकाः शेरबहादुरयात दोष पन्छे यानाःया अर्थ मदु ।
थुकथं ध्यबा इने मज्यू धकाः जनताया दथुइ भाषण यानाजुइम्ह चर्चित कांग्रेस नेता धाःम्ह स्वास्थ्य मन्त्री गगन थापाया नं सुजाता प्रकरणं बामलाक धोति फुस्के जूगु क्यना हे बिल । पिने आदर्शवादी भाषण याइपिं कांग्रेस एमाले माओवादीया नेतात गुकथं नैतिक भ्रष्ट जुइ यः धइगुया पर्दाफास जूगु थ्व न्हापांगु पटक मखु । थुपिं फुक्क सुूे हे जुइमफगु कथं स्यने धुंकल ।
पुष्पकमलया परीक्षा
प्रधानमन्त्री पुष्पकमल दाहालं थःगु सरकारया सच्छिन्हु दुने याये धाःगु मू ज्याय् खास हे प्रगति जूगु क्यने मफुगु इलय् वदनाम जुइगु कथं सुजाता प्रकरण न्ह्यःने वल । थ्व हे कथं प्रधानमन्त्री पुष्पकमल दाहाल न्ह्यानाच्वन धाःसा गुलाया नितिं प्रधानमन्त्री जूम्ह पुष्पकमलया कार्यकाल गुला नं मथ्यनेत बेर मदु ।
प्रधानमन्त्री पुष्पकमलया नितिं लोकमानया महाभियोग प्रस्ताव म्हितेसलः धाःसा वरदान सावित जुइफु । संविधानयात कयाः असन्तुष्ट जुयाः आन्दोलन यानाच्वंपिं मधेसी व आदिवासी जनजाति समुदाययात नं स्वीकार जुइकथं संविधान संशोधन यानाः संविधानयात सर्वस्वीकार्य याये धकाः जनतायात बचं बियाः प्रधानमन्त्री जूम्ह पुष्पकमल दाहालयात संशोधनया सः हे न्यनेमखु धकाः अडान कयाःच्वंम्ह एमालेयात सहमतिइ हये फइगु कथं लोकमानया महाभियोग प्रस्ताव प्रकरण जुइफइगु अवस्था ब्वलंगु दु ।
लोकमानया महाभियोगय् थःगु इज्जत हे दाउलय् तःम्ह एमालेयात संविधान संशोधनय् सहमति याकेगु तुरुप लोकमानया महाभियोग प्रस्ताव जूगु दु । उकिं एमालेयात संविधान संशोधनय् सहमति याकाः मेखे कांग्रेसयात नं लोकमानया महाभियोगय् सहमति याके फत धाःसा प्रधानमन्त्री पुष्पकमल दाहाल सफल प्रधानमन्त्री जुयाः थःगु इज्जतय् लानाच्वंगु हाकूगु दाग हुइ फइ ।
थ्व ज्या याये मफुत धाःसा पुष्पकमल दाहालया क्वहाँवनाच्वंगु लोकप्रियतायात सुना नं पने फइमखु । उकिं संविधान संशोधन व लोकमानया महाभियोग प्रस्ताव प्रधानमन्त्री पुष्पकमल दाहालया नितिं सफल जुइगु कि असफल जुइगु धइगु परिक्षाया रुपय् दं वःगु दु ।
-सानुराजा शाक्य
प्रधानमन्त्री सफल जुइत प्रधानमन्त्री छम्ह जक ब्वाँय् वनाः ताःलाइगु मखु । उकिया नितिं मन्त्रीपरिषदय् सहयोगी टीम व प्रधानमन्त्रीया सचिवालयय् नं चुष्ट व ड्राइभ याये फुपिं सहयोगी सल्लाहकारत दुगु टीम माः । वर्तमान प्रधानमन्त्री पुष्पकमल दाहालयाके छुं यायेगु हुतिहुति दु धकाः न्ववानाजूसां हानं छक प्रधानमन्त्री जुइफुगु सफलता बाहेक मेगु छुं याये मफइगु खनेदत धकाः प्रधानमन्त्री पुष्पकमलया सच्छिन्हुया कार्यकालं क्यने हे धुंकल ।
प्रधानमन्त्री जूगु इलय् संविधान कार्यान्वयनया नितिं असन्तुष्ट मधेसी, आदिवासी जनजातिया माग सम्बोधन जुइकथं संविधान संशोधन, भूकम्प पिडिततय्त बिइमाःगु राहतय् तदारुकता व पुननिर्माणय् गती बिइगु अले छिमेकी देय् नापया सम्बन्धय् खनेदुगु असन्तुलनयात सन्तुलनय् हयेगु धकाः एमालेया ओलीयात चिइकाः थः प्रधानमन्त्री जूगु खः ।
तर थ्व सच्छिन्हुया दथुइ थःम्हं याये धयागु ज्याय् प्रगति जुइकथं छुं नं यानाः क्यनेफुगु मदु । संविधान संशोधनया प्रस्ताव मोहनी न्ह्य, भारत भ्रमण न्ह्यः, छठ न्ह्यः, कार्तिक मसान्त दुने व्यवस्थापिका संसदय् हये धकाः सार्वजनिक रुपं न्ववाना फताः खँ ल्हाःगु थें जक खनेदुगु जक मखुकि प्रधानमन्त्री नं संविधान संशोधनया नितिं खनेदयेक पहल व सक्रियता क्यन धकाः तकं धाये फइगु अवस्था मदु ।
लोकमान प्रकरण
लोकमानयात तत्काल हे महाभियोग तयाः वर्खास्त यायेगु पक्षय् थः मदुगु धकाः प्रधानमन्त्री पुष्पकमल दाहालं छगू टेलिभिजन अन्तर्वाताय् वंगु न्ववाःगु खनेदत । तयारी हे मगायेक लोकमानयात महाभियोग हल धइगु खँय् प्रधानमन्त्रीया बिचाः खनेदु । एमालेया पहलय् वःगु थ्व महाभियोग पारित यायेत दुई तिहाइ माःगु व महाभियोगया सवालय् कांग्रेसं स्पष्ट थःगु औपचारिक मत महनीगु अवस्थाय् संविधान संशोधनयात नं दुई तिहाई माःगु संयोग जक मखुकि थ्व अन्ततः छगू मेगुलिं अन्तर्निहीत जुइगु अवस्थाय् थ्यनीगु खनेदत ।
लोकमान प्रकरणय् एमालें आदिवासी जनजाति व मधेसी जनताया माग कथं भतिचा सां संविधान संशोधन यानाः लोकमानयात हटे यायेगुलिइ नायु व्यवहार याइ वा मखु लोकमानया महाभियोग बरु पास मजूसा मजू तर संविधान संशोधनय याये हे मखु धकाः थःगु दक्षिणपन्थी चरित्र कथं अडान हे च्वनीला परिक्षण जुइगु अवस्थाय् दु । उकिं हे लोकमानया थ्व प्रकरणया कारणं प्रधानमन्त्री पुष्पकमल दाहालं एमालेयात संविधान संशोधनय् सहमति मवसे च्वने हे फइमखु धकाः दावी याःगु हे लिउनेया रहस्य खः ।
सुजाता प्रकरण
सुजाता कोइराला स्वय्म छम्ह सम्पन्न राजनीतिज्ञ खः । धमिजा प्रकरणं निसें सुजाता छम्ह विवादास्पद व आर्थिक मामिलाय् शंकास्पद नेपाःया राजनीतिज्ञ कथं म्हस्यू । सुजाता बारबार मन्त्री उपप्रधानमन्त्री जुइधुंकूम्ह नेतृ खः । थः उपप्रधानमन्त्री जूबलय् पेश याःगु सम्पत्ति विवरण स्वयेगु खःसा नेपाःया अरवपतिया धलखय् दुथ्याय्बहःम्ह नेता खः ।
रोग नेतायात जक मखु नेपाःया गरीब स्वयां गरीब सर्वहारा जनतायात नं जुयाच्वंगु हे दु । आर्थिक अवस्थाया कारणं वासः याये मखनाः सिना वनाच्वंपिं गरीव जनता जक मखुकि मध्यम वर्गया जनता नं उतिकं दु । कम्युनिष्ट कांग्रेसं नेपालय् थुज्वःगु राजनीतिक व्यवस्थाया प्रयोग यानाच्वन कि गन राज्य व्यवस्थाय् पहुँच दुपिं राजनीतिज्ञतय्त वासः यायेगु नामय् करौडौं तका राज्यं बिइगु तर गरीव व मध्यम वर्गया जनता थिकेगु ल्वय् जुइबलय् वासः याये मफया सिइमाःगु ।
जनताया करं मुनाच्वंगु राज्यकोष थःगु खल्टीया ध्यबा थें च्वंक राजनीतिक पहुँचवालातय्त वासः यायेगु नामय् इनेगु तर पहुँचविहीन जनताया विचल्ली जुइगु राजनीतिक व्यवस्था हे कांग्रेस कम्युनिष्टया अभिष्ट कथं प्रयोग जुयाच्वंगु दु । थुकथं राज्य कोष ब्रम्हलूट यायेगु मामिलाय् माओवादीया पुष्पकमल दाहाल जक मखु कांग्रेसया सिइ धुंकूपिं नेतात अले म्वानाच्वंपिं शेरबहादुर, रामचन्द्र एमालेया केपी ओली, माधव नेपाल, झलनाथ फुक्क हे दोषी खः । एमालेया केपी ओलीं गुगल ब्वाइ लगायत राजनीतिक पहुँच दुपिन्त
करोडौं दां बिल । थौं पुष्पकमल दाहालं सुजाता लगायत राजनीतिक पहुँच वालातय्त ध्यबा इना जुल । छखे थुज्वःगु प्रवृत्तिया पक्षय् मदु धकाः न्ववाइम्ह प्रधानमन्त्री पुष्पकमल दाहालं उज्वःगु प्रवृत्तिया धात्थें विरोधी हे खःसा सुजातायात थुकथं ध्यबा बिइफइमखु धकाः अडान काये फयेमाःगु खःनि तर थः हे उज्वःगु प्रवृत्तिया पृष्ठपोठक जूसेंलिं सुजाताया ध्यबा बिइगु खँय् आलोचना जुल धकाः शेरबहादुरयात दोष पन्छे यानाःया अर्थ मदु ।
थुकथं ध्यबा इने मज्यू धकाः जनताया दथुइ भाषण यानाजुइम्ह चर्चित कांग्रेस नेता धाःम्ह स्वास्थ्य मन्त्री गगन थापाया नं सुजाता प्रकरणं बामलाक धोति फुस्के जूगु क्यना हे बिल । पिने आदर्शवादी भाषण याइपिं कांग्रेस एमाले माओवादीया नेतात गुकथं नैतिक भ्रष्ट जुइ यः धइगुया पर्दाफास जूगु थ्व न्हापांगु पटक मखु । थुपिं फुक्क सुूे हे जुइमफगु कथं स्यने धुंकल ।
पुष्पकमलया परीक्षा
प्रधानमन्त्री पुष्पकमल दाहालं थःगु सरकारया सच्छिन्हु दुने याये धाःगु मू ज्याय् खास हे प्रगति जूगु क्यने मफुगु इलय् वदनाम जुइगु कथं सुजाता प्रकरण न्ह्यःने वल । थ्व हे कथं प्रधानमन्त्री पुष्पकमल दाहाल न्ह्यानाच्वन धाःसा गुलाया नितिं प्रधानमन्त्री जूम्ह पुष्पकमलया कार्यकाल गुला नं मथ्यनेत बेर मदु ।
प्रधानमन्त्री पुष्पकमलया नितिं लोकमानया महाभियोग प्रस्ताव म्हितेसलः धाःसा वरदान सावित जुइफु । संविधानयात कयाः असन्तुष्ट जुयाः आन्दोलन यानाच्वंपिं मधेसी व आदिवासी जनजाति समुदाययात नं स्वीकार जुइकथं संविधान संशोधन यानाः संविधानयात सर्वस्वीकार्य याये धकाः जनतायात बचं बियाः प्रधानमन्त्री जूम्ह पुष्पकमल दाहालयात संशोधनया सः हे न्यनेमखु धकाः अडान कयाःच्वंम्ह एमालेयात सहमतिइ हये फइगु कथं लोकमानया महाभियोग प्रस्ताव प्रकरण जुइफइगु अवस्था ब्वलंगु दु ।
लोकमानया महाभियोगय् थःगु इज्जत हे दाउलय् तःम्ह एमालेयात संविधान संशोधनय् सहमति याकेगु तुरुप लोकमानया महाभियोग प्रस्ताव जूगु दु । उकिं एमालेयात संविधान संशोधनय् सहमति याकाः मेखे कांग्रेसयात नं लोकमानया महाभियोगय् सहमति याके फत धाःसा प्रधानमन्त्री पुष्पकमल दाहाल सफल प्रधानमन्त्री जुयाः थःगु इज्जतय् लानाच्वंगु हाकूगु दाग हुइ फइ ।
थ्व ज्या याये मफुत धाःसा पुष्पकमल दाहालया क्वहाँवनाच्वंगु लोकप्रियतायात सुना नं पने फइमखु । उकिं संविधान संशोधन व लोकमानया महाभियोग प्रस्ताव प्रधानमन्त्री पुष्पकमल दाहालया नितिं सफल जुइगु कि असफल जुइगु धइगु परिक्षाया रुपय् दं वःगु दु ।
No comments:
Post a Comment