दुखंः जाःगु मन

दुखंः जाःगु मन

—कवि राम महर्जन
नगां, किपू

मनय् दुने सुलुका तयागु
दुखः या खं छाय् थें प्याहां वल

तर पासाभाई खं बले
पलख जुसां मन खुशी जुया विल

बगैंचाय् वना स्वां खाः वना
स्वां नापं कँः न थाना वल

आकाशय् तारा चम्के जुयां छुयाय्
पृथ्वी खिउँसे हे च्वना च्वनः

देशय् गणतन्त्र वलँ ः छुयाय्
जनताया छेनेय् मुस्या सियाहल

म्वाय्गु गय याना धाय हे मफुत
जिन्दगीया बाँलागु लँ लुइके मफुत

व्यवस्थाया खिपतं चिनां हल
झन झन सने हे मफय्का विल

मनुया चोला बाँःला धाई
मनु जुया म्वाय्ला झन थाकु

मायाय् दुने भगवान दुः धाई
भगवानया माया खँके मफुनी

मायाय् दुने चाकुःसवा दु धाई
क्वातुगु माया ब्वलंके मफु

मन दुने स्वसा दुखैः दुखः
तनया दुने झन सुखः गनः मदु

मनया दुखः लोमंकेत
आनन्द जुइगु म्ये नं हाले मसः