अन्धविश्वासय् लिकुनाच्वंगु विज्ञान —बेजातनाप इहिपा (बिहा) यायेमज्यू
पन्नारत्न महर्जन
नेवाः समाजय् थीथी कथं संस्कृतित दु अले थःथःगु कथंया धारणा दयेका वयाच्वंगु खने दु । संस्कृतिइ विविधता दुपिं नेवाः समाज दुने थथे याये मत्यः अथे याये मत्य धकाः थीथी कथंया अन्धविश्वास ल्यनाच्वंगु दु । अज्वःगु कथंया अन्धविश्वास दुने वास्तवय् विज्ञान सुलाच्वंगु दु धकाः पन्नारत्न महर्जनं क्यनादीगु दु । वय्कलं नेवाः समाज नाप स्वाका अन्धविश्वारय् लिकुनाच्वंगु विज्ञान नांगु सफू तकं च्वयादीगु खः । व हे सफूपाखें निरन्तर रुपं न्ह्यब्वया वयाच्वनागु खः । संं.
इहिपा (बिहा) धयागु मिसा मिजंया जीवनया छगू क्वातुगु स्वापू खः । थ्वयात जीवन न्ह्याकेगु छगू रथ नं धाः । मिसा मिजं रथया निचाः घःचा धाइ । रथ सुथांलाक न्ह्याकेत निचालं घःचा उथें जुइमाः थें जीवन सुथांलाक न्ह्याकेत निम्हतिपुलि उथें जुइमाः । निचालं घःचाः उति मग्यन धाःसा गन्तव्य थ्यंके थाकुइ । अथें हे निम्हतिपुलिं उति मग्यन धायेवं जीवन रुपि रथ सुथां लाक न्ह्याके फइमखु ।
इहिपा जूपिं निम्हतिपूया एक आपसय् बांलाःगु स्वापू दयेमाः । छम्हं मेम्हसित सतिकं म्हसीमाः, सुमधुर सम्बन्ध दया थवं थवय् ययेमाः । अले जक इहिपा यानागुया सार्थक जुइ । जीवन सुखमय् जुइ । जीवनय् थुकथं महत्वं जाःगु इहिपा धाःसा जात मिलय् मजूम्हसिया नाप यायेमज्यू धयागु लोक मान्यता दु । छगू हे जात दुनेयापिं नाप जक यायेमाः धयागु परंपरा दु ।
झीगु समाजय थी थी कथं जातया विभाजन यानातःगु दु । थ्व ज्याया आधारय् यानातःगु खनेदु । ज्याया आधार कथं विभाजन जुयाच्वंगु जाति दुने छगू जात मेगु जातं यानावयाच्वंगु ज्यायाये मदु धयागु मान्यता दयेका तःगु खनेदु । राज्य पक्षं थज्यागुली नियम कानून दयेकाः नियन्त्रणय् तयातःगु खः धयागु इतिहासविदतय् धापू दु । थुकिंयाना छगू जातया मनुखं मेगु जातया परिवेश छुं थुइके मफइगु स्वभाविक जुल । निम्हतिपू निगू हे परिबेसय् ब्वलंपिं जुइबलय् इमिसं याना वयाच्वंगु ज्या नं भिन्न भिन्न जुइगु जुल । चित्र च्वयेगु ज्या यानाच्वंम्ह शारिरिक बलं यायेमाःगु बुँज्या छक्वलं याये फइगु सवाल मजुल । स्वां ह्वयेकेगु याइम्हं कापतय् रंग तयेसयेक थाकुइगु जुल । निम्हतिपुलिं छगू हे लजगालय् वयेत थाकुया परिवारय् कलहया श्रीजना जुइत तकं बेर मदये यः । थज्यागु अवस्थाय् आर्थिक उन्नतिइ तकं असर लाःवनी ।
मनूया पहिचान धयागु इमिसं मानय याना वयाच्वंगु संस्कृति खः । जात अनुसार संस्कृति पाना च्वनी । छगू जातं याइगु सांस्कृतिक बिधि व्यवहार मेगु जातिं मेगु हे कथं यानाच्वंगु जुइयः । जात मिलय् मजुइक इहिपा यायेबलय् मजूगु संस्कृति तःधंगु भूमिका म्हिताः च्वनी । थःगु संस्कृति त्वःता मेगु संस्कृति नालेगु धयागु काचाक्क याये थाकुइ । मसया नं च्वनेफु । थज्यागुली मनूतय् जीवनय् महत्वपूर्ण भूमिका दयाच्वनी । थज्याबलय् आत्म सम्मानया खँ मनय् लुल व थज्यागुली महत्व बिल धायेवं जुइ मज्यूगु ज्या खँ नं जुइत बेर मदयेयः । थज्यागु हुनिंयाना जात मिलय् मजुइक इहिपा याये मज्यू धयातःगु खः ।
पन्नारत्न महर्जन
नेवाः समाजय् थीथी कथं संस्कृतित दु अले थःथःगु कथंया धारणा दयेका वयाच्वंगु खने दु । संस्कृतिइ विविधता दुपिं नेवाः समाज दुने थथे याये मत्यः अथे याये मत्य धकाः थीथी कथंया अन्धविश्वास ल्यनाच्वंगु दु । अज्वःगु कथंया अन्धविश्वास दुने वास्तवय् विज्ञान सुलाच्वंगु दु धकाः पन्नारत्न महर्जनं क्यनादीगु दु । वय्कलं नेवाः समाज नाप स्वाका अन्धविश्वारय् लिकुनाच्वंगु विज्ञान नांगु सफू तकं च्वयादीगु खः । व हे सफूपाखें निरन्तर रुपं न्ह्यब्वया वयाच्वनागु खः । संं.
इहिपा (बिहा) धयागु मिसा मिजंया जीवनया छगू क्वातुगु स्वापू खः । थ्वयात जीवन न्ह्याकेगु छगू रथ नं धाः । मिसा मिजं रथया निचाः घःचा धाइ । रथ सुथांलाक न्ह्याकेत निचालं घःचा उथें जुइमाः थें जीवन सुथांलाक न्ह्याकेत निम्हतिपुलि उथें जुइमाः । निचालं घःचाः उति मग्यन धाःसा गन्तव्य थ्यंके थाकुइ । अथें हे निम्हतिपुलिं उति मग्यन धायेवं जीवन रुपि रथ सुथां लाक न्ह्याके फइमखु ।
इहिपा जूपिं निम्हतिपूया एक आपसय् बांलाःगु स्वापू दयेमाः । छम्हं मेम्हसित सतिकं म्हसीमाः, सुमधुर सम्बन्ध दया थवं थवय् ययेमाः । अले जक इहिपा यानागुया सार्थक जुइ । जीवन सुखमय् जुइ । जीवनय् थुकथं महत्वं जाःगु इहिपा धाःसा जात मिलय् मजूम्हसिया नाप यायेमज्यू धयागु लोक मान्यता दु । छगू हे जात दुनेयापिं नाप जक यायेमाः धयागु परंपरा दु ।
झीगु समाजय थी थी कथं जातया विभाजन यानातःगु दु । थ्व ज्याया आधारय् यानातःगु खनेदु । ज्याया आधार कथं विभाजन जुयाच्वंगु जाति दुने छगू जात मेगु जातं यानावयाच्वंगु ज्यायाये मदु धयागु मान्यता दयेका तःगु खनेदु । राज्य पक्षं थज्यागुली नियम कानून दयेकाः नियन्त्रणय् तयातःगु खः धयागु इतिहासविदतय् धापू दु । थुकिंयाना छगू जातया मनुखं मेगु जातया परिवेश छुं थुइके मफइगु स्वभाविक जुल । निम्हतिपू निगू हे परिबेसय् ब्वलंपिं जुइबलय् इमिसं याना वयाच्वंगु ज्या नं भिन्न भिन्न जुइगु जुल । चित्र च्वयेगु ज्या यानाच्वंम्ह शारिरिक बलं यायेमाःगु बुँज्या छक्वलं याये फइगु सवाल मजुल । स्वां ह्वयेकेगु याइम्हं कापतय् रंग तयेसयेक थाकुइगु जुल । निम्हतिपुलिं छगू हे लजगालय् वयेत थाकुया परिवारय् कलहया श्रीजना जुइत तकं बेर मदये यः । थज्यागु अवस्थाय् आर्थिक उन्नतिइ तकं असर लाःवनी ।
मनूया पहिचान धयागु इमिसं मानय याना वयाच्वंगु संस्कृति खः । जात अनुसार संस्कृति पाना च्वनी । छगू जातं याइगु सांस्कृतिक बिधि व्यवहार मेगु जातिं मेगु हे कथं यानाच्वंगु जुइयः । जात मिलय् मजुइक इहिपा यायेबलय् मजूगु संस्कृति तःधंगु भूमिका म्हिताः च्वनी । थःगु संस्कृति त्वःता मेगु संस्कृति नालेगु धयागु काचाक्क याये थाकुइ । मसया नं च्वनेफु । थज्यागुली मनूतय् जीवनय् महत्वपूर्ण भूमिका दयाच्वनी । थज्याबलय् आत्म सम्मानया खँ मनय् लुल व थज्यागुली महत्व बिल धायेवं जुइ मज्यूगु ज्या खँ नं जुइत बेर मदयेयः । थज्यागु हुनिंयाना जात मिलय् मजुइक इहिपा याये मज्यू धयातःगु खः ।
No comments:
Post a Comment