अन्धविश्वासय लिकुनांच्वंगु विज्ञान —जातः चिप याये मत्यः
-Panna Ratna Maharjan
जातः मनूतय् आगं खः । जातखय् मनूया मां बौया नं वयागु पहिचान दक्वं च्वयातइ । ज्योतिष शास्त्रकथं थ्व छगू मनूया दस्तावेज खः ।
जातः चिप याये मत्यः धयागु लोकमान्यता दु । छाये व छु जुयाः याये मत्यः धयागु खँय् जातः जूगुलिं जक धायेगु यानावयाच्वंगु खनेदु । पुर्खापिसं अथे मत्यः जक धयातःगु अवस्य खइमखु । थुकी छकः बिचाः याये ।
मनूया जातः मनू बुइ धुंकाः दयेकीगु खः । मसीतले थ्वयात सुरक्षित यानातइ । मनू मसीकं थ्वयात नष्ट याइमखु । सीबलय् तिनि सीम्हेसिया लिसे उनाः बाय् नष्ट याना छ्वइ । मनूया आयू गुलि दइ धकाः धायेफइ मखु । मनू मसीतले ल्यंका तयेमाःगु जातः सितिमिति वस्तुखं (भ्वतँ) दयेकां उलि बल्लाइ मखु, तःदँतक ल्यनाच्वनी मखु । उकिं जातः दयेकेत विशेषकथंया वस्तु छ्यली ।
जातः नेपाली (लोक्टा) भ्वँतय् च्वयातइगु खः । भ्वँ भचा ख्वातुगु माः । उकिं निबः स्वबः भ्वँ तयाः मःनं प्यपुंकाः ख्वातुका तइ । म किलं नयेयःगु चीज खः । थुकिंयानाः ताःतक तयातये जिइ मखु । उकिं मः दयेकेबलय् मः दयेकेगु चीज नापं हरिताल धयागु छगू ब्वति ल्वाकछ्यानाः दयेकी । थ्व ब्वति विषादि खः ।
जातः च्वइगु भ्वँया सतह पिचुसे च्वनी । पिचुकेत हरिताल ल्वाकछ्यानातःगु मः सालुगु कापतय् छानय् यानाः भ्वँतय् इली । भचा न्हगं थें च्वन धायेवं पिचुसे माथं वंगु ल्वहं बाय् मेगु छुं नं छाःगु वस्तुया द्यःने तयाः उतिग्यंक छ्याइ । जातः च्वयेबलय् गनं आखः हुइमाल बाय् हुयाः मेगु आखः च्वये माल धायेवं नं हरिताल ल्वाकज्याःगु मः इलाः हुइ । थथे हुइबलय् टिपेक्स हुयातःगु थें छुं कथंया चिं खनेदइमखु । थथे जुइबलय् भ्वँया सतहलय यक्व विषया भाग दयाच्वनी ।
जातः चिप याये मत्यः धयागु गनं चिपनाप ल्वाकेगु बाय् चिपगु थासय् यंकेगु मखु । जातः थियाच्वनागु ल्हाः म्हुतुइ यंकेगु बाय् छकःपतिं ई भ्याः कयाः जातखय् थीगु खः । नयाच्वनागु नसाया नापं यंकेगु खः । थथे यायेबलय् जातखय् च्वंगु विषादि नसाय् बाय् म्हुतुइ लानाः विष लगय् जुइ । उकें जातः थी धुंकाः ल्हाः सिलेमाः धयागु मान्यता नं दु ।
जातः ताः ईतक सुरक्षित यानातयेमाः । लाःथेपाःथे यानाः वायेत्यः फ्वायेत्यः यानातये मज्यू । आखःग्वः बांलाक सीदयेका तयेमाः । मखुसा अर्थया अनर्थ जूवनेफु । चिप आदि थासय् लानाः लखं प्यात बाय् धुलं गल धायेवं याकनं भ्वाथः जुइ । थज्याःगु अवस्थाय् जातः स्वयेमाल धायेवं आखः स्पष्ट मजुइफु ।
जातः जक चिप याये मज्यूगु मखु । हरिताल बुलातःगु छुं नं भ्वँ चिप याये मज्यू । अप्वः यानाः पुलांपुलागु सपूmत हरिताल इलातःगु भ्वँतय् च्वयातःगु जुइ । सपूm चिप याये मत्यः धयागु मान्यता नं थ्व हे हरितालं यानाः खः । थन नं चिप यायेगु धयागु ईभ्याः कयाः सपूmया पाना पुइकेगु व नयाच्वनाथाय् सपूm यंकेगु खः ।
-Panna Ratna Maharjan
जातः मनूतय् आगं खः । जातखय् मनूया मां बौया नं वयागु पहिचान दक्वं च्वयातइ । ज्योतिष शास्त्रकथं थ्व छगू मनूया दस्तावेज खः ।
जातः चिप याये मत्यः धयागु लोकमान्यता दु । छाये व छु जुयाः याये मत्यः धयागु खँय् जातः जूगुलिं जक धायेगु यानावयाच्वंगु खनेदु । पुर्खापिसं अथे मत्यः जक धयातःगु अवस्य खइमखु । थुकी छकः बिचाः याये ।
मनूया जातः मनू बुइ धुंकाः दयेकीगु खः । मसीतले थ्वयात सुरक्षित यानातइ । मनू मसीकं थ्वयात नष्ट याइमखु । सीबलय् तिनि सीम्हेसिया लिसे उनाः बाय् नष्ट याना छ्वइ । मनूया आयू गुलि दइ धकाः धायेफइ मखु । मनू मसीतले ल्यंका तयेमाःगु जातः सितिमिति वस्तुखं (भ्वतँ) दयेकां उलि बल्लाइ मखु, तःदँतक ल्यनाच्वनी मखु । उकिं जातः दयेकेत विशेषकथंया वस्तु छ्यली ।
जातः नेपाली (लोक्टा) भ्वँतय् च्वयातइगु खः । भ्वँ भचा ख्वातुगु माः । उकिं निबः स्वबः भ्वँ तयाः मःनं प्यपुंकाः ख्वातुका तइ । म किलं नयेयःगु चीज खः । थुकिंयानाः ताःतक तयातये जिइ मखु । उकिं मः दयेकेबलय् मः दयेकेगु चीज नापं हरिताल धयागु छगू ब्वति ल्वाकछ्यानाः दयेकी । थ्व ब्वति विषादि खः ।
जातः च्वइगु भ्वँया सतह पिचुसे च्वनी । पिचुकेत हरिताल ल्वाकछ्यानातःगु मः सालुगु कापतय् छानय् यानाः भ्वँतय् इली । भचा न्हगं थें च्वन धायेवं पिचुसे माथं वंगु ल्वहं बाय् मेगु छुं नं छाःगु वस्तुया द्यःने तयाः उतिग्यंक छ्याइ । जातः च्वयेबलय् गनं आखः हुइमाल बाय् हुयाः मेगु आखः च्वये माल धायेवं नं हरिताल ल्वाकज्याःगु मः इलाः हुइ । थथे हुइबलय् टिपेक्स हुयातःगु थें छुं कथंया चिं खनेदइमखु । थथे जुइबलय् भ्वँया सतहलय यक्व विषया भाग दयाच्वनी ।
जातः चिप याये मत्यः धयागु गनं चिपनाप ल्वाकेगु बाय् चिपगु थासय् यंकेगु मखु । जातः थियाच्वनागु ल्हाः म्हुतुइ यंकेगु बाय् छकःपतिं ई भ्याः कयाः जातखय् थीगु खः । नयाच्वनागु नसाया नापं यंकेगु खः । थथे यायेबलय् जातखय् च्वंगु विषादि नसाय् बाय् म्हुतुइ लानाः विष लगय् जुइ । उकें जातः थी धुंकाः ल्हाः सिलेमाः धयागु मान्यता नं दु ।
जातः ताः ईतक सुरक्षित यानातयेमाः । लाःथेपाःथे यानाः वायेत्यः फ्वायेत्यः यानातये मज्यू । आखःग्वः बांलाक सीदयेका तयेमाः । मखुसा अर्थया अनर्थ जूवनेफु । चिप आदि थासय् लानाः लखं प्यात बाय् धुलं गल धायेवं याकनं भ्वाथः जुइ । थज्याःगु अवस्थाय् जातः स्वयेमाल धायेवं आखः स्पष्ट मजुइफु ।
जातः जक चिप याये मज्यूगु मखु । हरिताल बुलातःगु छुं नं भ्वँ चिप याये मज्यू । अप्वः यानाः पुलांपुलागु सपूmत हरिताल इलातःगु भ्वँतय् च्वयातःगु जुइ । सपूm चिप याये मत्यः धयागु मान्यता नं थ्व हे हरितालं यानाः खः । थन नं चिप यायेगु धयागु ईभ्याः कयाः सपूmया पाना पुइकेगु व नयाच्वनाथाय् सपूm यंकेगु खः ।
No comments:
Post a Comment