नेवाः पत्रकार राष्ट्रिय दबूया दँ मुज्याय् न्याम्ह पत्रकारतय्त सिरपाःलःल्हात
झिगू लखया पत्रकारिता कल्याणकारि कोषया घोषणा
ज्वजलपा वाःपौ
देय्न्यंकंया नेवाः पत्रकारतय्गु राष्ट्रिय संगठन नेवाः पत्रकार राष्ट्रिय दबूया थौ शनिवाः न्याक्वःगु दँ मुँज्याय् तःजिक न्यायेका न्याम्ह पत्रकारतय्त सिरपाः लःल्हागु दु । वाङमय शताब्दी पुरुष सत्यमोहन जोशी विशेष पाहां अले येँ महानगरपालिकाया मेयर बिद्यासुन्दर शाक्य मूपाहां जुयादीगु खः ।
समारोहया सभानायः नेवाः पत्रकार राष्ट्रिय दबुया नायः श्रीकृष्ण महर्जनं समावेशीता, मातृभाषाया पत्रकारिता नापं नेवाः पत्रकारतय्गु नितिं हे संगठन नीस्वनागु नापं थुगु संगठनं नेवाः पत्रकारतय्गु हक अधिकारया नितिं संघर्ष याना वनेगु जुइ धयादिल । नापं नेवाः पत्रकारतय्त हःपाः बिइगु नितिं हे थीथी कथंया न्याक्वःगु दँमुँज्याय् न्याम्ह हे नेवाः पत्रकारतय्त सिरपाः लःल्हायेगु ग्वसाः ग्वयागु खः धकाः धयादिल । उगु ज्याझ्वलय् पत्रकार दबूपाखें वाङमय शताब्दी पुरुष सत्यमोहन जोशी पत्रकारिता सिरपा बरिष्ठ पत्रकार रमेशकाजी स्थापितयात, भिक्षु कुमार कास्यप स्मृति पत्रकारिता सिरपा क्रियाशिल युवा पत्रकार राजेन्द्र मानन्धरयात लःल्हागु खः । उगु हे कथं ज्ञानदेवी स्थापित स्मृति पत्रकारिता सिरपाः हटौंडा वाःपौया सम्पादक मोहनमान सांगामीयात, बाबुराजा ज्यापु फोटो पत्रकारिता सिरपाः बरिष्ठ फोटो पत्रकार राजेन्द्र चित्रकारयात व पुरुषोत्तम–निरादेवी पत्रकारिता सिरपाः न्हापांम्ह नेवाः कार्टुनिस मोहन श्याम खोकनायात लःल्हागु खः ।
उगु न्यागू हे सिरपाः झिद्धः झिद्ध तका नगद तकं लःल्हाःगु खः । नेवाः पत्रकारतय्गु नितिं ग्वाहालि यायेत पत्रकारिता कल्याणकारी कोष नं घोषणा याःगु खः । उगु ज्याझ्वलय् येँ महानगरपालिकाया मेयर विद्यासुन्दर शाक्यं नेवा पत्रकारतय्गु नितिं दयेकूगु उगु कोषया नितिं महानगरपालिकापाखें न्यागू लख तका बिइगु घोषणा यानादीगु खः । अथे हे अन सहभागी नापं थीथी ब्यक्तित्वपिन्सं नं स्वतस्फूर्त रुपं हे कोष्णया नितिं ग्वहालि यायेगु बचं बियादीगु खः ।
ज्याझवलय् नेपाल आदिवासी जनजाति पत्रकार महासंघया महासचिव गर्जुधन राई, मधेसी पत्रकार समाजया नायः मोहन सिंह, प्रेस काउन्सीलया सुभेच्छा विन्दु, सम्मानित ब्यक्तित्व रमेशकाजि स्थापित, सल्लाहकार सुरेश किरण मानन्धर नापं थीथी ब्यक्तित्वपिन्सं थःथःगु बिचाः प्वंकादीगु खः ।
नेपाल पत्रकार महासंघयात न्हू निर्वाचित जुयादीपिं पदाधिकारी व जनजातिया सदस्यपिन्त हनेज्या नापं संस्थायात भिंतुनापौ तकं लःल्हाःगु उगु ज्याझ्वलय् येँ महानगरपालिकाया मेयर शाक्ययात नेवाः पत्रकार राष्ट्रिय दबूपाखें भिंतुना पौ लःल्हाःगु खः ।
उदघाटन समारोह लिपा जूगु बन्द शत्रपाखें मूछ्याञ्जे सुनिल महर्जनया प्रगति प्रतिवेदन व दांभरी सरेन्द्रभक्त श्रेष्ठया आर्थिक विवरण प्रतिवेदन सहलह लिपा पारित याःगु खः । शनिवाः जूगु न्याक्वःगु दँमुँज्याय् येँ, यल, ख्वप, काभ्रे, मकवानपुर, चितवन, धादिङ, गोरखा, दोल्खा नापं थीथी जिल्लाया प्रतिनिधितय्गु सहभागीता दुगु खः ।
झिगू लखया पत्रकारिता कल्याणकारि कोषया घोषणा
ज्वजलपा वाःपौ
देय्न्यंकंया नेवाः पत्रकारतय्गु राष्ट्रिय संगठन नेवाः पत्रकार राष्ट्रिय दबूया थौ शनिवाः न्याक्वःगु दँ मुँज्याय् तःजिक न्यायेका न्याम्ह पत्रकारतय्त सिरपाः लःल्हागु दु । वाङमय शताब्दी पुरुष सत्यमोहन जोशी विशेष पाहां अले येँ महानगरपालिकाया मेयर बिद्यासुन्दर शाक्य मूपाहां जुयादीगु खः ।
उगु न्यागू हे सिरपाः झिद्धः झिद्ध तका नगद तकं लःल्हाःगु खः । नेवाः पत्रकारतय्गु नितिं ग्वाहालि यायेत पत्रकारिता कल्याणकारी कोष नं घोषणा याःगु खः । उगु ज्याझ्वलय् येँ महानगरपालिकाया मेयर विद्यासुन्दर शाक्यं नेवा पत्रकारतय्गु नितिं दयेकूगु उगु कोषया नितिं महानगरपालिकापाखें न्यागू लख तका बिइगु घोषणा यानादीगु खः । अथे हे अन सहभागी नापं थीथी ब्यक्तित्वपिन्सं नं स्वतस्फूर्त रुपं हे कोष्णया नितिं ग्वहालि यायेगु बचं बियादीगु खः ।
ज्याझवलय् नेपाल आदिवासी जनजाति पत्रकार महासंघया महासचिव गर्जुधन राई, मधेसी पत्रकार समाजया नायः मोहन सिंह, प्रेस काउन्सीलया सुभेच्छा विन्दु, सम्मानित ब्यक्तित्व रमेशकाजि स्थापित, सल्लाहकार सुरेश किरण मानन्धर नापं थीथी ब्यक्तित्वपिन्सं थःथःगु बिचाः प्वंकादीगु खः ।
नेपाल पत्रकार महासंघयात न्हू निर्वाचित जुयादीपिं पदाधिकारी व जनजातिया सदस्यपिन्त हनेज्या नापं संस्थायात भिंतुनापौ तकं लःल्हाःगु उगु ज्याझ्वलय् येँ महानगरपालिकाया मेयर शाक्ययात नेवाः पत्रकार राष्ट्रिय दबूपाखें भिंतुना पौ लःल्हाःगु खः ।
No comments:
Post a Comment