बाघभैरव प्याखंया गुथियात सिरपाः लःल्हात

बाघभैरव प्याखंया गुथियात सिरपाः लःल्हात
ज्वजलपा वाःपौ ÷
झिंनिदँया प्याखं क्यना वयाच्वंगु श्री बाघभैरव माली गुथियात रुद्र बहादुर स्मृति प्रतिष्ठानपाखें रुद्र बहादुर स्मृति सम्पदा तथा संस्कृति संरक्षण सिरपाः लःल्हाःगु दु । किपुलिइ शनिवाः प्रतिष्ठानया न्हापांगु तःमुँज्यासें किपूया म्हसीका पिब्वयाच्वंगु अमूर्त सम्पदाया रुपय् धस्वाका वयाच्वंगु झिंनिदँया बाघभैरव देवगण प्याखंयात निरन्तरता बिया वयाच्वंग उगु गुथिया प्याखं गुरु नापं कलाकारपिन्त बेतलिं चिका हनेगु ज्या नाप नापं नीद्धः तकया दां तकं लःल्हाःगु खः ।

प्रतिष्ठानया नायः रविन्द्रबहादुर प्रधानया सभापतित्वय् मूपाहां सांसद राजन केसी जुयादीगु खःसा विशिष्ट पाहां कथं सांसद रुपा महर्जन व उद्धवप्रसाद रिजाल जुयादीगु खः । सुनिल श्रेष्ठं संचालन यानादीगु उगु ज्याझ्लय् डिएसपी डा. मेखबहादुर खत्री, संरक्षक राधादेवी प्रधान व सल्लाहकार टिकाराम महर्जन पांहां जुयादीगु खः ।