ज्वजलपा वाःपौ
किपू लागाया संगीत क्षेत्रय् नां जाःम्ह उस्ताद दिलिप महर्जनया जहान सावित्री महर्जन आकाझाकां वंगु ने.सं. ११३६ गुंलाथ्व त्रयोदशि (श्रावण ३२ गते) खुन्हु मन्त । वय्कःया जहान दिलिप महर्जन सिलु तिर्थ सिइकः वनांच्वंगु इलय् सावित्री महर्जन मदुगु खः । वय्कः मदुगु सुचं बिइत मोबाईल सम्पर्क नं मजूगु हुनिं दिलिप लिहाँ वयेकाः तिनि सिथं यंकूगु खः । वय्कःया जन्म २०२८ साल अक्षय तृतिया खुन्हू जूगु खः । नकतिनि ४५ दँया नच्चागु उमेरय् आकाझाकां मदुगुलिं वय्कःया विद्यार्थीपिं अले छेँजःपिन्सं तसकं नुगलय् स्याकल । श्रद्धाञ्जली सभाय् सकसिया मिखाय् नं ख्वबि भय्बिया वयाच्वंगु खनेदु । सावित्री महर्जन किपूया नयाँबजारय् च्वंगु तालतन्त्र फाईन आर्ट एण्ड म्यूजिक एकेडेमीया प्रशिक्षक नापं म्यानेजिङ्ग डाइरेक्टर जुया ज्या यानाच्वनादीम्ह खः । अन आधुनिक आर्ट सयेकः वइपिं यक्व दु । अथेहे थीथी बाजं सय्कः वइपिं नं दु । याकनं हे थः सिष्यत नापं पिनेवयाः प्रत्यक्ष कला च्वयेगु मतिं तयाच्वनादीम्ह सावित्रीया म्हंगस पूवंके मलावं हे मन्त ।
निम्ह तिपू सिलु तिर्थ वनकि बाय्माली धइगु चलन दु । तर वयकःपिनि याकः जक वनं नं निम्हत्यपु बाय्माल धकाः नं नुगः मछिंकूगु दु ।
No comments:
Post a Comment