ने.सं.११३६ पांगाया सापारुया

ने.सं.११३६ पांगाया सापारुया छगू लू वसः घानावःपिनिगु किपाः
सापारु झी नेवाःतयगु छगू मौलिक पर्व खः । सापारु धायेमाथाय् थौंकन्हे झी नेवाःतसें हे गाईजात्रा धयाः हयाःच्वंगु दु । थःगु मौलिक नां छाय् स्यंकेगु ? मेगु भाय्यापिन्सं ला स्यंकेत स्वल स्वल, झीसं नापं छाय् स्यंकेगु ? झीगु भाय झीसं हे म्वाकाःतयेमाः । सापारु थी थी थासय् थी थी कथं न्यायेकीगु दु । थ्व पाँगाया तिरकु लारकू छिकपिनि न्ह्यःने छत्वाःचा न्ह्यब्वया च्वना । थःछेँया हामा मन्त धाःसा वसः घाकाः छ्वया हइ । गुलिसें साः नं छ्वइ । न्हूगु छेँ दँपिं अप्वःसें गोसाईया रुप बिया छ्वया हइ । थाचिना हःगु छेँ नं सा झवाः सावाइम्ह व छज्वः सा छ्वया हइ । इमिसं हे फुक्क सायात मुंकाः यनी । अर्थात नेतृत्व याइ । स्वयादिसँ पाँगाया सापारु