ज्येष्ठ नागरिक सेवा केन्द्र पाँगाय् पुन्हिया ज्याझ्वः
ज्वजलपा वाःपौ
ज्येष्ठ नागरिक सेवा केन्द्र पाँगा मनूतय् आस्थाया केन्द्र जुया वःगु दु । वंगु सुक्रवार सिला पुन्हि माघ २८ गते स्वस्थानी बाखं कनेगु क्वचाईगु दिं । थुगुसी स्वस्थानी बाखं सुरु जुसांनिसें रामदेवी महर्जनं थः अबु स्व.शुकराम महर्जनं नेपालभाषां च्वयादीगु स्वस्थानी बाखं न्हियान्हिथं कना वयाच्वंगु खः । उगु दिनय् बाखं कनेगु सिधय्कीगु जुयाः लाछी दबुली हे च्वना बाखं कनेगु यात । व बाखं न्यनाः बाखं पाः तय्हःपिं गःगः दत ।
लाछी पांगाया लक्ष्मण श्रेष्ठया जहान विष्णुकुमारी श्रेष्ठ ७०दँ बुन्हिंया लसताय् नारायण द्यःयाथाय् लाख मत च्याकाः ज्येष्ठ नागरिकपिन्त जलपान दान याना हन ।
अथेहे नगांया अष्टमाया महर्जन मदुगु ७ दँ दुगु पुण्यतिथिसं वय्कःया म्ह्याय्पिं दिलकुमारी महर्जन, नन्द कुमारी महर्जन, जमुना महर्जन, न्हुच्छेमाया महर्जन व कृष्ण कुमारी महर्जनं थःमांया किपाः दबुली तयाः श्रद्धाञ्जली देछाय्गु ज्या यात । ज्येष्ठ नागरिकपिन्सं नं श्रद्धाञ्जली देछाय् खन । वय्कःपिन्सं नं ज्येष्ठ नागरिकपिन्त जलपानया व्यवस्था यानाबिल ।
अथे हे पाँगा पार्टी भेन्यूया नविन श्रेष्ठं थः बाज्या मोहन दास श्रेष्ठया लुमन्ति ज्येष्ठ नागरिकपिन्त जलपान दान याःगु खः । लाछी दबुली तयाः लच्छि यंक ला मलाः मधाःसे स्वस्थानी बाखं न्यंकःवःम्ह रामदेवी महर्जन व न्हियान्हिथं योग स्यौं वयाच्वंम्ह हिरानानी महर्जन, अथे हे बुदिं हंवःम्ह विष्णु कुमारी श्रेष्ठयात सम्मान याःगु खः । अनं लिपा पवित्र कुटी विहार व नगां ज्ञानमाला भजन खलः नं ज्ञानमाला भजन नं प्रस्तुत याःगु खः । जलपान धुंकाः बान्थि सकसितं भोजन याकाःतिनि छेँ छ्वःगु खः । सल्लाहकार अर्जुन महर्जनं न्ह्याकुगु उगु ज्याझ्वलय् थःगु नुगः खँ तयेगु झ्वलय् केन्द्रया अध्यक्ष दुर्गा कुमारी महर्जनं सकसिनंनं ज्येष्ठ नागरिक केन्द्रयात मतिना याना ज्याझ्वः याःझागुलिं तसकं लसता वल । ज्येष्ठ नागरिकपिनिगु सेवा यायेत थःपिन्त अझ उत्साह व हौसला वःगु खँ कँसें न्ह्याबलें थथे हे ग्वाहालि दयाच्वनीगु आशा प्वंका दिल ।
ज्वजलपा वाःपौ
ज्येष्ठ नागरिक सेवा केन्द्र पाँगा मनूतय् आस्थाया केन्द्र जुया वःगु दु । वंगु सुक्रवार सिला पुन्हि माघ २८ गते स्वस्थानी बाखं कनेगु क्वचाईगु दिं । थुगुसी स्वस्थानी बाखं सुरु जुसांनिसें रामदेवी महर्जनं थः अबु स्व.शुकराम महर्जनं नेपालभाषां च्वयादीगु स्वस्थानी बाखं न्हियान्हिथं कना वयाच्वंगु खः । उगु दिनय् बाखं कनेगु सिधय्कीगु जुयाः लाछी दबुली हे च्वना बाखं कनेगु यात । व बाखं न्यनाः बाखं पाः तय्हःपिं गःगः दत ।
लाछी पांगाया लक्ष्मण श्रेष्ठया जहान विष्णुकुमारी श्रेष्ठ ७०दँ बुन्हिंया लसताय् नारायण द्यःयाथाय् लाख मत च्याकाः ज्येष्ठ नागरिकपिन्त जलपान दान याना हन ।
अथेहे नगांया अष्टमाया महर्जन मदुगु ७ दँ दुगु पुण्यतिथिसं वय्कःया म्ह्याय्पिं दिलकुमारी महर्जन, नन्द कुमारी महर्जन, जमुना महर्जन, न्हुच्छेमाया महर्जन व कृष्ण कुमारी महर्जनं थःमांया किपाः दबुली तयाः श्रद्धाञ्जली देछाय्गु ज्या यात । ज्येष्ठ नागरिकपिन्सं नं श्रद्धाञ्जली देछाय् खन । वय्कःपिन्सं नं ज्येष्ठ नागरिकपिन्त जलपानया व्यवस्था यानाबिल ।
अथे हे पाँगा पार्टी भेन्यूया नविन श्रेष्ठं थः बाज्या मोहन दास श्रेष्ठया लुमन्ति ज्येष्ठ नागरिकपिन्त जलपान दान याःगु खः । लाछी दबुली तयाः लच्छि यंक ला मलाः मधाःसे स्वस्थानी बाखं न्यंकःवःम्ह रामदेवी महर्जन व न्हियान्हिथं योग स्यौं वयाच्वंम्ह हिरानानी महर्जन, अथे हे बुदिं हंवःम्ह विष्णु कुमारी श्रेष्ठयात सम्मान याःगु खः । अनं लिपा पवित्र कुटी विहार व नगां ज्ञानमाला भजन खलः नं ज्ञानमाला भजन नं प्रस्तुत याःगु खः । जलपान धुंकाः बान्थि सकसितं भोजन याकाःतिनि छेँ छ्वःगु खः । सल्लाहकार अर्जुन महर्जनं न्ह्याकुगु उगु ज्याझ्वलय् थःगु नुगः खँ तयेगु झ्वलय् केन्द्रया अध्यक्ष दुर्गा कुमारी महर्जनं सकसिनंनं ज्येष्ठ नागरिक केन्द्रयात मतिना याना ज्याझ्वः याःझागुलिं तसकं लसता वल । ज्येष्ठ नागरिकपिनिगु सेवा यायेत थःपिन्त अझ उत्साह व हौसला वःगु खँ कँसें न्ह्याबलें थथे हे ग्वाहालि दयाच्वनीगु आशा प्वंका दिल ।
No comments:
Post a Comment