येँया सतुंगलय् व यलया जलय् डोजर आतंक
न्हिनय् आकाझाकां डोजर ज्वना सलंसःम्ह प्रहरी सहित वःगु अले इमिसं स्थानीय अशोककाजि शाक्ययात दायेगु नापं ज्वनेगु याःगु खः । प्रहरी भ्यानय् तया तकं शाक्ययात दायेफक्क दाल धकाः श्रेष्ठं धयादिल । प्रहरीं शाक्ययात दायेगु ज्या जक याःगु मखुकि ककुतिइगु ज्या तकं याःगु खः धकाः धयादिल । प्रहरीं दाया घाःपाः जूम्ह शाक्यं नं थःत प्रहरीतय्सं भ्यानय् दुने तया ककुतिया छगू कथं स्यायेथें हे यात धकाः धयादीगु दु । अथे हे थः अबुयात छाय् दायागु अले छाय् ज्वनागु धकाः न्यंवंम्ह शाक्यया काय् अनुज शाक्ययात तकं प्रहरीं दायेगु ज्या याःगु खः । उगु घटनालिपा सलंसःम्ह स्थानीयवासीं प्रदर्सन याःगु खः । लिपा प्रहरी व डोजर लित यंकूगु खःसा गिरफ्तार जूम्ह शाक्ययात नं त्वःताहःगु खः ।
थ्व हे दथुइ सडक विस्तार यायेगु नामय् वंगु शुक्रवार आकाझाकां यलया नेवाः वस्ती जलय् डोजरं जितगोविन्द महर्जनया स्वतत्याः जाःगु छेँय् थुंवल । न्हिनसिया झिंछता त्याः ११ः३० इलय् डोजरं छेँय् ठक्कर नकूबले जितगोविन्दया ८९ दँया अबु नारायण गोपाल महर्जन व ८८ दँया मां पुनमाया महर्जन छकू हे कोथाय् च्वनाच्वंगु खः । डोजरं प्रहरी चौकी लिक्क लाःगु छेँय् थुनेगु यायेवं अक्सिजन कयाच्वनेमाःम्ह पुनमाया भुखाय् ब्वल धकाः कःसि वन । नारायण महर्जन बँय् दल । नारायण गोपाल उखेथुखे जुइमफुम्ह जुया कोथाय् हे च्वनाच्वनीम्ह खः । अथे डोजरं छेँय् थक्कर नकेवं जितगोविन्दया कलाः सुजना महर्जन भुखाय् ब्वल धाधां पिने पिब्वांवःगु खः । पिनेवःबलय् थःगु छेँ डोजरं स्यंकाःच्वंगु खँबलय् न्वंवाय् मफुत । जलय् जीतगोविन्द महर्जनया छेँजक मखु मेपिं न्याम्हेसिया छेँय् समेत अथे स्यंकेगु याःगु खः । आकाझाकां छेँय् थुनेगु यायेवं स्थानीय युवातसें विरोध याःगु खः । सलंसः प्रहरीनाप वया डोजर चलय् याःगुया विरोधय् प्रदर्शन समेत जूगु खः । विना सुचना, छेँ मनू दय्क दय्कं डोजर चलय् याःगुलिं अनया मनूत आतंकित जूगु दु । स्थानीयवासीतसें छघौ त्याः लँ बन्द याना विरोध याःगु खः । स्थानीयतय्गु यक्व विरोध जुइवं डोजर लिहाँवंगु खः ।
आन्दोलनकारीतसें मुआब्जा बिइमाःगु, क्षतिपूर्ति बिइमाःगु माग याना वयाच्वंगु दु ।
अनं लिपा जलया स्थानीयवासीतय्गु शनिवाः हे मुँज्या च्वना आइतवाः जिल्ला प्रशासन ज्याकू घेराउ यायेगु नापंया संघर्षया ज्याझ्वः तयार याःगु दु । आः मदिक्क आन्दोलन न्ह्याकेगु जुइ धकाः आन्दोलनया नेतृत्व याना वयाच्वनादीम्ह चैन गोपाल महर्जनं जानकारी बियादीगु दु ।
Harisiddhi (Jala)
शनिवाः सार्वजनिक दिनय् हे लाका येँ जिल्लाया नेवाः वस्ती सतुंगः गर्जुधारा लागाय् डोजर आतंक जुल । सर्वोच्च अदालतं अन्तरिम आदेस बियातःगु दुसां नं सार्वजनिक विदाया दिनय् लाका अदालतया आदेशयात तकं उल्लंघन याना डोजर ज्वना जनताया छेँ थुनेगु ज्या याःगु धइगु बास्तवय् आतंक हे याःगु खः धकाः थक्वाःया आन्दोलनया नेतृत्व यानादीम्ह शान्तप्रकाश श्रेष्ठं धयादीगु दु ।न्हिनय् आकाझाकां डोजर ज्वना सलंसःम्ह प्रहरी सहित वःगु अले इमिसं स्थानीय अशोककाजि शाक्ययात दायेगु नापं ज्वनेगु याःगु खः । प्रहरी भ्यानय् तया तकं शाक्ययात दायेफक्क दाल धकाः श्रेष्ठं धयादिल । प्रहरीं शाक्ययात दायेगु ज्या जक याःगु मखुकि ककुतिइगु ज्या तकं याःगु खः धकाः धयादिल । प्रहरीं दाया घाःपाः जूम्ह शाक्यं नं थःत प्रहरीतय्सं भ्यानय् दुने तया ककुतिया छगू कथं स्यायेथें हे यात धकाः धयादीगु दु । अथे हे थः अबुयात छाय् दायागु अले छाय् ज्वनागु धकाः न्यंवंम्ह शाक्यया काय् अनुज शाक्ययात तकं प्रहरीं दायेगु ज्या याःगु खः । उगु घटनालिपा सलंसःम्ह स्थानीयवासीं प्रदर्सन याःगु खः । लिपा प्रहरी व डोजर लित यंकूगु खःसा गिरफ्तार जूम्ह शाक्ययात नं त्वःताहःगु खः ।
थ्व हे दथुइ सडक विस्तार यायेगु नामय् वंगु शुक्रवार आकाझाकां यलया नेवाः वस्ती जलय् डोजरं जितगोविन्द महर्जनया स्वतत्याः जाःगु छेँय् थुंवल । न्हिनसिया झिंछता त्याः ११ः३० इलय् डोजरं छेँय् ठक्कर नकूबले जितगोविन्दया ८९ दँया अबु नारायण गोपाल महर्जन व ८८ दँया मां पुनमाया महर्जन छकू हे कोथाय् च्वनाच्वंगु खः । डोजरं प्रहरी चौकी लिक्क लाःगु छेँय् थुनेगु यायेवं अक्सिजन कयाच्वनेमाःम्ह पुनमाया भुखाय् ब्वल धकाः कःसि वन । नारायण महर्जन बँय् दल । नारायण गोपाल उखेथुखे जुइमफुम्ह जुया कोथाय् हे च्वनाच्वनीम्ह खः । अथे डोजरं छेँय् थक्कर नकेवं जितगोविन्दया कलाः सुजना महर्जन भुखाय् ब्वल धाधां पिने पिब्वांवःगु खः । पिनेवःबलय् थःगु छेँ डोजरं स्यंकाःच्वंगु खँबलय् न्वंवाय् मफुत । जलय् जीतगोविन्द महर्जनया छेँजक मखु मेपिं न्याम्हेसिया छेँय् समेत अथे स्यंकेगु याःगु खः । आकाझाकां छेँय् थुनेगु यायेवं स्थानीय युवातसें विरोध याःगु खः । सलंसः प्रहरीनाप वया डोजर चलय् याःगुया विरोधय् प्रदर्शन समेत जूगु खः । विना सुचना, छेँ मनू दय्क दय्कं डोजर चलय् याःगुलिं अनया मनूत आतंकित जूगु दु । स्थानीयवासीतसें छघौ त्याः लँ बन्द याना विरोध याःगु खः । स्थानीयतय्गु यक्व विरोध जुइवं डोजर लिहाँवंगु खः ।
आन्दोलनकारीतसें मुआब्जा बिइमाःगु, क्षतिपूर्ति बिइमाःगु माग याना वयाच्वंगु दु ।
अनं लिपा जलया स्थानीयवासीतय्गु शनिवाः हे मुँज्या च्वना आइतवाः जिल्ला प्रशासन ज्याकू घेराउ यायेगु नापंया संघर्षया ज्याझ्वः तयार याःगु दु । आः मदिक्क आन्दोलन न्ह्याकेगु जुइ धकाः आन्दोलनया नेतृत्व याना वयाच्वनादीम्ह चैन गोपाल महर्जनं जानकारी बियादीगु दु ।
No comments:
Post a Comment