क्षेत्र नं.१०या सांसदपिं नेपालभाषा एकेडेमीइ
ज्ववलपा वाःपौ ÷
नेपालभाषा साहित्य, संस्कृति च्वन्ह्याकेत जनस्तरं पलिस्था यानातःगु नेपालभाषा एकेडेमी वंगु विहिवाः कार्तिक १८ गते काठमाडौं जिल्ला क्षेत्र नं.१० या निर्वाचित सांसद राजेन्द्र कुमार के.सी. समानुपातिक सांसद श्याम श्रेष्ठ, समानुपातिक सांसद रुपा महर्जनपिं झायादीगु खः ।
उगु इलय् नेपालभाषा एकेडेमीया चान्सलर चित्तरन्जन नेपाली, भाइस चान्सलर यज्ञरत्न धाख्वाः, सदस्य सचिव मल्ल के सुन्दर, समाजसेवी लक्ष्मीदास मानन्धर, डा.पुष्पराज राजकर्णिकार, प्रा.डा. चन्द्रमान बज्राचार्य, नजरराम महर्जन दथुई नेपालभाषा एकेडेमीयात गुगुकथं बांलाक न्ह्याका यंकेफै धइगु बारे सहलह जूगु खः ।
सदस्य सचिव मल्ल के.सुन्दरं नेपालभाषा एकेडेमीया म्हसिइका व थौंतक याना वयाच्वंगु ज्याखँया बारे ध्वाथुइक न्ह्यब्वया दिल । सांसद श्याम श्रेष्ठं जनस्तरं यायेमाक्व ग्वाहालि याये धुंकूगु दु । आः थ्वयात सदांया म्वाकाःतयेगु निंति सरकारीस्तरं नं ग्वाहालि यायेमाःगु बिचाः प्वंकादिसें थ्व खँय् थःपिन्सं फुगु ग्वाहालि यायेगु बचं बियादिल । सांसद राजेन्द्र कुमार के.सीं नेपालभाषा एकेडेमीया भौतिक पुर्वाधार विकासया निंतिं काठमाडौं जिल्ला १० नं क्षेत्रय प्यम्ह सांसदपिं दु । प्यम्हेसिया सहलह याना थःपिनिगु सांसद कोषं गुलि फु उलि ग्वाहालि यायेगु बचं बिया दिल । उकिया निंतिं नेपालभाषा एकेडेमीं प्रपोजल दयेके माल धयादिल ।
वय्कःपिनिगु सौहार्दपूर्ण बचं न्यनाः याकनं हे प्रपोजल दयेका बिइगु बचं बियादिसें चान्सलर चित्तरंजन नेपालीं वयकःपिन्त सुभाय् बियादिल ।
सांसदपिन्सं नेपालभाषा एकेडेमीया लागा नं निरिक्षण यानादीगु खः ।
ज्ववलपा वाःपौ ÷
नेपालभाषा साहित्य, संस्कृति च्वन्ह्याकेत जनस्तरं पलिस्था यानातःगु नेपालभाषा एकेडेमी वंगु विहिवाः कार्तिक १८ गते काठमाडौं जिल्ला क्षेत्र नं.१० या निर्वाचित सांसद राजेन्द्र कुमार के.सी. समानुपातिक सांसद श्याम श्रेष्ठ, समानुपातिक सांसद रुपा महर्जनपिं झायादीगु खः ।
उगु इलय् नेपालभाषा एकेडेमीया चान्सलर चित्तरन्जन नेपाली, भाइस चान्सलर यज्ञरत्न धाख्वाः, सदस्य सचिव मल्ल के सुन्दर, समाजसेवी लक्ष्मीदास मानन्धर, डा.पुष्पराज राजकर्णिकार, प्रा.डा. चन्द्रमान बज्राचार्य, नजरराम महर्जन दथुई नेपालभाषा एकेडेमीयात गुगुकथं बांलाक न्ह्याका यंकेफै धइगु बारे सहलह जूगु खः ।
सदस्य सचिव मल्ल के.सुन्दरं नेपालभाषा एकेडेमीया म्हसिइका व थौंतक याना वयाच्वंगु ज्याखँया बारे ध्वाथुइक न्ह्यब्वया दिल । सांसद श्याम श्रेष्ठं जनस्तरं यायेमाक्व ग्वाहालि याये धुंकूगु दु । आः थ्वयात सदांया म्वाकाःतयेगु निंति सरकारीस्तरं नं ग्वाहालि यायेमाःगु बिचाः प्वंकादिसें थ्व खँय् थःपिन्सं फुगु ग्वाहालि यायेगु बचं बियादिल । सांसद राजेन्द्र कुमार के.सीं नेपालभाषा एकेडेमीया भौतिक पुर्वाधार विकासया निंतिं काठमाडौं जिल्ला १० नं क्षेत्रय प्यम्ह सांसदपिं दु । प्यम्हेसिया सहलह याना थःपिनिगु सांसद कोषं गुलि फु उलि ग्वाहालि यायेगु बचं बिया दिल । उकिया निंतिं नेपालभाषा एकेडेमीं प्रपोजल दयेके माल धयादिल ।
वय्कःपिनिगु सौहार्दपूर्ण बचं न्यनाः याकनं हे प्रपोजल दयेका बिइगु बचं बियादिसें चान्सलर चित्तरंजन नेपालीं वयकःपिन्त सुभाय् बियादिल ।
सांसदपिन्सं नेपालभाषा एकेडेमीया लागा नं निरिक्षण यानादीगु खः ।
No comments:
Post a Comment