अपर्णा प्रधानया खुगू सपूm छकलं छगू हे दबुलिइ विमोचन

अपर्णा प्रधानया खुगू सपूm छकलं छगू हे दबुलिइ विमोचन

तःदँ न्ह्यःनिसें नेपालभाषा ख्यलय् समालोचना, च्वसुमुना व बाखंमुना यानाः नेपालभाषाया न्हय्गु  ७ सपूm पिथनादी धुंकूम्ह अपर्णा प्रधान आः उपन्यास विधाय् नं पिलूझाःगु दु ।

म्हिगः ने.सं.११३६ यंलाथ्व नवमि सनिवाः (भाद्र २५) गते छगू हे दबुली वय्कःया खुगु सपूm छकलं उलेज्या जुल । प्रा.प्रेमशान्ति तुलाधरया मूपाहाँसुइ जूगु उगु ज्याझ्वलय् वय्कःया समालोचना सपूm —स्वदुवाः, निवन्ध मुना — पुण्यभूमि नेपाल व प्यंगु उपन्यास १.मां, २.लुमन्ति ३.खग्रास मुक्तगु मिला, ४.सुमन याना भिंद्यः भ्वय्छेँ हलय् विमोचन जूगु खः ।

ने.सं.१०६७ गुंलागा १४ य् किलागः यें मां मथुरादेवी व बौ रामभक्त प्रधानया कोखं जन्म जुयादीम्ह वय्कलं नेपालभाषाय् एम.ए.पास यानादीगु दु । वय्कलं रेवतीरमानन्द श्रेष्ठ धार्मिक लेख सिरपा, ठाकुरलाल सिरपाः व जरिमैंया सिरपा नं कयादी धुंकूगु दु ।  जीवनया ७० दँय् थ्यनेधुंकाः नं वय्कःया च्वसू थुलिमछि छकलं पिदनेगु धैगु वयकःया साहित्यप्रति अनुरागया दसू खः । अले सुं नं मिसाया ल्यूने सुं मिजंया हःपा दइ धाःथें झिंखुदँया बैशय इहिपा यानादीम्ह वय्कःया जहान भाजु शान्तवर प्रधानया हःपा च्वछाये बहःजू । थुगु खुगु सपूmया पिकाकः नं वय्कःया जहान शान्तवर प्रधान हे खः । वय्कःया मेमेगु न्हापा हे पिदने धुंकूगु सपूmत थथे दु १.झिंच्याफ्वः स्वां (च्वसुमुना, ने.सं.११२५) २. स्वय्नगु (बाखमुना, ११२७), ३.जःया जः (समालोचना मुना, ११२९) ४.कुतः (समालोचना ११३०, ५. भावना (निवन्ध मुना११३०), ६. ईया बाखं (बाखंमुना ११३०) ७. नीलः (बाखंमुना ११३१) अथे हे पिदने मानिगु निगु उपन्यास सपूmत नं दनि १.लायलामा व ल्यासे अजि । थुगु कथं नेपाल भाषा उपन्यास ख्यलय् न्हापांम्ह मिसा च्वमि शशिकला मानन्धर खःसा आः अपर्णा प्रधानं नं उपन्यास च्वमि मिसाया नां धलखय् थःगु नां नं दुथ्याका दीगु दु ।