ज्वजलपा वाःपौ १०५
कीर्तिपुर सामुदायिक सेवा केन्द्रया सहलह मुँज्या
कीर्तिपुर सामुदायिक सेवा केन्द्रं म्हिंग सुक्रवाः होटल हिलसाईडय् छगू सहलह मुँज्या यात । “कीर्तिपुर क्षेत्रको सुरक्षाको वर्तमान अवस्था र भविष्यमा चालिने कदमहरुको बारेमा छलफल तथा अन्तरक्रिया कार्यक्रम” नां बिया याःगु उगु ज्याझ्वःया सभानायो सेवा केन्द्रया अध्यक्ष रविन्द्र वहादुर प्रधानं यानादीगु खः । मूपाहाँ कीर्तिपुर नगरपालिकाया कार्यकारी अधिकृत नापं प्रमुख उद्धव प्रसाद रिजाल जुयादीगु खः ।
लसकुस नापं ज्याझ्वःया बारे रबिन्द्रवहादुर प्रधानं सकसित नं थुइका दिल । सुरक्षानाप स्वापू दुगु सहलह मुँज्याय् डिएसपि मेखवहादुर खत्रीं किपूया शान्ति सुरक्षाया बारे न्ह्यथनादिसें भविष्यय् छु छु यायेगु योजना दु धकाः नं कनांदिल । किपूया थीथी थासय् सीसीटिभी तय्गु योजना कनांदिल । सीसीटिभीया बारे संचार तथा सूचना केन्द्रया संयोजक आनन्द महर्जनं पावरप्वाइन्ट मार्फत सीसीटिभी गन गन तयेगु योजना दु धका किपाः ब्वया क्यनादिल । वयकःया कथं सीसीटिभि तय्त थ्यंमथ्यं ३० लाख धेबा तुइगु कनां दिल । तर व धेबा गनं हयेगु धया मदी ।
उगु ज्याझ्वलय् किपूया थीथी बैंकया जिम्मेवार व्यक्तिपिं, खानेपानीया प्रतिनिधि स्वास्थ्य सम्बन्धि याना यक्व हे जिम्मेवार व्यक्तिपिं उपस्थित जुयादीगु खः । पाहाँपिं सकसिनं न्वंवाये धुंकाः सर्वसाधारणया खँ कायेगु जुल । प्यम्ह न्याम्हसें थीथी न्ह्यसः तयादील । पुलिस सम्बन्धि वःगु न्ह्यसःया लिसलय् वयकलं सुयागुं प्रभाव व दवावं ज्या मयानागु व यायेमखुगु, कानूनया पूरा पालना यायेगु बचन बियादिसें । न्हापा स्वया आः किपूया शान्ति सुरक्षा बांलागु कनादिल । किपुमितसें थःत ग्वाहालि यानाच्वंगु खँ नं कनादिल । प्रहरी वर्दी पुनातःम्ह नागरिक खःसा नागरिकत विना वर्दीया प्रहरी खः । उकिं प्रहरी मेरो साथी धैगु नारा वःगु खँ कनादिल । किपू नगरपालिकाया कार्यकारी अधिकृतं सीसीटिभि तयेत माःगु धेबा नगरपालिकां व्यवस्थां यानाबिइगु । उकीया निंतिं उपभोक्ता समिति दयेके माल । समुदायया नं छुं छुं लगानी यायेमाः धयादिल ।
समुदायया लगानीया निंति अन उपस्थितपिं मध्ये क्वयच्वयाकथं चन्दा तःगु दु ।
१.रुद्रवहादुर स्मृति प्रतिस्थान (रबिन्द्र वहादुर प्रधान) रु.१५,०००÷
२.महानगरीय प्रहरी बृत्त कीर्तिपुर (डिएसपि मेख वहादुर खत्री) रु.१०,०००÷
३.पर्यटन सूचना केन्द्र, कीर्तिपुर (बिरेन्द्र शाक्य) रु.५०००÷
४.वेस्ट किड्स मन्टेश्वरी एकेडेमी ग्रुप रु.५५५५÷
५.बेटर कलेक्सन (विनोद महर्जन ) रु.५५२३÷
६.चन्द्रमोहन इन्टरप्राइजेज रु.६२००÷
७.स्वास्थ्य स्वयंसेवीका समूह (नीलकुमारी महर्जन) रु.१०००÷
कीर्तिपुर सामुदायिक सेवा केन्द्रया सहलह मुँज्या
कीर्तिपुर सामुदायिक सेवा केन्द्रं म्हिंग सुक्रवाः होटल हिलसाईडय् छगू सहलह मुँज्या यात । “कीर्तिपुर क्षेत्रको सुरक्षाको वर्तमान अवस्था र भविष्यमा चालिने कदमहरुको बारेमा छलफल तथा अन्तरक्रिया कार्यक्रम” नां बिया याःगु उगु ज्याझ्वःया सभानायो सेवा केन्द्रया अध्यक्ष रविन्द्र वहादुर प्रधानं यानादीगु खः । मूपाहाँ कीर्तिपुर नगरपालिकाया कार्यकारी अधिकृत नापं प्रमुख उद्धव प्रसाद रिजाल जुयादीगु खः ।
लसकुस नापं ज्याझ्वःया बारे रबिन्द्रवहादुर प्रधानं सकसित नं थुइका दिल । सुरक्षानाप स्वापू दुगु सहलह मुँज्याय् डिएसपि मेखवहादुर खत्रीं किपूया शान्ति सुरक्षाया बारे न्ह्यथनादिसें भविष्यय् छु छु यायेगु योजना दु धकाः नं कनांदिल । किपूया थीथी थासय् सीसीटिभी तय्गु योजना कनांदिल । सीसीटिभीया बारे संचार तथा सूचना केन्द्रया संयोजक आनन्द महर्जनं पावरप्वाइन्ट मार्फत सीसीटिभी गन गन तयेगु योजना दु धका किपाः ब्वया क्यनादिल । वयकःया कथं सीसीटिभि तय्त थ्यंमथ्यं ३० लाख धेबा तुइगु कनां दिल । तर व धेबा गनं हयेगु धया मदी ।
उगु ज्याझ्वलय् किपूया थीथी बैंकया जिम्मेवार व्यक्तिपिं, खानेपानीया प्रतिनिधि स्वास्थ्य सम्बन्धि याना यक्व हे जिम्मेवार व्यक्तिपिं उपस्थित जुयादीगु खः । पाहाँपिं सकसिनं न्वंवाये धुंकाः सर्वसाधारणया खँ कायेगु जुल । प्यम्ह न्याम्हसें थीथी न्ह्यसः तयादील । पुलिस सम्बन्धि वःगु न्ह्यसःया लिसलय् वयकलं सुयागुं प्रभाव व दवावं ज्या मयानागु व यायेमखुगु, कानूनया पूरा पालना यायेगु बचन बियादिसें । न्हापा स्वया आः किपूया शान्ति सुरक्षा बांलागु कनादिल । किपुमितसें थःत ग्वाहालि यानाच्वंगु खँ नं कनादिल । प्रहरी वर्दी पुनातःम्ह नागरिक खःसा नागरिकत विना वर्दीया प्रहरी खः । उकिं प्रहरी मेरो साथी धैगु नारा वःगु खँ कनादिल । किपू नगरपालिकाया कार्यकारी अधिकृतं सीसीटिभि तयेत माःगु धेबा नगरपालिकां व्यवस्थां यानाबिइगु । उकीया निंतिं उपभोक्ता समिति दयेके माल । समुदायया नं छुं छुं लगानी यायेमाः धयादिल ।
समुदायया लगानीया निंति अन उपस्थितपिं मध्ये क्वयच्वयाकथं चन्दा तःगु दु ।
१.रुद्रवहादुर स्मृति प्रतिस्थान (रबिन्द्र वहादुर प्रधान) रु.१५,०००÷
२.महानगरीय प्रहरी बृत्त कीर्तिपुर (डिएसपि मेख वहादुर खत्री) रु.१०,०००÷
३.पर्यटन सूचना केन्द्र, कीर्तिपुर (बिरेन्द्र शाक्य) रु.५०००÷
४.वेस्ट किड्स मन्टेश्वरी एकेडेमी ग्रुप रु.५५५५÷
५.बेटर कलेक्सन (विनोद महर्जन ) रु.५५२३÷
६.चन्द्रमोहन इन्टरप्राइजेज रु.६२००÷
७.स्वास्थ्य स्वयंसेवीका समूह (नीलकुमारी महर्जन) रु.१०००÷
No comments:
Post a Comment