स्वस्थानी छु खः ?
ज्वजलपा वाःपौ ÷
दँय् दसं पोहलाथ्व पुन्हि अर्थात मिला पुन्हिनिसें सिल्लाथ्व पुन्हि अर्थात सिपुन्हि तक लच्छियंकं नेवाःत जक मखु नेवाः मखुपिन्सं तकं स्वास्थानीयात लुमंकेगु याइ । स्वस्थानीयात स्वस्थानीमात अले स्वस्थानी भगवान नापं स्थानीय द्यः धकाः धायेगु याना वयाच्वंगु दु । सक्वया स्थानीय नेवाःतय्सं ला स्वस्थानी धाइम्ह हे बज्रयोगिनी द्यः खः धकाः नाला वयाच्वंगु दु । अझ गुलिं गुलिसिनं ला स्वस्थानी धाइम्ह महाद्यःया कला पार्वती धकाः धायेगु याना वयाच्वंगु दु । स्वस्थानीया सफुतिइ स्वल धाःसा महाद्यः व पार्वतीया किपाः तयातःगु दुगुलिं पार्वती धाइम्ह हे स्वास्थानी धकाः थुइकेगु स्वाभाविक हे खः । गुलिं गुलिं सफुतिइ धाःसा ओम खँग्वःयात हे स्वस्थानी धकाः थुइकेगु कथंया किपाः तयातःगु मदुगु मखु । अय्नं सामान्य तया स्वस्थानी धाये धुनेवं महाद्यःया कलाया रुपय् नाला वयाच्वंगु दु । अथे महाद्यःया कला पार्वती हे स्वस्थानी धकाः थुइकूगुया मेगु मूल कारण धइगु स्वस्थानी बाखनय् महाद्यः व पार्वतीया घटनाक्रमत यक्व उल्लेख यानातःगु दुगुलिं नं खः ।
स्वस्थानी द्यःया मूर्तियात मात्तुमाल वनेगु झ्वलय् आः निगू कथंया मूर्तियात स्वस्थानीया मूर्ति धकाः हे पुजा आजा याना वयाच्वंगु खने दु । मल्लकालय् पलिस्था यानातःगु छगू मूर्ति अले थनि निगू दशक न्ह्यः सक्वय् पलिस्था याःगु दु न्हूगु कथंया स्वस्थानीया मूर्ति । थ्व निगू कथंया स्वस्थानीया मूर्ति खनेदुसा थ्व निगू तसकं ब्यागलं ब्यागलं कथंया मूर्ति खः ।
येँया मखंया ताना बहाः आर्थात नारणी बहालय् मल्लकालय् पलिस्था यानातःगु स्वस्थानीय मूर्ति स्वयेबलय् महाद्यः व पर्वतीया मूर्ति थें च्वं । ल्वहंयागु थुगु मूर्तिइ महाद्यःया बाहां द्धं नं दु अले पार्वतीया बहां सिंह नं दु । चीधंगु थुगु मूर्ति येँया मल्ल जुजु प्रताप मल्लया इलय् पलिस्था याःगु खः धाइ । नेपाल संवत ७७४ पाखे पलिस्था याःगु थुगु मूर्तियात आः तक लुयावःगु दक्ले पुलांगु स्वस्थानीया मूर्तिया रुपय् नालातःगु दु ।
अथे हे सक्वय् च्याकुंलाःगु देगःया दुने पश्चिपाखे स्वका पलिस्था यानातःगु स्वस्थानीया मूर्ति धइगु ल्वहंयागु मूर्ति खः । सक्वय् ल्हातं च्वयातःगु स्वस्थानीया बाखं सफुतिइ उल्लेख जुयाच्वंगु कथं च्याम्ह अष्टमातृकाया दथुइ स्वंगः मिखा दुम्ह, प्यपा ल्हाः दुम्ह अले छपा ल्हातं खड्ग, मेगु ल्हातं च्वामो, मेगु ल्हातं बरमाल ज्वनाच्वंम्ह नापं छपा ल्हातं आशिवाद बियाच्वंम्ह मुलुकछ्याना फयेतुनाच्वंम्ह मूर्ति खः । थुगु मूर्ति सक्वया नादि खुसि अर्थात साली नदिया लिक्क पलिस्था यानातःगु दु ।
Published at Jwojalapa Issue 169 on 21 Janaury 2018
ज्वजलपा वाःपौ ÷
दँय् दसं पोहलाथ्व पुन्हि अर्थात मिला पुन्हिनिसें सिल्लाथ्व पुन्हि अर्थात सिपुन्हि तक लच्छियंकं नेवाःत जक मखु नेवाः मखुपिन्सं तकं स्वास्थानीयात लुमंकेगु याइ । स्वस्थानीयात स्वस्थानीमात अले स्वस्थानी भगवान नापं स्थानीय द्यः धकाः धायेगु याना वयाच्वंगु दु । सक्वया स्थानीय नेवाःतय्सं ला स्वस्थानी धाइम्ह हे बज्रयोगिनी द्यः खः धकाः नाला वयाच्वंगु दु । अझ गुलिं गुलिसिनं ला स्वस्थानी धाइम्ह महाद्यःया कला पार्वती धकाः धायेगु याना वयाच्वंगु दु । स्वस्थानीया सफुतिइ स्वल धाःसा महाद्यः व पार्वतीया किपाः तयातःगु दुगुलिं पार्वती धाइम्ह हे स्वास्थानी धकाः थुइकेगु स्वाभाविक हे खः । गुलिं गुलिं सफुतिइ धाःसा ओम खँग्वःयात हे स्वस्थानी धकाः थुइकेगु कथंया किपाः तयातःगु मदुगु मखु । अय्नं सामान्य तया स्वस्थानी धाये धुनेवं महाद्यःया कलाया रुपय् नाला वयाच्वंगु दु । अथे महाद्यःया कला पार्वती हे स्वस्थानी धकाः थुइकूगुया मेगु मूल कारण धइगु स्वस्थानी बाखनय् महाद्यः व पार्वतीया घटनाक्रमत यक्व उल्लेख यानातःगु दुगुलिं नं खः ।
येँया मखंया ताना बहाः आर्थात नारणी बहालय् मल्लकालय् पलिस्था यानातःगु स्वस्थानीय मूर्ति स्वयेबलय् महाद्यः व पर्वतीया मूर्ति थें च्वं । ल्वहंयागु थुगु मूर्तिइ महाद्यःया बाहां द्धं नं दु अले पार्वतीया बहां सिंह नं दु । चीधंगु थुगु मूर्ति येँया मल्ल जुजु प्रताप मल्लया इलय् पलिस्था याःगु खः धाइ । नेपाल संवत ७७४ पाखे पलिस्था याःगु थुगु मूर्तियात आः तक लुयावःगु दक्ले पुलांगु स्वस्थानीया मूर्तिया रुपय् नालातःगु दु ।
Published at Jwojalapa Issue 169 on 21 Janaury 2018
No comments:
Post a Comment