राजनीति ल्वापुइ वनीगु संभावना अप्वया वल
आयोगया प्रतिवेदन च्याकेगु मधेसी मोर्चाया निर्णय
ज्वजलपा वाःपौ ÷
सरकारं गाउँपालिका, नगरपालिका, विशेष क्षेत्र, स्वायत्त क्षेत्र व संरक्षित क्षेत्रया सीमा व संख्या निर्धारण यायेगु नितिं धकाः बालानन्द पौडेलया नेतृत्वय् दयेकूगु आयोगया प्रतिवेदनयात संयुक्त लोकतान्त्रिक मधेसी मोर्चां अस्वीकार याना उकियात च्याकेगु निर्णय यायेवं हाकनं देसय् राजनीतिइ ल्वापुइ वनीगु संभावना अप्वया वःगु दु ।
आयोगं थःपिन्त बिउगु न्यागू विषय मध्ये निगू जक विषययात दुथ्याका प्रतिवेदन तयार याःगुयात नेपाःया आदिवासी जनजाति, मधेसीनिसें उत्पीडित समुदायपाखें अपुरो व अधुरो प्रतिवेदन धकाः अस्वीकार यायेगु घोषणा याना वयाच्वंगु अवस्था दुसा मधेसी मोर्चां ला उगु प्रतिवेदनयात च्याकेगु धकाः तकं निर्णय याःगु दु । सरकारय् दुथ्याःगु माओवादी केन्द्र, कांग्रेस नापं प्रमुख प्रतिपक्ष एमाले लगाययतया दलत व हे अपुरो व अधुरो प्रतिवेदनया आधारय् स्थानीय निकायया चुनाव यायेगु तयारीइ वनेवं समानता, समानुपातिक समावेशी, पहिचानया मुद्दा ज्वना आन्दोलन याना वयाच्वंगु आदिवासी जनजातितय्गु प्रतिनिधित्व यानाच्वंगु राजनीतिक दलंनिसें मधेसवादी दलत अथे हे प्रदेश स्तरीय मोर्चात आन्दोलन यायेगु कथंया तयारीइ न्ह्याः वंगु खः । थ्व हे झ्वलय् शनिवाः च्वंगु संयुक्त लोकतान्त्रिक मधेसी मोर्चाया बैठकं ला उगु प्रतिवेदनयात पूर्ण रुपं अस्वीकार याना वनेगु नापं थःपिनिगु विरोध ज्याझ्वःया दथुइ उगु प्रतिवेदन च्याकेगु धकाः तकं निर्णय याःगु खः ।
माघ २३ गते तराईया फुक्क सदरमुकामय् प्रदर्शन यायेगु नाप नापं उगु कथंया आयोगया प्रतिवेदनयात च्याकेगु धकाः तकं निर्णय याःगु दु । कांग्रेस, माओवादीपाखें संघीय गठबन्धनलिसे याःगु सहमति कथं थःपिनिगु माग सम्वोधन यायेगु कथं संविधान संशोधन यायेमाःगु माग याना वयाच्वंगु खः ।
सरकारं हःगु संविधान संशोधनया प्रस्तावयात परिमार्जन याना थःपिनिगु माग पुरा यायेमाःगु सः तया वयाच्वंगु खः । तर लिपांगु इलय् वया सत्तापक्ष दलत नापं विपक्षी दलत जाना स्थानीय निकायया चुनाव यायेगु तयारी याःगुलिं मधेसी मोर्चा नापं जनजातित आक्रमक रुपं सः तयेगु यानाहःगु खः ।
थ्व हे दथुइ संघीय गठबन्धनया छम्ह नेतां ज्वजलपा वाःपौलिसे खँल्हासें थुगु हे कथं सरकार व प्रमुख प्रतिपक्ष वन धाःसा माघ महिना धुसांनिसें देय्न्यंकं सशक्त आन्दोलन यायेगु नापं चुनाव घोषणा यात धाःसा अस्वीकार यायेगु जक मखु चुनाव हे याके मबिइगु तकंया ख्याच्वः बियादीगु दु ।
आयोगया प्रतिवेदन च्याकेगु मधेसी मोर्चाया निर्णय
ज्वजलपा वाःपौ ÷
सरकारं गाउँपालिका, नगरपालिका, विशेष क्षेत्र, स्वायत्त क्षेत्र व संरक्षित क्षेत्रया सीमा व संख्या निर्धारण यायेगु नितिं धकाः बालानन्द पौडेलया नेतृत्वय् दयेकूगु आयोगया प्रतिवेदनयात संयुक्त लोकतान्त्रिक मधेसी मोर्चां अस्वीकार याना उकियात च्याकेगु निर्णय यायेवं हाकनं देसय् राजनीतिइ ल्वापुइ वनीगु संभावना अप्वया वःगु दु ।
आयोगं थःपिन्त बिउगु न्यागू विषय मध्ये निगू जक विषययात दुथ्याका प्रतिवेदन तयार याःगुयात नेपाःया आदिवासी जनजाति, मधेसीनिसें उत्पीडित समुदायपाखें अपुरो व अधुरो प्रतिवेदन धकाः अस्वीकार यायेगु घोषणा याना वयाच्वंगु अवस्था दुसा मधेसी मोर्चां ला उगु प्रतिवेदनयात च्याकेगु धकाः तकं निर्णय याःगु दु । सरकारय् दुथ्याःगु माओवादी केन्द्र, कांग्रेस नापं प्रमुख प्रतिपक्ष एमाले लगाययतया दलत व हे अपुरो व अधुरो प्रतिवेदनया आधारय् स्थानीय निकायया चुनाव यायेगु तयारीइ वनेवं समानता, समानुपातिक समावेशी, पहिचानया मुद्दा ज्वना आन्दोलन याना वयाच्वंगु आदिवासी जनजातितय्गु प्रतिनिधित्व यानाच्वंगु राजनीतिक दलंनिसें मधेसवादी दलत अथे हे प्रदेश स्तरीय मोर्चात आन्दोलन यायेगु कथंया तयारीइ न्ह्याः वंगु खः । थ्व हे झ्वलय् शनिवाः च्वंगु संयुक्त लोकतान्त्रिक मधेसी मोर्चाया बैठकं ला उगु प्रतिवेदनयात पूर्ण रुपं अस्वीकार याना वनेगु नापं थःपिनिगु विरोध ज्याझ्वःया दथुइ उगु प्रतिवेदन च्याकेगु धकाः तकं निर्णय याःगु खः ।
माघ २३ गते तराईया फुक्क सदरमुकामय् प्रदर्शन यायेगु नाप नापं उगु कथंया आयोगया प्रतिवेदनयात च्याकेगु धकाः तकं निर्णय याःगु दु । कांग्रेस, माओवादीपाखें संघीय गठबन्धनलिसे याःगु सहमति कथं थःपिनिगु माग सम्वोधन यायेगु कथं संविधान संशोधन यायेमाःगु माग याना वयाच्वंगु खः ।
सरकारं हःगु संविधान संशोधनया प्रस्तावयात परिमार्जन याना थःपिनिगु माग पुरा यायेमाःगु सः तया वयाच्वंगु खः । तर लिपांगु इलय् वया सत्तापक्ष दलत नापं विपक्षी दलत जाना स्थानीय निकायया चुनाव यायेगु तयारी याःगुलिं मधेसी मोर्चा नापं जनजातित आक्रमक रुपं सः तयेगु यानाहःगु खः ।
थ्व हे दथुइ संघीय गठबन्धनया छम्ह नेतां ज्वजलपा वाःपौलिसे खँल्हासें थुगु हे कथं सरकार व प्रमुख प्रतिपक्ष वन धाःसा माघ महिना धुसांनिसें देय्न्यंकं सशक्त आन्दोलन यायेगु नापं चुनाव घोषणा यात धाःसा अस्वीकार यायेगु जक मखु चुनाव हे याके मबिइगु तकंया ख्याच्वः बियादीगु दु ।
No comments:
Post a Comment