साहित्य— चिनाखँ
शंखधरलिसे जि
(ललेन्द्र शाक्यया च्वसां पिज्वःगु थुगु चिनाखँ ने.सं. ११३६ कौलागा चतुर्दशी (२०७३ कार्तिक १३ गते) शनिवाः खिचापूजाया दिं किपूया १ वडा बाघभैरव प्रजा दबुलिइ प्याखं दबू किपूया ग्वसालय् जूगु ‘न्हूदँ व शंखधर साख्वाः’या विषयस जूगु चिनाखँ धेंधेंबल्ला कासाय् न्हाप लाःगु चिनाखँ)
शंखधर !
सदियौंनिसें छन्त न्हुत्तु न्हुयाच्वंगु खं जिं
इसाःतिसाः यानाः छंगु लाफः पीत्यंगु नं खं जिं
गथे न्हुत्तु न्हुल छन्त, गथे लाफः पीत्यन छन्त
अथेहे, जितः न्यवः न्ह्याकाः, म्हुतुइ पत्तिं चिकाः
पुन्हिया जलय् खिमिलाय् कुनातःगु दु !
घालय् मल्ता(चि हाः याना कंझालय् थ्यनातःगु दु ।।
छं स्यू छंगु स्वतन्त्रताया नितिं सः तइम्ह खः जि
छंगु अधिकारया नितिं मूस्याः च्याकीम्ह खः जि
जि गुलि चिल्लाय् दना छंगु मुक्तिया नितिं
जि गुलि दनेत स्वया छंगु लँपु ज्वनेगु नितिं विवश !
न जिं थःगु सः पिज्वयेकेफु, नं जि गनं बः कयाः दने हे फु
शंखधर ! आसे म्हुतुया पत्ति खुइमानी, तुतां बः कयाः दनेमानी
छंगु लसताया नितिं थ्व झिंजादंगु ख्युंगु लकस हिलेमानी ।।
शंखधर ! छं थः सन्तति न्हूदँया सुसाकुसा यायेगु भाला जितः बिल
मयानागु नं मखु याना, तर जि याकःचा छु याये शंखधर ?
न्हूदँ नेपाःया गौरव धाधां हाला जि चिल्लाय् दनाः
खिइ भुजिं हालेथें जि, स्वइगुं मदु, द हे मदु च्यूताः ।।
शंखधर ! छन्त धाये ला मधायेला...! मखु धाये हे माः छन्त !
शंखधर, छं सन्तति न्हूदँयात प्यारालाइसिस ल्वचं कःगु दु
पलाः छिइगु इच्छा दुसां न्यासि जुइ मफये धुंकूगु दु
थःथितिपिं दु, अबुया ख्वाः स्वःवये थें
दँय् छक्वः वया न्हूदँयात तिप्यंक नसा(घासा नकाः वनी
विचरा प्यारालाइसिस जूम्ह न्हूदँयात !
नःगु पचे यायेमफया छेरापति ल्वचं नं कयाच्वंगु दु दँय्दसं
दच्छितक अचेत अवस्थाय् म्वानाच्वंम्ह न्हूदँयात
केवल छन्हु न्हूदँया बुदिं लुमंकाः भिंतुना ब्यू वइ
साःगुं मसाःगु छु छु नकी, बस् हाकनं दच्छितक व हे छेरापति
शंखधर ! सदियौंनिसें थथे हे न्ह्यानाच्वंगु दु न्हूदँया जीवन यात्रा ।।
शंखधर ! जिं बिन्ती याये, जिं इनाप याये
छं सन्तति न्हूदँयात छन्थाय् हे त्वःते हये
गबलेतक न्हूदँया ल्वय् लनीगु वासः थन दइमखु
गबलेतक न्हूदं न्हियान्हिथं न्यासि वनीगु लँपु लुइके फइमखु
गबलेतक छन्त, न्हूदँयात व जितः न्हुयातःगु पलाः चीकेफइमखु
अबलेतक न्हूदँयात छंगु हे मुलय् थ्यनाति शंखधर ।।
सुभाय् । जय् मांभाय्
शंखधरलिसे जि
(ललेन्द्र शाक्यया च्वसां पिज्वःगु थुगु चिनाखँ ने.सं. ११३६ कौलागा चतुर्दशी (२०७३ कार्तिक १३ गते) शनिवाः खिचापूजाया दिं किपूया १ वडा बाघभैरव प्रजा दबुलिइ प्याखं दबू किपूया ग्वसालय् जूगु ‘न्हूदँ व शंखधर साख्वाः’या विषयस जूगु चिनाखँ धेंधेंबल्ला कासाय् न्हाप लाःगु चिनाखँ)
शंखधर !
सदियौंनिसें छन्त न्हुत्तु न्हुयाच्वंगु खं जिं
इसाःतिसाः यानाः छंगु लाफः पीत्यंगु नं खं जिं
गथे न्हुत्तु न्हुल छन्त, गथे लाफः पीत्यन छन्त
अथेहे, जितः न्यवः न्ह्याकाः, म्हुतुइ पत्तिं चिकाः
पुन्हिया जलय् खिमिलाय् कुनातःगु दु !
घालय् मल्ता(चि हाः याना कंझालय् थ्यनातःगु दु ।।
छं स्यू छंगु स्वतन्त्रताया नितिं सः तइम्ह खः जि
छंगु अधिकारया नितिं मूस्याः च्याकीम्ह खः जि
जि गुलि चिल्लाय् दना छंगु मुक्तिया नितिं
जि गुलि दनेत स्वया छंगु लँपु ज्वनेगु नितिं विवश !
न जिं थःगु सः पिज्वयेकेफु, नं जि गनं बः कयाः दने हे फु
शंखधर ! आसे म्हुतुया पत्ति खुइमानी, तुतां बः कयाः दनेमानी
छंगु लसताया नितिं थ्व झिंजादंगु ख्युंगु लकस हिलेमानी ।।
शंखधर ! छं थः सन्तति न्हूदँया सुसाकुसा यायेगु भाला जितः बिल
मयानागु नं मखु याना, तर जि याकःचा छु याये शंखधर ?
न्हूदँ नेपाःया गौरव धाधां हाला जि चिल्लाय् दनाः
खिइ भुजिं हालेथें जि, स्वइगुं मदु, द हे मदु च्यूताः ।।
शंखधर ! छन्त धाये ला मधायेला...! मखु धाये हे माः छन्त !
शंखधर, छं सन्तति न्हूदँयात प्यारालाइसिस ल्वचं कःगु दु
पलाः छिइगु इच्छा दुसां न्यासि जुइ मफये धुंकूगु दु
थःथितिपिं दु, अबुया ख्वाः स्वःवये थें
दँय् छक्वः वया न्हूदँयात तिप्यंक नसा(घासा नकाः वनी
विचरा प्यारालाइसिस जूम्ह न्हूदँयात !
नःगु पचे यायेमफया छेरापति ल्वचं नं कयाच्वंगु दु दँय्दसं
दच्छितक अचेत अवस्थाय् म्वानाच्वंम्ह न्हूदँयात
केवल छन्हु न्हूदँया बुदिं लुमंकाः भिंतुना ब्यू वइ
साःगुं मसाःगु छु छु नकी, बस् हाकनं दच्छितक व हे छेरापति
शंखधर ! सदियौंनिसें थथे हे न्ह्यानाच्वंगु दु न्हूदँया जीवन यात्रा ।।
शंखधर ! जिं बिन्ती याये, जिं इनाप याये
छं सन्तति न्हूदँयात छन्थाय् हे त्वःते हये
गबलेतक न्हूदँया ल्वय् लनीगु वासः थन दइमखु
गबलेतक न्हूदं न्हियान्हिथं न्यासि वनीगु लँपु लुइके फइमखु
गबलेतक छन्त, न्हूदँयात व जितः न्हुयातःगु पलाः चीकेफइमखु
अबलेतक न्हूदँयात छंगु हे मुलय् थ्यनाति शंखधर ।।
सुभाय् । जय् मांभाय्
No comments:
Post a Comment