संघीय समाजवादी नेवाः संघया न्हापांगु देय् तःमुँज्या क्वचाल
ज्वजलपा वाःपौ
जातीय मुक्तिया नितिं संघीयता, वर्गिय मुक्तिया नितिं समाजवाद धइगु सिद्धान्त ज्वना लिपांगु इलय् पहिचानया आधारय् प्रदेशत निर्माण जुइमाः धकाः माग याना वयाच्वंगु राजनीतिक दल धइगु संघीय समाजवादी फोरम नेपाल खः ।
उगु राजनीतिक दलं सतक व सदन निगू हे क्षेत्रय् थःपिनिगु सशक्त उपस्थिति क्यनेगु याना वयाच्वंगु दुसा लिपांगु इलय् वया प्रचण्ड नेतृत्वया सरकारयात समार्थन याना वयाच्वंगु दु । प्रचण्ड नेतृत्वया सरकारं नेपाःया आदिवासी जनजाति, मधेसीनिसें उत्पीडित समुदायया माग कथं न्हूगु संविधान संशोधन यायेत तयार जुइ धकाः तायेकाच्वंगु खः ।
पहिचानया आन्दोलन न्ह्याकाच्वंगु संघीय गठबन्धनया नेतृत्व याना वयाच्वंगु संघीय समाजवादी फोरम नेपालया भ्रातृ संगठन संघीय समाजवादी नेवाः संघया न्हापांगु देय् तःमुँज्या शनिवाः सतुंगलय् क्वचाल । संघीय समाजवादी नेवाः संघया न्हापांगु देय् तःमुँज्याया औपचारिक समारोह याये न्ह्यः सांस्कृतिक ¥याली पिथनाः नगर परिक्रमा याःगु खः ।
देय्न्यंकंया झिंन्यागू जिल्लाया प्रतिनिधित सहभागी जूगु उगु ¥याली नापं बन्द शत्रय् सहभागी जुयादीगु खः । येँया दक्षिण पश्चिम भेगय् च्वंगु सतुंगःया सतुंगल पार्टी प्यालेसय् जूगु ज्याझ्वलय् थीथी ब्यक्तित्वपिं सहभागी जुयादीगु खः । सांस्कृतिक झाकी सहितया ¥याली लिपा सतुंगल पार्टी प्यालेस थ्यंकाः तःमुँज्याया उलेज्या ज्याझ्वः याःगु खः । उगु तःमुँज्याया उलेज्या ससफो नेपालया सह–अध्यक्ष राजेन्द्र श्रेष्ठं यानादीगु खः ।
ज्याझ्वलय् मूपाहां राजेन्द्र श्रेष्ठ, नेवाः एक्यबद्धताया कजि डा. महेशमान श्रेष्ठ, नेवाः न्ह्यलुवा मल्ल के सुन्दर, न्हूच्छेलाल महर्जन, केवि घःजु, शाक्य सुरेन, नेवाः देय् दबूया नायः नरेश ताम्रकार, नेवाः स्वायत्त राज्य मंकाः संघर्ष समितिया नायः सन्तमान महर्जन, आदिवासी जनजातिया प्रतिनिधि जय गोले,क सुशिला श्रेष्ठ लगायतयापिन्सं न्वंवानादीगु खः ।
संघीय समाजवादी फोरम नेपालया भातृ संगठन संघीय समाजवादी नेवाः संघया तःमुँज्या ताःलायेमाः धकाः भिंतुनाबिसें वय्कःपिन्सं आःया अवस्थाय् प्रमुख राजनीतिक दलत जाना जारी जूगु संविधानय् नेवाः पहिचान विनाया प्रदेश निर्माण याःगु, न्हय्गू हे प्रदेश पहिचान विनाया जूगुलिं आःया अवस्थाय् नेवाः प्रदेश, नेवाः पहिचान, समानुपातिक समावेशी नापं समानताया नितिं संघीय समाजवादी नेवाः संघं नेतृत्वदायी भूमिका म्हिते फयेमाः धकाः न्वंवानादीगु खः । थ्व इलय् संघर्षया माध्यमं नेवाः नापं आदिवासी जनजाति, मधेसी, उत्पीडित समुदायया माग सम्वोधन याके मफत धाःसा सलंसःदँ ल्यूने लाइगु अवस्था वइ धकाः धयादिल । उकिं थ्व इलय् गुगु नं हालतय् संघर्षया माध्यमं आदिवासी जनजाति, मधेसी नापं उत्पीडित समुदायया माग संविधान संशोधनया माध्यमं सम्वोधन याकेत दबाव बिइमाःगु खँय् बः बियादीगु खः । अथे हे आःया अवस्थाय् स्थानीय तहया पुनर्संरचनाया गुगु कथं खँ पिहां वयाच्वंगु दु व धइगु पहिचान सहितया प्रदेशया माग सम्वोधन मयाइगु अवस्थाय् स्वीकार यायेगु अवस्था वइमखु धकाः तकं धयादिल । उकिं थ्व इलय् नेवाःत छप्पँ जुया वनेमाः धकाः नेवाः न्ह्यलुवातय्सं थःथःगु बिचाः प्वंकादीगु खः ।
उलेज्या लिपा शनिवाः हे बन्द सत्र जूगु खःसा बन्द शत्रं संघीय समाजवादी नेवाः संघ केन्द्रया न्हूगु नेतृत्व तकं ल्यःगु दु । बन्द शत्रं सर्व सहमतिं झिंछम्ह पदाधिकारी नापं स्वीम्ह केन्द्रीय सदस्य याना पीछम्हेसिया ज्यासना पुचः ल्यःगु खः ।
नेवाः सघया नायः सत्यनारायण डंगोल, न्वकूपिं खगेन्द्रबहादुर जोशी, इन्द्र बहादुर श्रेष्ठ, शेशनारायण महर्जन, विजयलक्ष्मी मानन्धर, नविन श्रेष्ठ, मूछ्याञ्जेय् सुदयराज शिलाकार, दांभरी बेखामान अवाले, छ्याञ्जेपिं गंगाबहादुर नेमकुल, आशारत्न डंगोल, प्रफुल्ला श्रेष्ठयात ल्यःगु दु ।
ज्वजलपा वाःपौ
जातीय मुक्तिया नितिं संघीयता, वर्गिय मुक्तिया नितिं समाजवाद धइगु सिद्धान्त ज्वना लिपांगु इलय् पहिचानया आधारय् प्रदेशत निर्माण जुइमाः धकाः माग याना वयाच्वंगु राजनीतिक दल धइगु संघीय समाजवादी फोरम नेपाल खः ।
उगु राजनीतिक दलं सतक व सदन निगू हे क्षेत्रय् थःपिनिगु सशक्त उपस्थिति क्यनेगु याना वयाच्वंगु दुसा लिपांगु इलय् वया प्रचण्ड नेतृत्वया सरकारयात समार्थन याना वयाच्वंगु दु । प्रचण्ड नेतृत्वया सरकारं नेपाःया आदिवासी जनजाति, मधेसीनिसें उत्पीडित समुदायया माग कथं न्हूगु संविधान संशोधन यायेत तयार जुइ धकाः तायेकाच्वंगु खः ।
पहिचानया आन्दोलन न्ह्याकाच्वंगु संघीय गठबन्धनया नेतृत्व याना वयाच्वंगु संघीय समाजवादी फोरम नेपालया भ्रातृ संगठन संघीय समाजवादी नेवाः संघया न्हापांगु देय् तःमुँज्या शनिवाः सतुंगलय् क्वचाल । संघीय समाजवादी नेवाः संघया न्हापांगु देय् तःमुँज्याया औपचारिक समारोह याये न्ह्यः सांस्कृतिक ¥याली पिथनाः नगर परिक्रमा याःगु खः ।
देय्न्यंकंया झिंन्यागू जिल्लाया प्रतिनिधित सहभागी जूगु उगु ¥याली नापं बन्द शत्रय् सहभागी जुयादीगु खः । येँया दक्षिण पश्चिम भेगय् च्वंगु सतुंगःया सतुंगल पार्टी प्यालेसय् जूगु ज्याझ्वलय् थीथी ब्यक्तित्वपिं सहभागी जुयादीगु खः । सांस्कृतिक झाकी सहितया ¥याली लिपा सतुंगल पार्टी प्यालेस थ्यंकाः तःमुँज्याया उलेज्या ज्याझ्वः याःगु खः । उगु तःमुँज्याया उलेज्या ससफो नेपालया सह–अध्यक्ष राजेन्द्र श्रेष्ठं यानादीगु खः ।
ज्याझ्वलय् मूपाहां राजेन्द्र श्रेष्ठ, नेवाः एक्यबद्धताया कजि डा. महेशमान श्रेष्ठ, नेवाः न्ह्यलुवा मल्ल के सुन्दर, न्हूच्छेलाल महर्जन, केवि घःजु, शाक्य सुरेन, नेवाः देय् दबूया नायः नरेश ताम्रकार, नेवाः स्वायत्त राज्य मंकाः संघर्ष समितिया नायः सन्तमान महर्जन, आदिवासी जनजातिया प्रतिनिधि जय गोले,क सुशिला श्रेष्ठ लगायतयापिन्सं न्वंवानादीगु खः ।
संघीय समाजवादी फोरम नेपालया भातृ संगठन संघीय समाजवादी नेवाः संघया तःमुँज्या ताःलायेमाः धकाः भिंतुनाबिसें वय्कःपिन्सं आःया अवस्थाय् प्रमुख राजनीतिक दलत जाना जारी जूगु संविधानय् नेवाः पहिचान विनाया प्रदेश निर्माण याःगु, न्हय्गू हे प्रदेश पहिचान विनाया जूगुलिं आःया अवस्थाय् नेवाः प्रदेश, नेवाः पहिचान, समानुपातिक समावेशी नापं समानताया नितिं संघीय समाजवादी नेवाः संघं नेतृत्वदायी भूमिका म्हिते फयेमाः धकाः न्वंवानादीगु खः । थ्व इलय् संघर्षया माध्यमं नेवाः नापं आदिवासी जनजाति, मधेसी, उत्पीडित समुदायया माग सम्वोधन याके मफत धाःसा सलंसःदँ ल्यूने लाइगु अवस्था वइ धकाः धयादिल । उकिं थ्व इलय् गुगु नं हालतय् संघर्षया माध्यमं आदिवासी जनजाति, मधेसी नापं उत्पीडित समुदायया माग संविधान संशोधनया माध्यमं सम्वोधन याकेत दबाव बिइमाःगु खँय् बः बियादीगु खः । अथे हे आःया अवस्थाय् स्थानीय तहया पुनर्संरचनाया गुगु कथं खँ पिहां वयाच्वंगु दु व धइगु पहिचान सहितया प्रदेशया माग सम्वोधन मयाइगु अवस्थाय् स्वीकार यायेगु अवस्था वइमखु धकाः तकं धयादिल । उकिं थ्व इलय् नेवाःत छप्पँ जुया वनेमाः धकाः नेवाः न्ह्यलुवातय्सं थःथःगु बिचाः प्वंकादीगु खः ।
उलेज्या लिपा शनिवाः हे बन्द सत्र जूगु खःसा बन्द शत्रं संघीय समाजवादी नेवाः संघ केन्द्रया न्हूगु नेतृत्व तकं ल्यःगु दु । बन्द शत्रं सर्व सहमतिं झिंछम्ह पदाधिकारी नापं स्वीम्ह केन्द्रीय सदस्य याना पीछम्हेसिया ज्यासना पुचः ल्यःगु खः ।
नेवाः सघया नायः सत्यनारायण डंगोल, न्वकूपिं खगेन्द्रबहादुर जोशी, इन्द्र बहादुर श्रेष्ठ, शेशनारायण महर्जन, विजयलक्ष्मी मानन्धर, नविन श्रेष्ठ, मूछ्याञ्जेय् सुदयराज शिलाकार, दांभरी बेखामान अवाले, छ्याञ्जेपिं गंगाबहादुर नेमकुल, आशारत्न डंगोल, प्रफुल्ला श्रेष्ठयात ल्यःगु दु ।
No comments:
Post a Comment